Բացահայտվել է Harrods հանրախանութում 10 տարվա ընթացքում 16 մլն ֆունտ սթեռլինգ վատնած կնոջ ինքնությունը

Բացահայտվել է Harrods հանրախանութում 10 տարվա ընթացքում  16 մլն ֆունտ սթեռլինգ վատնած կնոջ ինքնությունը

Հոդվածի առանցքում

  • Նա ծագումով ադրբեջանցի Զամիրա Հաջիևան է` Մեծ Բրիտանիայում հակակոռուպցիոն նոր օրենքի առաջին թիրախը: 55-ամյա տիկին Հաջիևան այժմ Հանցավորության դեմ պայքարի ազգային գործակալությանը պետք է բացատրի, թե ինչ միջոցներով են ինքն ու իր ամուսինը` Ջահանգիր Հաջիևը, իրենց թույլ տվել շքեղ առանձնատուն գնել Լոնդոնի հարևանությամբ:

Ուշադրությանն արժանի

Զամիրա Հաջիևան իր անձը գաղտնի պահելու դատական գործը տանուլ է տվել, քանի որ մեդիան պնդել է` հանրությունը պետք է իմանա բոլոր փաստերը: Նա ծագումով Ադրբեջանից է, Ադրբեջանի «Միջազգային բանկի» նախկին նախագահ Ջհանգիր Հաջիևի կինը: Ռիսկ կա, որ նա կկորցնի 15 մլն ֆունտ սթեռլինգ արժողությամբ իր տունն ու այլ սեփականություններ, եթե չկարողանա դատարանում պարզաբանել, թե որն է իր դրամական միջոցների աղբյուրը

Մեծ Բրիտանիայում ուժի մեջ մտած «Չհիմնավորված հարստության մասին» օրենքի պահանջով՝ 55-ամյա տիկին Հաջիևան այժմ Հանցավորության դեմ պայքարի ազգային գործակալությանը պետք է բացատրի, թե ինչ միջոցներով են ինքն ու իր ամուսինը` Ջահանգիր Հաջիևը, իրենց թույլ տվել շքեղ առանձնատուն գնել Լոնդոնի հարևանությամբ` Նայթսբրիջում: Տիկին Հաջիևայի փաստաբաններն ասել են, որ նոր օրենքը չպետք է ենթադրի որևէ սխալ գործողություն Հաջիևների նկատմամբ: Նրանք դիմել են դատարան` օրենքի դեմ բողոքարկում ներկայացնելու թույլտվության համար

 

Ի՞նչ է նշանակում «Չհիմնավորված հարստության մասին» օրենքը

 

Սա գործելու իրավական լծակ է, որի նպատակն է թիրախավորել կոռումպացված արտասահմանցի պաշտոնյաներին, որոնք, հնարավոր է, փողեր են լվանում Մեծ Բրիտանիայի միջոցովՀանցավորության դեմ պայքարի ազգային գործակալության քննիչները համոզված են` Բրիտանական անշարժ գույքի շուկայում ներդրված են միլիարդավոր կեղտոտ ֆունտ սթեռլինգներ, բայց ապացույցների բացակայության պատճառով գրեթե անհնար է սեփականատերերին մեղադրել հանցագործություն կատարելու մեջ կամ առգրավել նրանց ակտիվները

Նոր օրենքով փորձ է արվում սեփականատերերին պարտադրել բացահայտել իրենց հարստության աղբյուրը: Եթե կասկածյալ կոռումպացված արտասահմանցի պաշտոնյան կամ նրա ընտանիքը չկարողանան ցույց տալ իրենց հարստության օրինական աղբյուրըՀանցավորության դեմ պայքարի ազգային գործակալությունը կարող է դիմել Բարձրագույն դատարան գույքն առգրավելու հայցով

 

Ո՞վ է այս գործով ուշադրության կենտրոնում հայտնված առաջին զույգը 

 

Ջահանգիր Հաջիևը Ադրբեջանի միջազգային բանկի նախկին նախագահն է: 2016-ին նա դատապարտվել է 15 տարվա ազատզարկման` մեղադրվելով մասշտաբային խարդախության մեջ, որի հետևանքով բանկից անհետացել են տասնյալ միլիոնավոր դոլարներ: Դատարանը նրան պարտավորեցրել է փոխհատուցել 39 մլն դոլար

7 տարի առաջ Բրիտանական Վիջինյան կղզիներում գործող մի ընկերություն 11.5 մլն ֆունտ սթեռլինգ է վճարել Լոնդոնի արևմուտքում` Harrods հանրախանութից մի քանի քայլ հեռու գտնվող տան համար: Շուկայում այժմ այդ բնակարանն արժի 15 մլն ֆունտ սթեռլինգ: Սեփականատերը տիկին Հաջիևան և իր ամուսինն են

2013-ին մեկ այլ ընկերություն, որը ղեկավարում էր տիկին Հաջիևան, ավելի քան 10 մլն ֆունտ սթեռլինգ է վճարել` գնելով Բերքշիրում գտնվող  Mill Ride գոլֆակումբը:

Արդյունքում, հաշվի առնելով ներդրումների չափը, բավարվել է Մեծ Բրիտանիայում ապրելու նպատակով նրա վիզայի դիմումը

 

Ինչքա՞ն գումար են Հաջիևները բերել Մեծ Բրիտանիա

 

Հուլիսին Բարձրագույն դատարանում տեղի ունեցած լսումների ժամանակ, երբ զույգի ինքնությունը դեռ գաղտնի էր պահվում, բացահայտվեց, որ տիկինն ունեցել է մեկանգամյա հսկայական եկամուտ: Տասը տարում Harrods հանրախանութում նա ծախսել է ավելի քան 16 մլն ֆունտ սթեռլինգ` օրական մոտ 4.000 ֆունտ սթեռլինգ:  

Դատարան բերված նրա մեծ ծախսերի օրինակներից է Boucheron-ում 1 օրում 150.000 ֆունտ սթեռլինգը` լյուքս դասի ոսկեղենի, օծանելիքի, ժամացույցների գնումով: Հաջորդ օրը դատարանը տեղեկություն ստացավ, որ նա 1.800 ֆունտ սթեռլինգ է ծախսել գինեգործական խանութում: Մեկ այլ օր ոսկեղենի Cartier խանութից գնումների չափը հասնում էր 100,000 ֆունտ սթեռլինգի ու ևս 20,000 ֆունտ սթեռլինգ նույն օրը վճարել է տղամարդկանց իրերի լյուքս խանութումՏիկին Հաջիևան օգտագործում էր երեք խանութների օրինական քարտեր և իր ամուսնու բանկի տրամադրած 35 կրեդիտ քարտերը

Պաշտոնական տեղեկություններ կան, որ զույգը նաև երկու այլ բնակարաններ ունի, մասնավոր ավտոկայանատեղի և ուղղաթիռ: Մեծ Բրիտանիայում Transparency International-ի տնօրեն Դունքան Հեյմսն ասում է` նոր օրենքի գործարկումը ոգևորել է հասարակական կազմակերպություններին: «Այս օրենքը հիմա պետք է լայնորեն օգտագործվի ամբողջ Մեծ Բրիտանիայի տարածքում մեր ֆիքսած 4.4 միլիարդ  ֆունտ սթեռլինգի հասնող կասկածելի հարստությունը քննելու համար», – ասել է Հեյմսը

 

Տիկին Հաջիևան ընդունո՞ւմ է, որ սխալ է գործել

 

Ոչ: Նա պնդում է, որ անմեղ է, հերքում է մեղադրանքները և փորձում բողոքարկել իր վրա նոր օրենքի տարածումը: Նրա փաստաբանները Բարձրագույն դատարանում ասել են, որ Հաջիևները բախվել են մաշտաբային անարդարությանը

«Զամիրա Հաջիևայի նկատմաբ նոր օրենքը գործադրելու Բարձրագույն դատարանի որոշումը չպետք է հանգեցնի նրա և նրա ամուսնու նկատմամբ որևէ անարդարության: Օրենքի կիրառումը հետաքննական գործընթացի մի մասն է, ոչ թե քրեական հետապնդում»,- հայտարարել են փաստաբանները

Ջահանգիր Հաջիևը հերքում է իր գլխավորած բանկում խարդախության մեղադրանքը և նրա բողոքարկումներն անարդյունք են: Փաստաբաններն ասում են` նա ընդդիմացել է Ադրբեջանում իշխող կոռուպցիոն ընտանիքին և հիմա վճարում է դրա համար: Հաջիևը ՄԻԵԴին է խնդրել միջամտել իր գործին

Բրիտանական նոր օրենքի հետ անարդյունք պայքարից հետո տիկին Հաջիևան հայտարարել է, որ իր ամուսինն օրինապահ գործարար է և հարստացել է Ադրբեջանի միջազգային բանկը գլխավորելուց առաջօրինական ճանապարհով, հաջողակ բիզնեսի արդյունքում է հարստացել: Բայց դատարանում Հանցավորության դեմ պայքարի ազգային գործակալությունը հայտնել է, որ պարոն Հաջիևը 1993-2015-ին եղել է պետական համակարգի աշխատակից և որպես պաշտոնյա չէր կարողանա ունենալ այնքան հարստություն, որը բացահայտել են հետաքննողները

 

Հոդվածի բնօրինակն՝ այստեղ:

Write a comment