Ճանաչեք Ամերիկայի հասարակության համար 1 նոր թշնամուն

Հոդվածի առանցքում

• Ըստ Gallup poll-ի նոր տվյալի, ամերիկյան հասարակության 18 տոկոսը Ռուսաստանին ընդունում է որպես ազգի հիմնական սպառնալիք: Հարցվածների մոտ 15 տոկոսը Հյուսիսային Կորեային համարում է Ամերիկայի հիմնական հակառակորդ, սակայն 12 տոկոսն է Չինաստանին ընդունում որպես ամենամեծ սպառնալիք:
• Մինչդեռ, Չինաստանն իր տնտեսական առաջընթացով, ավելի պակաս սպառնալիք է, Իրանն էլ հակառակ իր սարսափելի միջուկային ծրագրի, ամերիկացիների թշնամիների ցուցակում զբաղեցնում է չորրորդ տեղը: Ամերիկացիների 9 տոկոսն է այն ընկալում որպես իրենց երկրի մեծագույն թշնամի:
• Ռուսաստանի նկատմամբ ամերիկյան բացասական վերաբերմունքը վերջին տարիներին հոսել է ԱՄՆ մշակույթ: 24-ի վերջին շրջանի հիմնական չարագործները Ռուսաստանի կառավարության անդամներ էին: House of Cards-ի նոր սեզոնի գլխավոր հերոսներից մեկը Ռուսաստանի նախագահն է, որի մի քանի հատկանիշներ բնորոշ են Պուտինին:
• Ռուսաստանի տեսանկյունից, թշնամանական զգացմունքները փոխադարձ են: Ըստ Գլոբալ ցուցանիշների բազայի վերջին տվյալի, 2013 թվականի 51% -ի համեմատ 2014-ին ռուսների 23 տոկոսն է դրական վերաբերվում Միացյալ Նահանգներին:

Ուշադրությանն արժանի

• Թուրքիան մտադիր է 3.4 տրիլիոն դոլար ծախսել օդային պաշտպանության վրա, որը չի աշխատելու ՆԱՏՕ-ի ցանցի հետ
• Արթնացեք հոգիներ՝ համաշխարհային մամուլը Հայոց Ցեղասպանության 100-ամյակին ընդառաջ
• Ռուսաստանը բողոքում է Հայաստանի ներքին գործերին ԱՄՆ-ի միջամտության կապակցությամբ

Չինաստան, տեղաշարժվիր: Ամերիկացիներն այժմ նոր համար 1 թշնամի ունեն:

Ըստ Gallup poll-ի նոր տվյալի, ամերիկյան հասարակության 18 տոկոսը Ռուսաստանին ընդունում է որպես ազգի հիմնական սպառնալիք: Հարցվածների մոտ 15 տոկոսը Հյուսիսային Կորեային համարում է Ամերիկայի հիմնական հակառակորդ, սակայն 12 տոկոսն է  Չինաստանին ընդունում որպես ամենամեծ սպառնալիք: Մինչդեռ անցյալ տարի, ամերիկացիների 20 տոկոսն էր կարծում, որ Չինաստանը   ամենավտանգավորն է Միացյալ Նահանգներ համար: Հյուսիսային Կորեան և Ռուսաստանը երկրորդ և երրորդ տեղերում էին:

Հարցումը, որն անցկացվել է փետրվարի 8-ից 11-ը, ցույց է տալիս, որ ՌԴ նախագահ Վլադիմիր Պուտինի ռազմատենչ հռետորությունը և ագրեսիվությունը Ուկրաինայում, սկսել են վախեցնել ամերիկյան հասարակությանը: Հյուսիսային Կորեայից սպառնալիքը ստացվում է  հաքերներից, որոնք առաջնորդ Կիմ Չեն Ինի անունից  ներխուժել են Sony Pictures-ի կայքը և գողացել գանձարանի գոհարները, այդ թվում տեղեկատվություն աշխատակիցների և ֆիլմի սցենարների վերաբերյալ:

Մինչդեռ, Չինաստանն իր տնտեսական առաջընթացով, ավելի պակաս սպառնալիք է, Իրանն էլ հակառակ իր սարսափելի միջուկային ծրագրի, ամերիկացիների թշնամիների ցուցակում զբաղեցնում է չորրորդ տեղը: Ամերիկացիների 9 տոկոսն է այն ընկալում  որպես իրենց երկրի մեծագույն թշնամի:

«Անցյալ տարվա միջազգային իրադարձությունների, հատկապես Ուկրաինայի իրավիճակի շուրջ Ռուսաստանի հետ վեճի  այդ երկիրը մյուսների, այդ թվում Չինաստանի համեմատ, դարձել է ԱՄՆ-ի համար ավելի սպառնալից», պարզել է Gallup-ը: «ԱՄՆ-ի տնտեսությունը մեծապես բարելավվել է, իսկ Չինաստանինը դանդաղել, ինչի արդյունքում չինական տնտեսության սպառնալիքը, կարծես թե, նվազել է: ԱՄՆ տնտեսությունը պայքարում էր տնտեսական ճգնաժամից դուրս գալու , իսկ չինականն արագ առաջ էր շարժվում»:

Ռուսաստանի նկատմամբ ամերիկյան բացասական վերաբերմունքը վերջին տարիներին հոսել է ԱՄՆ մշակույթ: 24-ի վերջին շրջանի հիմնական չարագործները Ռուսաստանի կառավարության անդամներ էին: House of Cards–ի  նոր սեզոնի գլխավոր հերոսներից մեկը Ռուսաստանի նախագահն է, որի մի քանի հատկանիշներ բնորոշ են Պուտինին:

Հոլիվուդը բացառություն չէ: Անցյալ տարի Ջեք Ռայանի «Ստվերային հավաքագրում»-ի հիմքում ժողովրդականություն վայելող Թոմ Քլանսիի կերպարն է: ԿՀՎ-ի հերոս գործակալը պայքարում է սատանայական ռուս գործարարի` արկածախնդրության դեմ, որը  ահաբեկչական հարձակումներ է իրականացնում Միացյալ Նահանգներում:

Ռուսաստանի տեսանկյունից, թշնամանական զգացմունքները փոխադարձ են:

Ըստ Գլոբալ ցուցանիշների բազայի վերջին տվյալի, 2013 թվականի 51% -ի  համեմատ 2014-ին  ռուսների 23 տոկոսն է դրական վերաբերվում Միացյալ Նահանգներին: 2014 հոկտեմբերին էլ Ռուսաստանի հանրային կարծիքի ուսումնասիրության կենտրոնի հարցումից պարզվել է, որ ռուսների 22 տոկոսը Միացյալ Նահանգներն ընդունում է  հայրենիքի հանդեպ որպես «ահաբեկչական սպառնալիքների հիմնական աղբյուրի»:

Հոդվածի բնօրինակն՝ այստեղ