Թուրքիայում ԱՄՆ-ի պատվիրակությունը նշում է, որ Սիրիայի հարցում առաջընթաց է գրանցվել

Թուրքիայում ԱՄՆ-ի պատվիրակությունը նշում է, որ Սիրիայի հարցում առաջընթաց է գրանցվել

Հոդվածի առանցքում

  • Սենատի արտաքին հարաբերությունների հանձնաժողովը առաջ է քաշել Դեյվիդ Սաթթերֆիլդի թեկնածությունը `որպես ԱՄՆ-ի հաջորդ դեսպան Թուրքիայում:  ԱՄՆ-ի բարձրաստիճան պատվիրակությունը առաջընթացի է հասել Թուրքիայի հետ Սիրիայի բանակցություններում, հայտարարել է ԱՄՆ-ի պաշտոնական ներկայացուցիչը, երբ Սենատի հանձնաժողը առաջադրեց Դեյվիդ Սաթթերֆիլդի թեկնածությունը` որպես ԱՄՆ հաջորդ դեսպան Թուրքիայում:

Ուշադրությանն արժանի

 

Սենատի արտաքին հարաբերությունների հանձնաժողովը առաջ է քաշել Դեյվիդ Սաթթերֆիլդի թեկնածությունը `որպես ԱՄՆ-ի հաջորդ դեսպան Թուրքիայում:

ԱՄՆ-ի բարձրաստիճան պատվիրակությունը առաջընթացի է հասել Թուրքիայի հետ Սիրիայի բանակցություններում, հայտարարել է ԱՄՆ-ի պաշտոնական ներկայացուցիչը, երբ Սենատի հանձնաժողը առաջադրեց Դեյվիդ Սաթթերֆիլդի թեկնածությունը` որպես ԱՄՆ հաջորդ դեսպան Թուրքիայում:

Սիրիայի ներգրավման հարցում ԱՄՆ հատուկ բանագնաց Ջեյմս Ջեֆրին եւ Սիրիայի հարցերով հատուկ բանագնաց Ջոել Ռեյբերնը հինգշաբթի օրը եռօրյա այցով մեկնել են Թուրքիա:

Նրանք հանդիպեցին բարձրաստիճան թուրք պաշտոնյաներին, այդ թվում նախագահի մամլո քարտուղար Իբրահիմ Քալինի, պաշտպանության նախարար Հուլուսի Աքարիի եւ փոխարտգործնախարար Սեդատ Օնալիի հետ:

Պետքարտուղարության մի պաշտոնյա ասել է, որ «քննարկումները դրական էին եւ արդյունավետ»:

«Բանակցությունները կենտրոնացած են այն բանի վրա, թե ինչպես կարող ենք առաջ քաշել Սիրիայի վերաբերյալ փոխադարձ մտահոգություն ունեցող հարցերը, ներառել Թուրքիայի անվտանգության խնդիրները, նպաստել կայունությանը եւ անվտանգությանը Սիրիայի հյուսիսում»:

Երկու երկրները ձգտում են անվտանգ գոտի ստեղծել Հյուսիսային Սիրիայում եւ քրդական ուժերի վերահսկողության տակ գտնվող տարածքում:

Չնայած հինգշաբթի օրը որևէ հայտարարություն չի արվել համաձայնության մասին, պաշտոնյան ասում է, որ քննարկումները կշարունակվեն:

Նիկոլաս Հերասը՝ Նոր ամերիկյան անվտանգության կենտրոնի ավագ փորձագետը, ասել է, որ երկու կողմերի միջև հակասությունները պահպանվել են:

«ԱՄՆ-ի թիմը մեծ խնդիր ունի, որպեսզի փորձի համոզել նախագահ Ռեջեփ Թայիփ Էրդողանին, որ Սիրիայում եղած թուրքական ուժերը բավարար են Քրդական աշխատավորական կուսակցության դեմ կոշտ դիմադրության համար, իսկ Սիրիայի դեմոկրատական ​​ուժերին, որ ինքնասպանություն չէ թույլ տալը, որ Թուրքիայի ուժերը ներկայացված լինեն այստեղ », – ասաց պարոն Հերասը:

«Ոչ թուրքերը, ոչ էլ ՍԴՀ-ն միմյանց չեն վստահում, եւ նրանք այսօրվա իրավիճակը դիտարկում են զրո արդյունք ունեցող մրցակցություն»:

Արտաքին քաղաքականության հետազոտությունների ինստիտուտի Մերձավոր Արեւելքի գծով տնօրեն Ահարոն Շթեյնը լավատես չէ մոտ ապագայում նման գոտու վերաբերյալ համաձայնության հարցում:

«ԱՄՆ-ը առաջարկում է մի ծրագիր, որը փորձում է խաղաղեցնել Անկարային եւ Իրանի եւ Ասադի կառավարության վրա առավելագույն ճնշում պահպանել », – ասաց պարոն Շթեյնը:

«Թուրքիան առաջարկում է, որ վերահսկի այն գոտին, որտեղ առկա է ամերիկյան ներկայություն՝ ՍԴՀ-ի վրա առավելագույն ճնշում գործադրելու համար»:

Նա նշել է, որ առայժմ կողմերից որեւէ մեկը չի կատարել անհրաժեշտ զիջումներ:

«Անկարան ցույց է տվել, որ չունի ցանկություն փոխելու դիրքորոշումը Սիրիայի հարցում », – ասաց պարոն Շտեյնը:

Բանակցությունները կարող են ակտիվանալ, քանի որ Վաշինգտոնը մոտ է Անկարայում դեսպան նշանակելուն:

Սենատի արտաքին հարաբերությունների հանձնաժողովը դրական է արտահայտվել Դեյվիդ Սաթթերֆիլդի թեկնածության վերաբերյալ:

Ամբողջական Սենատը առաջիկա մի քանի շաբաթվա ընթացքում կքվեարկի այս հարցի շուրջ:

Անցյալ ամիս նրա լսումների ժամանակ Սաթթերֆիլդը նախազգուշացրել էր Թուրքիային S-400 ռուսական հրթիռային համակարգերի գնման մասին:

«Թուրքիան պետք է ընտրի` արդյոք ցանկանում է մնալ կարեւորագույն գործընկեր պատմության մեջ ամենաակտիվ ռազմական դաշինքում, թե արդյոք ցանկանում է ռիսկի ենթարկել այդ գործընկերության անվտանգությունը `ընդունելով այնպիսի անխոհեմ որոշումներ, որոնք դանդաղեցնում են մեր դաշինքի զարգացումը», – ասել է նա:

ԱՄՆ ազգային անվտանգության հարցերով խորհրդական Ջոն Բոլթոնը երեքշաբթի պարոն Քալինի հետ ևս քննարկել է այս հարցը:

Թուրքական լրատվամիջոցները հուլիսին տեղեկացրել էին ԱՄՆ նախագահ Դոնալդ Թրամփի Թուրքիա կատարվելիք այցի մասինլ, սակայն Սպիտակ տան պաշտոնական ներկայացուցիչը չի հաստատել դա:

Սենատի հանձնաժողովը քվեարկեց նաեւ Դեյվիդ Շչենկերի թեկնածությունը ԱՄՆ Պետդեպարտամենտի Մերձավոր Արեւելքի հարցերով փոխպետքարտուղարի պաշտոնին:

Պարոն Շչենկերը ծառայել է Ջորջ Բուշի վարչակազմում: Նա առաջադրվել է ավելի քան մեկ տարի առաջ, սակայն դեմոկրատ սենատոր Թիմ Քեյնը հետաձգել է նրա առաջադրումը `փորձելով ձեռք բերել իրավական հուշագիր Սպիտակ տան կողմից Սիրիայում հրթիռային հարվածների վերաբերյալ:

Սենատը շուտով լիագումար նիստին կքվեարկի պարոն Շչենկերի թեկնածության առաջադրման վերաբերյալ: Ակնկալվում է, որ այն կհաստատվի:

Հոդվածի բնօրինակն՝ այստեղ

 

Write a comment