UCSB հայ ուսանողների ասոցիացիան բողոքում է Հայոց Ցեղասպանության ժխտման դեմ

Հոդվածի առանցքում

• Կալիֆորնիայի համալսարանի Սանտա-Բարբարայի հայկական ուսանողական ասոցիացիան փետրվարի 5-ին Սթրոք աշտարակի դիմաց լռության բողոքի ակցիա է անցկացրել, դատապարտելով թուրքական կառավարության կողմից Հայոց Ցեղասպանության շարունակական ժխտումը:
• «Նրանց համար, ում ընտանիքը անմիջականորեն կրում է ցեղասպանության ազդեցությունը, վիրավորական է, երբ մարդիկ ամբողջությամբ ժխտում են այն փաստը, որ սա պատմության մի մասն է, որ դա ցեղասպանություն է», ասել է Բաղդասարյանը:
• Միացյալ Նահանգների դաշնային կառավարությունը դեռ չի ճանաչել Հայոց Ցեղասպանությունը, չնայած 42 նահանգ, այդ թվում Կալիֆորնիան, պաշտոնապես այն ճանաչել է:
• Լոս Անջելեսում Կալիֆորնիայի համալսարանն այս տարի որոշում է ընդունել հրաժարվել Թուրքիայի Հանրապետության հետ համագործակցությունից: Չնայած UCSB-ի Հայ ուսանողների ասոցացիան չի կարող նման բանաձև հետապնդել այս տարի, այնուամենայնիվ հույս ունի շարունակել իրազեկման բարձրացումը ուսումնական հաստատությունում:

Ուշադրությանն արժանի

• Ֆրանսիան սառեցնում է իրանական հետախուզության ակտիվները
• Թուրքիային Patriot համակարգ վաճառելու ԱՄՆ առաջարկի ժամկետը լրացել է
• Աշխարհի բոլոր ժամանակների գերտերությունների հզորագույն յոթնյակը

Կալիֆորնիայի համալսարանի Սանտա-Բարբարայի հայկական ուսանողական ասոցիացիան փետրվարի 5-ին Սթրոք աշտարակի դիմաց լռության բողոքի ակցիա է անցկացրել, դատապարտելով թուրքական կառավարության կողմից Հայոց Ցեղասպանության շարունակական ժխտումը:

2015-ին լրանում է Օսմանյան թուրքերի իրագործած Հայոց Ցեղասպանության 100-ամյակը, ինչը դարձավ հայկական սփյուռքի ձևավորման պատճառը: Լռության բողոքի ակցիան կազմակերպել էր  UCSB-ի  հայ ուսանողների միության նախագահ, սոցիոլոգիայի ու սլավոնական լեզուների ու գրականության չորրորդ կուրսի ուսանողուհի  Հասմիկ Բաղդասարյանը:

Բողոքի նպատակն էր տեղեկացնել  մի խնդրի մասին, որի վրա շատ քիչ կամ գրեթե ուշադրություն չի դարձվում ժամանակակից լսարաններում: «Պատմության մի մեծ կտոր բացակայում է մարդկանց գիտելիքներից», – ասում է Բաղդասարյանը: «Սա պատմության բավական մեծ մաս է և մենք ուզում ենք խոսել դրա մասին»:

Բողոքի ակցիայի լուռ բնույթը գրավել է հետաքրքրասեր անցորդներին, իսկ ցուցարարները նրանց ներգրավել են կարևոր խոսակցության մեջ: «Նրանց համար, ում ընտանիքը անմիջականորեն կրում է ցեղասպանության ազդեցությունը, վիրավորական է, երբ  մարդիկ ամբողջությամբ ժխտում են այն փաստը, որ սա պատմության մի մասն է, որ դա ցեղասպանություն է», ասել է Բաղդասարյանը: «Դա ոչ թե մասն է մի պատերազմի, որի ժամանակ մարդիկ են մահանում: Այն արտոնված էր էթնիկ փոքրամասնությունների զտման նպատակով»:

Ցուցարարները կրում էին սև հագուստ ու երիզով ծածկել էին իրենց բերանները, ինչը նշանակում էր «թուրքական կառավարության ժխտում և բոլոր նրանց լռությունը, ովքեր այն  դեռ չեն ընդունել», ասաց Բաղդասարյանը:

Միացյալ Նահանգների դաշնային կառավարությունը դեռ չի ճանաչել Հայոց Ցեղասպանությունը,  չնայած 42 նահանգ, այդ թվում Կալիֆորնիան, պաշտոնապես այն ճանաչել է:

Հայ ուսանողների ասոցիացիան մեծ կազմակերպություն է, որն իր ենթախմբերն ունի Կալիֆորնիայի բոլոր համալսարաններում և ցեղասպանության  միջազգային հանրության ժխտման դեմ բողոքի ակցիան անցկացնում է ամեն տարի:

UCSB-ի Հայ ուսանողների ասոցացիան իր հիմնական նպատակն է համարում ցեղասպանությունը ներառել ժամանակակից պատմական ուսումնական բառապաշարում: «Այս տարի մենք սկսել ենք աշխատել  Ամերիկայի հայկական ազգային կոմիտեի հետ, որը մեծ լոբբիստական կազմակերպություն է և կարող է հասնել Հայոց Ցեղասպանության բանաձևի ճանաչմանն ու  կրթական ծրագրեր մեջ ներառելուն», – ասել է Բաղդասարյանը:

Լոս Անջելեսում Կալիֆորնիայի համալսարանն այս տարի որոշում է ընդունել հրաժարվել Թուրքիայի Հանրապետության հետ համագործակցությունից: Չնայած UCSB-ի Հայ ուսանողների ասոցացիան չի կարող նման բանաձև հետապնդել այս տարի, այնուամենայնիվ հույս ունի շարունակել իրազեկման բարձրացումը ուսումնական հաստատությունում:

Համալսարանի տարածքում հայկական մեծ համայնք կա և հայ ուսանողների ասոցացիան չորեքշաբթի օրերը երեկոյան ժամը 8-ին հանդիպում է Մերձավոր Արևելքի տեղեկատվական կենտրոնում, որը տեղավորված է ուսանողական ռեսուրսների շենքում:

Հոդվածի բնօրինակն՝ այստեղ