Բալի 9 մահապատիժ. Black Sabbath-ի Թոնի Յոմմին դիմում է Ջոկո Վիդոդոյին ներում շնորհելու խնդրանքով

Հոդվածի առանցքում

• Black Sabbath-ի կիթառահար Թոնի Յոմմին, ում որոշ մարդիկ համարում են «ծանր մետալիկ» երաժշտության ստեղծման ասպարեզում ամենաազդեցիկ երաժիշտը, խնդրանքով դիմել է Ինդոնեզիայի նախագահ Ջոկո Վիդոդոյին, ով այդ երաժշտության սիրահար է, խնդրելով նրան՝ կյանք շնորհել մահվան դատապարտված երկու ավստրալացիներին:
• Նրանք այժմ վերափոխված մարդիկ են, ովքեր դրական փոփոխություններ են կատարում իրենց դժբախտության ընկերներ հանդիսացող մնացած բանտարկյալների կյանքում: Այն, որ նրանք այսքան փոխվել են, ինդոնեզացի պաշտոնյաների շնորհիվ է: Այդ իսկ պատճառով խնդրում եմ ձեզ, որպեսզի չեղյալ հայտարարեք Էնդրյուի և Մյուրանի մահապատժի որոշումը:
• Խնդրում եմ նրանց պատիժը փոխարինել ցմահ բանտարկությամբ, որպեսզի նրանք իրենց նպաստը բերեն Ինդոնեզիայի բարեկեցության գործում և ուղղեն իրենց նախորդ կյանքում կատարած սխալները: Հույս ունեմ, որ հաշվի կառնեք իմ անձնական խնդրանքը:

Ուշադրությանն արժանի

• Ինչպես է Ճապոնիան վերաբերվում ջանասիրաբար աշխատողներին
• Զբոսանք կենտրոնական Թեհրանի հրուշակեղենի հին խանութներում
• Սիրիա: Ելքն իրավիճակից առանց պատրանքների

Black Sabbath-ի կիթառահար Թոնի Յոմմին, ում որոշ մարդիկ համարում են «ծանր մետալիկ» երաժշտության ստեղծման ասպարեզում ամենաազդեցիկ երաժիշտը,  խնդրանքով դիմել է Ինդոնեզիայի նախագահ Ջոկո Վիդոդոյին, ով  այդ երաժշտության սիրահար է, խնդրելով նրան՝ կյանք շնորհել մահվան դատապարտված երկու ավստրալացիներին:

Նա նամակ է գրել Վիդոդոյին, որը թարգմանվել է և, ինչպես ենթադրվում է, չորեքշաբթի առավոտյան  ավստրալացի պաշտոնյաների կողմից հանձնվել  է Ջակարտայում  նախագահի գրասենյակ:  Չորեքշաբթի օրը Էնդրյու Չանն ու Մյուրան Սուկումարանը Քերոբոկան բանտից տեղափոխվել են Նուսակամբանգան կղզի, որտեղ սպասում են իրենց գնդակահարությանը:

Յոմմին գրում է. «Ինդոնեզական բանտային համակարգը Էնդրյուի և Մյուրանի վերափոխման գործում մեծ հաջողություն է ունեցել: Դիմում եմ ձեզ, որպես ներողամիտ մարդու, նկատի ունենալ նրանց վերափոխումն ու ուղղվելը: Նրանք այժմ վերափոխված մարդիկ են, ովքեր դրական փոփոխություններ են կատարում իրենց դժբախտության ընկերներ հանդիսացող մնացած բանտարկյալների կյանքում: Այն, որ նրանք այսքան փոխվել են, ինդոնեզացի պաշտոնյաների շնորհիվ է: Այդ իսկ պատճառով խնդրում եմ ձեզ, որպեսզի չեղյալ հայտարարեք Էնդրյուի և Մյուրանի մահապատժի որոշումը»:

Այս ամսվա սկզբին նմանատիպ դիմումով Վիդոդոյին, ով պաշտում է ծանր ռոքը,  դիմել  էր նաև ծանր մետալիկ երաժշտությամբ զբաղվող Napalm Death խումբը: Այժմ աստղերը փորձում են մեղմել նախագահի խիստ վերաբերմունքը:

Նամակի գրելը կազմակերպվել էր Ջոն Դիի կողմից, ով ավստրալական DoSomething բարեգործական կազմակերպության հիմնադիրն է:

Յոմմին 25 տարի շարունակ ներգրավված է եղել DoSomething-ի  “Rock Aid Armenia” ծրագրում, և օգնել է երաժշտական դպրոց կառուցել Հայաստանում՝ երկրաշարժից տուժած գոտու 200 երեխաների համար: Յոմմի նամակը, որն ուղարկված է եղել համապատասխան ստորագրված բլանկով և նրա հետ կապվելու հեռախոսահամարով, կարդում ենք ամբողջությամբ.

«Ինդոնեզիայի նախագահին

2015 թվականի մարտի 3

Ձերդ Գերազանցություն, դիմում եմ ձեզ Էնդրյու Չանին և Մյուրան Սուկումարանին ներում շնորհելու խնդրանքով:

Ես հասկանում և հարգում եմ Ինդոնեզիայում թմրանյութերի դեմ պայքարում ձեր ջանքերը, դա այնպիսի խնդիր է, որի դեմ պայքարում են բոլոր պետությունները:

Անշուշտ, ես անձամբ եմ տեսել, թե ինչպիսի բացասական ազդեցություն են ունենում թմրադեղերը մարդկանց և նրանց ընտանիքների վրա: Այդ իսկ պատճառով էլ հասկանում եմ ձեր խիստ քաղաքականությունը այս խնդրի վերաբերյալ: Սակայն ինդոնեզական բանտը մեծ ազդեցություն է ունեցել Էնդրյու Չանի և Մյուրան Սուկումարանի ուղղման գործում:

«Դիմում եմ ձեզ, որպես ներողամիտ մարդու, նկատի ունենալ նրանց վերափոխումն ու ուղղվելը: Նրանք վերափոխված մարդիկ են, ովքեր այժմ դրական փոփոխություններ են կատարում իրենց դժբախտության ընկերներ հանդիսացող մնացած բանտարկյալների կյանքում: Այն, որ նրանք այսքան փոխվել են, ինդոնեզացի պաշտոնյաների շնորհիվ է: Այդ իսկ պատճառով խնդրում եմ ձեզ, որպեսզի չեղյալ հայտարարեք Էնդրյուի և Մյուրանի մահապատժի որոշումը:

Խնդրում եմ նրանց պատիժը փոխարինել ցմահ բանտարկությամբ, որպեսզի նրանք իրենց նպաստը բերեն Ինդոնեզիայի բարեկեցության գործում և ուղղեն իրենց նախորդ կյանքում կատարած սխալները: Հույս ունեմ, որ հաշվի կառնեք իմ անձնական խնդրանքը:

Հարգանքներով՝

Թոմի Յոմմի,

Black Sabbath-ի Կիթառահար»:

Հոդվածի բնօրինակն՝ այստեղ