Վիեննայում կայացել են Իրանի հետ միջուկային գործարքը փրկելու շուրջ բանակցությունները

Հոդվածի առանցքում

• Վիեննայում Մեծ Բրիտանիայի, Ֆրանսիայի, Գերմանիայի, Ռուսաստանի և Չինաստանի ներկայացուցիչների հետ հանդիպումից հետո իրանցի մի բարձրաստիճան պաշտոնյա ասել է, որ մթնոլորտը «կառուցողական էր»: Լարվածությունն առաջացել է, քանի որ Միացյալ Նահանգներն անցած տարի դուրս է եկել 2015-ի համաձայնությունից և կրկին պատժամիջոցներ է սահմանել:

Ուշադրությանն արժանի

• Թուրքիան առերեսվում է պատժամիջոցների սպառնալիքների հետ երկու ճակատում
• Ռուսաստանը Google-ից պահանջում է քայլեր ձեռնարկել բողոքի ակցիաներից ուղիղ հեռարձակումների դեմ
• Սպիտակ տունը պառակտված է Իրանի հարցում

 

Իրանի հետ միջուկային գործարքը փրկելու բանակցությունները կայացել են Պարսից ծոցում տանկերների շուրջ լարվածության պայմաններում:

Վիեննայում Մեծ Բրիտանիայի, Ֆրանսիայի, Գերմանիայի, Ռուսաստանի և Չինաստանի ներկայացուցիչների հետ հանդիպումից հետո իրանցի մի բարձրաստիճան պաշտոնյա ասել է, որ մթնոլորտը «կառուցողական էր»:

Լարվածությունն առաջացել է, քանի որ Միացյալ Նահանգներն անցած տարի դուրս է եկել 2015-ի համաձայնությունից և կրկին պատժամիջոցներ է սահմանել:

Վերջին շաբաթների ընթացքում Իրանը և Մեծ Բրիտանիան բռնագրավել են միմյանց տանկերները՝ ավելի մեծ ճնշում գործադրելով 2015-ի պայմանավորվածությունների վրա:

Իրանը նաև խոստովանել է, որ խախտել է միջուկային ռումբ ստեղծելու համար օգտագործվող հարստացված ուրանի արտադրության սահմանափակումները:

Արտակարգ բանակցությունների նպատակը վերջին լարվածության նվազեցումն է և 2015-ի համաձայնագիրը փրկելը:

Այս ամսվա սկզբին Մեծ Բրիտանիայի, Ֆրանսիայի և Գերմանիայի ղեկավարները հանդես եկան համատեղ հայտարարությամբ՝ ասելով, որ «խորապես մտահոգված են» Ծոցի իրադարձություններով և հավելելով, որ «ժամանակն է գործել պատասխանատվությամբ և ճանապարհ փնտրել` լարվածության սրումը վերահսկելու համար»:

ԻԻՀ արտաքին գործերի փոխնախարար Աբբաս Արաղչին հանդիպման վայրը ժամանելով հայտարարել է, որ Իրանի նավթային տանկերի բռնագրավումը համաձայնագրի պայմանների խախտում էր: Իրանը նաև սադրիչ է գնահատել Հորմուզի կենսական կարևոր նեղուցով փոխադրումները հսկելու եվրոպական ուղեկցող ուժերի մասին Մեծ Բրիտանիայի առաջարկը:

Հանդիպումից հետո պարոն Արաղչին ասել է. «Մթնոլորտը կառուցողական էր, քննարկումները լավ էին, ես չեմ կարող ասել, որ մենք բոլոր խնդիրները լուծեցինք, կարող եմ ասել, որ շատ հանձնառություններ կան»:

Չինաստանի ներկայացուցիչ Ֆու Քոնգը հայտարարել է, որ բոլոր կողմերը «հայտնել են իրենց հանձնառությունը՝ պաշտպանելու JCPOA- ն և … իրենց ուժեղ ընդդիմությունն են հայտնել են ԱՄՆ կողմից պատժամիջոցների միակողմանի սահմանման դեմ»:

Մեծ Բրիտանիայի և Իրանի միջև լարվածությունը բարձրացավ այս ամսվա սկզբին, երբ բրիտանական ուժերը բռնագրավեցին իրանական տանկերը: Լոնդոնը պնդում էր, որ այն նավթ է տեղափոխում Սիրիա՝ շրջանցելով ԵՄ պատժամիջոցները:

Մի քանի օր անց Իրանը բռնագրավեց բրիտանական տանկեր՝ հայտարարելով, որ այն խախտել է միջազգային ծովային կանոնները:

Կիրակի օրը Մեծ Բրիտանիան երկրորդ ռազմանավ է ուղարկել Հորմուզի նեղուց՝ ուղեկցելու իր նավերը:

Հոդվածի բնօրինակն՝ այստեղ