System Of A Down-ը միավորվում է. խումբը կարող է հանդես գալ նոր ձայնագրությամբ «Արթնացեք հոգիներ» շրջագայությունից հետո

Հոդվածի առանցքում

• System Of A Down խմբի անդամները միավորվում են: Անցած ամիս նրանք արդեն հայտարարել են մի քանի ժամկետների մասին` ակնարկելով, որ հնարավոր են նոր ձայնագրություններ:
• Այժմ բաս-կիթառահար Շավո Օդաջյանն ասում է, որ խումբը նոր երաժշտություն է գրել և շուտով նոր ձայնագրությամբ հանդես գալու լավ հնարավորություն կա:
• Շրջագայությունը խմբի համար պատմական է, այն կավարտվի Երևանի Հանրապետության հրապարակում` Հայաստանում: Հայրենիքում սպասվող համերգը SOAD-ի համար առաջինն է: Մյուս համերգները տեղի կունենան AmnesiaRockfest –ում` Կանադայում և Rock in Rio-ի շրջանակում` Բրազիլիայում: ԱՄՆ-ում սպասվող միակ համերգը տեղի կունենա ապրիլի 6-ին Inglewood-ի The Forum –ում` Կալիֆոռնիայում:

Ուշադրությանն արժանի

• Ֆրանսիան ձգտում է մերձավորարևելյան բանակցությունների վերաբերյալ ՄԱԿ-ի անվտանգության խորհրդի բանաձևին
• Պապն ընդունել է Հայ Կաթողիկե եկեղեցու հոգևորականներին
• Ռուս ուղղափառ եկեղեցին խզել է Կոստանդնուպոլսի հետ կապերը

System Of A Down խմբի անդամները միավորվում են: Անցած ամիս նրանք արդեն հայտարարել են մի քանի ժամկետների մասին` ակնարկելով, որ հնարավոր են նոր ձայնագրություններ: Այժմ բաս-կիթառահար Շավո Օդաջյանն ասում է, որ խումբը նոր երաժշտություն է գրել և շուտով նոր ձայնագրությամբ հանդես գալու լավ հնարավորություն կա: Այս մասին հայտնում է Madcap Music Reviews-ը: Նոր ալբոմը կլինի առաջինը 2005-ի Mezmerize/Hypnotize-ից հետո:

Շավո Օդաջյանն ասել է. «Ես հստակ ժամկետ չգիտեմ: Մենք դա վերապահում ենք մեզ: Մենք կվերադառնանք միասնական աշխատանքին»:   

Սերժ Թանկյանի խոսքով, ծրագիրը վերաբերում է ապրիլին «Արթնացեք հոգիներ» շրջագայության կազմակերպմանը. «Մենք պատրաստվում ենք շրջագայության, որից հետո կվերադառնանք և կտեսնենք, թե ինչ փուլում ենք գտնվում, արդյոք ես կամ Դերոնը (Դերոն Մալաքյան, կիթառահար) կունենանք երգեր, որոնք կարող են աշխատել System-ի համար: Միասին աշխատելու անկեղծություն կա, բայց մենք չունենք հստակ ծրագրեր, որոնց մասին կկարողանայինք հայտարարել»:

Շրջագայությունը խմբի համար պատմական է, այն կավարտվի Երևանի Հանրապետության հրապարակում` Հայաստանում: Հայրենիքում սպասվող համերգը SOAD-ի համար առաջինն է: Մյուս համերգները տեղի կունենան AmnesiaRockfest –ում` Կանադայում և Rock in Rio-ի շրջանակում` Բրազիլիայում: ԱՄՆ-ում սպասվող միակ համերգը տեղի կունենա ապրիլի 6-ին Inglewood-ի The Forum –ում` Կալիֆոռնիայում:

SOAD-ի համերգների ժամանակացույցը`

04/06: Inglewood, Կալիֆոռնիա, ԱՄՆ

04/10: Wembley Arena, Լոնդոն, Մեծ Բրիտանիա

04/13: Lanxess Arena, Քյոլն, Գերմանիա

04/14: La Halle Tony Garnier, Լիոն, Ֆրանսիա

04/16: Forest National, Բրյուսել, Բելգիա

04/17: Ziggo Dome, Ամստերդամ, Նիդեռլանդներ

04/20: Olympisky, Մոսկվա, ՌԴ

04/23: Հանրապետության հրապարակ, Երևան, Հայաստան

06/18: Amnesia Rockfest, Մոնտեբելո, Կանադա

09/18-27: Rock in Rio, Ռիո դե Ժանեյրո, Բրազիլիա

10/03: Parque Deportivo, Բոգոտա, Կոլումբիա

Հոդվածի բնօրինակն՝ այստեղ