Պատասխան Ադրբեջանին

Պատասխան Ադրբեջանին

Հոդվածի առանցքում

  • Հունվարի 21-ի Ադրբեջանի դեսպանի հրապարակումը, թվում է թե, կոչ է անում ԱՄՆ-ին անտեսել մարդու իրավունքների և ազատությունների դեմ շարունակական արշավն իր երկրում։ Փոխարենը նա առաջարկում է ուշադրությունը սևեռել ադրբեջանա-ղարաբաղյան հակամարտության վրա, որը մնում է չլուծված Ադրբեջանի ռևանշիստական նկրտումների պատճառով:
  • Ադրբեջանը պետք է դադարեցնի երկրում առկա թերություններն արդարացնելու նպատակով պատրվակների, այդ թվում ռազմական սադրանքների օգտագործումը։ Ժողովրդավարական Լեռնային Ղարաբաղի Հանրապետության գոյությունն ապացույց է առ այն, որ իրական ժողովրդավարությունը հնարավոր է անգամ արտաքին ագրեսիայի մշտական սպառնալիքի պայմաններում:

Ուշադրությանն արժանի

Հունվարի 21-ի Ադրբեջանի դեսպանի հրապարակումը, թվում է թե, կոչ է անում ԱՄՆ-ին անտեսել մարդու իրավունքների և ազատությունների դեմ շարունակական արշավն իր երկրում։ Փոխարենը նա առաջարկում է ուշադրությունը սևեռել ադրբեջանա-ղարաբաղյան հակամարտության վրա, որը մնում է չլուծված Ադրբեջանի ռևանշիստական նկրտումների պատճառով։

Ըստ երևույթի, վերջերս Լեռնային Ղարաբաղի դեմ արյունալի հարձակումների աճի միջոցով է Ադրբեջանի ղեկավարությունը փորձում շեղել ինչպես ներքին, այնպես էլ միջազգային ուշադրությունը իր երկրում  ազատությունների և այլակարծության նկատմամբ ճնշումներից: Ադրբեջանական ղեկավարությունը պետք է գիտակցի, որ այդ ճանապարհով այն միայն խորացնում է միջազգային հանրության հետ անջրպետը և հետաձգում տարածաշրջանային խնդիրների լուծումը։

Ադրբեջանը պետք է դադարեցնի երկրում առկա թերություններն  արդարացնելու նպատակով պատրվակների, այդ թվում ռազմական սադրանքների օգտագործումը։ Ժողովրդավարական Լեռնային Ղարաբաղի Հանրապետության գոյությունն ապացույց է առ այն, որ իրական ժողովրդավարությունը հնարավոր է անգամ արտաքին ագրեսիայի մշտական սպառնալիքի պայմաններում:

Լեռնային Ղարաբաղի Հանրապետության ժողովուրդը և ժողովրդավարական ճանապարհով ընտրված իշխանությունները շահագրգռված են տարածաշրջանի բոլոր պետություններում, այդ թվում հարևան Ադրբեջանում խաղաղության, բարեկեցության և ժողովրդավարության մեջ։

Ռոբերտ Ավետիսյան

23 հունվարի, 2014 թ.

Հեղինակը Միացյալ Նահանգներում Լեռնային Ղարաբաղի Հանրապետության ներկայացուցիչն է:

Հոդվածի բնօրինակն՝ այստեղ

Write a comment