«Լիբերալ» Պուտինին կարող են տապալել «ցարի նման», – զգուշացնում է ռուս ծայրահեղ ազգայնականը

Հոդվածի առանցքում

• Ռուսաստանի ծայրահեղ ազգայնական Իգոր Ստրելկովը ասել է, որ ՌԴ նախագահ Վլադիմիր Պուտինին կարող են տապալել «վերջին ցարի նման», եթե նա լիովին չաջակցի ռուսամետ անջատողականներին Արևելյան Ուկրաինայում:
• Չնայած նրան, որ Պուտինը դիտվում է որպես կոշտ քաղաքականության կողմնակից Արևմուտքում՝ Ստրելկովը կարծում է, որ նա չափազանց լիբերալ է, և բավարար վճռական չէր գործում տարածաշրջանում:
• Առաջին անգամ նա ի հայտ եկավ 2014 թվականի ապրիլին, երբ նա առաջնորդեց մի խումբ ռուսամետ անջատողականներին դեպի Արևելյան Ուկրաինայի Սլավյանսկ քաղաք՝ բռնկելով լայնածավալ ապստամբություն Կիևյան կառավարության դեմ:
• Անցյալ տարվա նոյեմբերին Ստրելկովը ասաց, որ նա պատասխանատվություն է վերցնում Արևելյան Ուկրաինայում պատերազմի բռնկման համար: Նա նաև ստեղծել է Նովորոսիա շարժումը, որն աջակցում է ապստամբներին Ղրիմում: Խմբի անունը նշանակում է «Նոր Ռուսաստան»:

Ուշադրությանն արժանի

• Բացահայտվել է Harrods հանրախանութում 10 տարվա ընթացքում 16 մլն ֆունտ սթեռլինգ վատնած կնոջ ինքնությունը
• Ստեղծել բանակցային փաստաթուղթ, որը ընդունելի լինի բոլորի` Ռուսաստանի, Ուկրաինայի եւ Արեւմուտքի համար
• Փարիզյան երթին մասնակցող որոշ համաշխարհային առաջնորդների երկերեսանիությունը ազատ խոսքի հետ կապված

Ռուսաստանի ծայրահեղ ազգայնական Իգոր Ստրելկովը ասել է, որ ՌԴ նախագահ Վլադիմիր Պուտինին կարող են տապալել «վերջին ցարի նման», եթե նա լիովին չաջակցի ռուսամետ անջատողականներին Արևելյան Ուկրաինայում: Ըստ Sunday Times-ի, անցյալ շաբաթ վիճելի շրջաններում ռուսամետ ապստամբների նախկին հրամանատարը ենթադրություններ է արել Պուտինի իշխանությունից հեռացման մասին, երբ դիմել է իր կողմնակիցներին:

Չնայած նրան, որ Պուտինը դիտվում է որպես կոշտ քաղաքականության կողմնակից Արևմուտքում՝ Ստրելկովը կարծում է, որ նա չափազանց լիբերալ է, և բավարար վճռական չէր գործում տարածաշրջանում՝ կապված Դոնեցկն ու Լուգանսկը չբռնակցելու վերաբերյալ իր որոշման հետ:

«Ուկրաինան եղել է, կա և կմնա Ռուսաստանի մաս», – ասել է նա, ըստ թերթի: Նա զգուշացրել է, որ Վլադիմիր Պուտինը կարող է «հայտնվել Սերբիայի նախկին նախագահ Սլոբոդան Միլոշևիչի վիճակում, ով տապալվեց ինչպես հայրենասերների, այնպես էլ լիբերալների կողմից՝ ոչ մեկ խմբի և ոչ էլ մյուս խմբի հետ չլինելու իր քաղաքականության պատճառով»:

Այս մոտեցումները նաև արտահայտվեցին գերմանական Der Speigel թերթին իր վիճահարույց հարցազրույցում, որը լույս է տեսել մարտի 18-ին, ուր Ստրելկովը խոսել է տոտալիտար առաջնորդի գյխավորությամբ ռուսական կայսրության վերստեղծման մասին:

Խոսելով իր գրասեղանին դրված Նիկոլայ II կայսրի դիմանկարի ներքո, ով սպանվել է իր ընտանիքի հետ բոլշևիկների կողմից, Ստրելկովը ենթադրում է, որ «ռուսական աշխարհը» պետք է ներառի Բելառուսը, Վրաստանը, Հայաստանը և, հնարավոր է, Կենտրոնական Ասիան:

«Իրական անջատողականները», – ասել է նա թերթին,- «նրանք են, ովքեր Կիևում են, քանի որ նրանք ցանկանում են պոկել Ուկրաինան Մոսկվայից»: Ստրելկովը, ում իսկական անունն է Իգոր Վսեվոլոդովիչ Գիրկին, առաջին անգամ ի հայտ եկավ 2014 թվականի ապրիլին, երբ նա առաջնորդեց մի խումբ ռուսամետ անջատողականներին դեպի Արևելյան Ուկրաինայի Սլավյանսկ քաղաք՝ բռնկելով լայնածավալ ապստամբություն Կիևյան կառավարության դեմ:

Ավելի ուշ հայտնի դարձավ, որ ինքը 18 տարի ծառայել է ՖՍԲ-ում՝ ռուսական հատուկ գործակալություն, որը փոխարինեց ՊԱԿ-ին: Երբ նա 2013 թվականին անցավ թոշակի, միջազգային ահաբեկչության դեմ պայքարի վարչության կազմում էր:

Ստրելկովը նաև խորհրդային և ռուսական բանակների վետերան է և ուկրաինական իշխանությունների կողմից մեղադրվում է ընթացիկ հակամարտության ընթացքում ահաբեկչության իրավախախտումների մեջ:

Անցյալ տարվա նոյեմբերին Ստրելկովը ասաց, որ նա պատասխանատվություն է վերցնում Արևելյան Ուկրաինայում պատերազմի բռնկման համար: Նա նաև ստեղծել է Նովորոսիա շարժումը, որն աջակցում է ապստամբներին Ղրիմում: Խմբի անունը նշանակում է «Նոր Ռուսաստան»:

Սա Ռուսական կայսրության կողմից օգտագործվող պատմական տերմին է հարավային և արևելյան Ուկրաինայի համար: Եվրոպական միությունը այս տարվա փետրվարին խումբը ավելացրել է իր պատժամիջոցների ցանկում:

Հոդվածի բնօրինակն՝ այստեղ