Հայ-թուրքական խաղաղության արձանի գործը. Էրդողանը վերաքննիչ դատարանում բողոքարկելու է արձանը «հրեշավոր» անվանելու համար նշանակված տուգանքը

Հոդվածի առանցքում

• Թուրքիայի նախագահի փաստաբանները ծրագրում են բողոքարկել թուրքական դատարանի որոշումը, որով նախագահը տուգանվել է Թուրքիայի և Հայաստանի միջև խաղաղությունը խթանող արձանը քննադատելու համար:
• Աքսոյը պնդում է, որ Էրդողանի նման պիտակավորումը «վիրավորանք» է, իսկ արձանի հեռացումը նրան հոգեկան տառապանք է պատճառել: Էրդողանի փաստաբաններն էլ պնդում են, որ նախագահի մեկնաբանությունն ավելի շուտ քննադատություն է, ոչ թե վիրավորանք, գրում է թուրքական Hurriyet Daily News թերթը:
• Թուրքիայի կառավարությունը վճռականորեն դեմ է զանգվածային սպանությունները ցեղասպանություն պիտակավորելուն: Այս հարցը խոչընդոտում է երկու երկրների միջև դիվանագիտական ​​կապերի հաստատմանը: Էրդողանը վերջերս հայտարարել է, որ Թուրքիան պատրաստ է «վճարել» զանգվածային սպանությունների համար, բայց այն դեպքում, եթե «անաչառ պատմաբանների խորհուրդը» հաստատի, որ թուրքերը մեղավոր են կատարված հանցագործության համար:

Ուշադրությանն արժանի

• Իրանն անցնում է միջուկային սահմանները. ի՞նչ է սպասվում Թրամփին
• Ուկրաինայի Facebook-ի զինվորները
• Ինչո՞ւ են հնդկահավին  «Turkey» («Թուրքիա») անվանում

Թուրքիայի նախագահի փաստաբանները ծրագրում են բողոքարկել թուրքական դատարանի որոշումը, որով նախագահը տուգանվել է Թուրքիայի և Հայաստանի միջև խաղաղությունը խթանող արձանը քննադատելու համար: 2011 թվականին արևելյան Կարս քաղաք կատարած այցի ժամանակ, Ռեջեփ Թայիփ Էրդողանը քանդակը համարել է «հրեշավոր» և դրդել տեղական իշխանություններին հանել արձանը:

Դատարանը որոշել է, որ Էրդողանը պետք է 10.000 թուրքական լիրա ($ 4,000) փոխհատուցում վճարի քանդակագործ Մեհմեդ Աքսոյին, որի 115 ոտնաչափ բարձրության աշխատանքը հայտնի է որպես «Հումանիզմի հուշարձան» կամ «Մարդկության արձան»: Ըստ Today’s Zaman-ի, Էրդողանը, որը այցի ժամանակ վարչապետ էր, նշել է. «Նրանք այդ հրեշայնությունը դրել են  Հասան Հարականի (մահմեդական գիտնական) գերեզմանի մոտ: Անհնար է նման բան տեսնել արվեստի հիմնարար գործի կողքին»:

Աքսոյը պնդում է, որ Էրդողանի նման պիտակավորումը «վիրավորանք» է, իսկ արձանի հեռացումը նրան հոգեկան տառապանք է պատճառել: Էրդողանի փաստաբաններն էլ պնդում են, որ նախագահի մեկնաբանությունն ավելի շուտ  քննադատություն է,  ոչ թե վիրավորանք, գրում է թուրքական Hurriyet Daily News թերթը:

Աքսոյը խիստ քննադատել է Էրդողանի գնահատականը ​​ ուղղված իր աշխատանքին, որտեղ երկու կոնկրետ կերպարներ միմյանց ընդառաջ են գնում: Քանդակագործը հայտարարել է, որ այն մարմնավորում է հակապատերազմական թեման ու բարեկամության ուղերձը: Արձանը կառուցվել է բլրի վրա, թուրք-այկական սահմանից մոտ 25 մղոն հեռավորության վրա:

Հայ-թուրքական հարաբերությունները շարունակում են լարված մնալ, 20 – րդ դարի սկզբում Թուրքիայի կողմից հայերի սպանությունների հետևանքով առաջացրած թշնամանքի պատճառով: Շատերն այն կոչում են ցեղասպանություն: Թուրքիայի կառավարությունը վճռականորեն դեմ է զանգվածային սպանությունները ցեղասպանություն պիտակավորելուն: Այս հարցը խոչընդոտում է երկու երկրների միջև դիվանագիտական ​​կապերի հաստատմանը:

Էրդողանը վերջերս հայտարարել է, որ Թուրքիան պատրաստ է «վճարել» զանգվածային սպանությունների համար, բայց այն դեպքում, եթե «անաչառ պատմաբանների խորհուրդը» հաստատի, որ թուրքերը մեղավոր են կատարված հանցագործության համար, գրում է The Washington Post թերթը: Սպանությունների մեկնարկի հարյուրամյակը ամբողջ աշխարհի հայությունը կնշի հաջորդ ամիս:

Հոդվածի բնօրինակն՝ այստեղ