Պակիստանն արտաքսում է Հնդկաստանի դեսպանին Քաշմիրի շուրջ վեճի պատճառով

Հոդվածի առանցքում

• Պակիստանի ազգային անվտանգության հանձնաժողովը որոշել է իջեցնել դիվանագիտական հարաբերությունների մակարդակը և դադարեցնել առևտուրը Հնդկաստանի հետ: Հնդկաստանի հինդու-ազգայնական կառավարությունը երկուշաբթի վերացրեց Քաշմիրի իր մասի ինքնավար կարգավիճակը:

Ուշադրությանն արժանի

• Փաշինյանի և Ալիևի իմիտացիոն խաղը բանակցային գործընթացը նոր ռիսկի է տանում
• Ռուսաստանն առանց Պուտինի՞
• Արդյո՞ք միջուկային սպառնալիքը կվերադառնա Եվրոպա, եթե Ռուսաստանը չեղարկի միջուկային հրթիռների լիկվիդացման պայմանագիրը

 

Պակիստանի ազգային անվտանգության հանձնաժողովը որոշել է իջեցնել դիվանագիտական հարաբերությունների մակարդակը և դադարեցնել առևտուրը Հնդկաստանի հետ: Հնդկաստանի հինդու-ազգայնական կառավարությունը երկուշաբթի վերացրեց Քաշմիրի իր մասի ինքնավար կարգավիճակը:

Չորեքշաբթի Պակիստանը հայտարարել է, որ «կնվազեցնի» դիվանագիտական հարաբերությունները Հնդկաստանի հետ՝ այդ կերպ բողոքելով իր հարևանի որոշման դեմ, որը վերաբերում է Հնդկաստանի հսկողության տակ գտնվող Քաշմիրի հատվածը հատուկ սահմանադրական կարգավիճակից զրկելուն:

«Մենք մեր դեսպանին հետ կկանչենք Դելիից և տուն կուղարկենք նրանց դեսպանին», – հեռուստատեսային մեկնաբանություններում հայտարարել է արտգործնախարար Շահ Մեհմուդ Քուրեշին:

Բազմաթիվ զինվորականներ և պետական բարձրաստիճան պաշտոնյաներ, ներառյալ վարչապետ Իմրան Խանը, որոշումը կայացրել են Ազգային անվտանգության հանձնաժողովի նիստում:

Կառավարության առանձին հայտարարության մեջ ասվում է, որ երկիրը կդադարեցնի նաև  առևտուրը Հնդկաստանի հետ և կվերանայի հարաբերությունների մյուս կողմերը:

Պակիստանի խորհրդարանը կոչ է արել ՄԱԿ-ին ճնշում գործադրել Հնդկաստանի վրա ՝ վերացնելու այդ որոշումը:

Երկու երկրներն ու Չինաստանը Քաշմիրի նկատմամբ հավակնություններ ունեն: Երկուշաբթի Հնդկաստանը մեղադրանքներ ստացավ Պակիստանից ու Չինաստանից, երբ անսպասելիորեն չեղարկեց Քաշմիրի իր հատվածի ինքնավարությունը:

Ջամուն և Քաշմիրը, որպես Հնդկաստանի հսկողության տակ գտնվող շրջաններ, նախկինում կարող էին իրենց օրենքներն ունենալ, քանի որ ազատված էին Հնդկաստանի սահմանադրության որոշ կետերից:

Քննադատները մեղադրեցին հինդու-ազգայնական կառավարությանը, որը փորձում է բարձրացնել հնդիկների դերը մահմեդական մեծամասնություն ունեցող նահանգում: Նախկին հատուկ կարգավիճակով երկրի տարբեր շրջանների հնդիկներին արգելված էր սեփականություն ունենալ այդ տարածքում:

Կառավարությունը նշել է, որ հատուկ կարգավիճակը խոչընդոտել է Քաշմիրի զարգացմանն ու ինտեգրմանը երկրի մյուս մասին:

Եռացող հակամարտություն

Երկուշաբթի օրվանից տարածաշրջանը գտնվում է մեկուսացման մեջ՝ կապված կառավարության որոշման դեմ զանգվածային բողոքի ակցիայի հետ: Չորեքշաբթի ուշ ինտերնետն ու հեռախոսային ծառայությունները դեռևս արգելափակված էին:

1947-ին բրիտանական կայսրությունից անկախանալուց հետո Պակիստանը և Հնդկաստանը երկու պատերազմ են մղել Քաշմիրի համար:

Հնդկաստանը Պակիստանին մեղադրում է Ջամուի և Քաշմիրի իսլամիստ գրոհայիններին աջակցելու համար: Պակիստանը հերքում է այդ մեղադրանքը:

Հոդվածի բնօրինակն՝ այստեղ