Կարծիք. Գերմանիայում անհանգիստ ժամանակներ են

Կարծիք. Գերմանիայում անհանգիստ ժամանակներ են

Հոդվածի առանցքում

  • Հաշվի առնելով Գերմանիայի կարևոր դերակատարությունն աշխարհում, չպետք է թույլ տալ, որ ներքաղաքական ու ներկուսակցական ինտրիգները որոշեն, թե ինչ է տեղի ունենալու առաջիկա օրերին: ՍԴԿ-ին և  ՔԴՄ-ին պետք է խորհուրդ տալ չշտապել, նախագծել ճիշտ հետևանքները և չմտածված քայլերի չդիմել: Գերմանիան կարող է քաղաքականապես կայուն և դաշնակիցների համար հուսալի գործընկեր լինել միայն այն դեպքում, եթե պատասխանատու անձինք մտածեն ապագա քաղաքական հետևանքների և ոչ թե միայն ներկայում քաղաքական իշխանությունը պահելու մասին:

Ուշադրությանն արժանի

 

Սոցիալ-դեմոկրատական կուսակցության առաջնորդ Անդրեա Նահլեսի հրաժարականը ավելի հավանական է դարձնում արտահերթ ընտրությունը Գերմանիայում: Սակայն ՔԴՄ-ն և ՍԴԿ-ն պետք է խուսափեն հապճեպ որոշումներից, ասում է DW- ի գլխավոր խմբագիր Ինես Փոլը:

Մեկ շաբաթ առաջ Եվրախորհրդարանի ընտրությունների արդյունքները քաղաքական երկրաշարժ առաջացրին Գերմանիայում, որի ավերիչ հետևանքներն այժմ զգացվում են:

Կիրակի Սոցիալ-դեմոկրատական կուսակցության առաջնորդ Անդրեա Նահլեսի հայտարարությունը, թե կհրաժարվի լինել կուսակցության և խորհրդարանական խմբակցության ղեկավարը,  շատ ավելին է, քան Գերմանիայի ՍԴԿ-ի ներքին խնդիրը: Դա խորհրդանիշն է այն ճգնաժամի, որին բախվել են ՍԴԿ-ն և Գերմանիայի կանցլեր Անգելա Մերկելի քրիստոնյա- դեմոկրատները: Դաշնային Հանրապետության հիմնադրման պահից երկու հիմնական կուսակցությունները պատասխանատու են յուրաքանչյուր ընտրված կանցլերի համար:

Այսօր ոչ մի կուսակցությունում չկա կայունություն, որն անհրաժեշտ է ղեկավարի իրական պատասխանատվությունը ստանձնելու  համար: Սա վերաբերում է ինչպես նրանց քաղաքականությանն, այնպես էլ աշխատակազմին:

ՔԴՄ. Հին, մաշված

Նախ՝ Քրիստոնյա-դեմոկրատական միությունը: Համապետական ընտրություններում ՔԴՄ-ի պարտությունից հետո Մերկելը հրաժարական տվեց կուսակցության առաջնորդի պաշտոնից, ինչի հետևանքով էլ կուսակցության քաղաքական պայքարը դուրս է եկել հսկողությունից:

Անեգրետ Քրամփ-Կարենբաուերը, կուսակցության նոր առաջնորդը և Մերկելի պոտենցիալ իրավահաջորդը, բավական անհաջող է ղեկավարում: Եվրոպական նախընտրական քարոզարշավի ժամանակ նա հանդուրժողականություն ցուցաբերեց ՔԴՄ / ՍԴԿ պահպանողական բլոկի աջ ծայրահեղականների նկատմամբ, ինչը ոչ միայն օգուտ չտվեց կուսակցությանը, այլ՝ հակառակը:

Իսկ ավելի լուրջ էր  աղետը հասարակության հետ հարաբերություններում, որն առաջացավ YouTuber- ի հետ, կուսակցությանը քննադատող տեսանյութի պատճառով: Այստեղ Անեգրետ Քրամփ-Կարենբաուերը կոշտ դիրքորոշում ցուցադրեց, կոչ անելով խստացնել  ինտերնետի կարգավորումը: Նա վնասեց ոչ միայն իր, այլև ամբողջ կուսակցության իմիջը` այն դարձնելով  հին, մաշված, ապագայի համար ոչ պիտանի:

ՍԴԿ. Փնտրում է իր տեղը

Սոցիալ-դեմոկրատների վիճակն ավելի բարդ է: Վեց տարի շարունակ կուսակցությունը «մեծ կոալիցիայի» կրտսեր գործընկեր լինելով, չկարողացավ սեփական ուժերով հակազդել կանցլերի խելացի մանևրներին: Անկախ նրանից, դա նվազագույն աշխատավարձին է վերաբերում, թե երեխայի խնամքին, Մերկելին միշտ հաջողվել է վերցնել  սոցիալ-դեմոկրատների նախաձեռնած գրեթե բոլոր բարեփոխումների քաղաքական գնահատականները:

Սեփական քաղաքականությունը ստեղծելու և գերմանական կուսակցական դաշտում իր տեղը գտնելու հիմնախնդիրը լուծելու փոխարեն, ՍԴԿ-ն ներգրավված է ներքին հակասությունների և ղեկավարության փոփոխությունների մեջ:

Հիմա էլ ՍԴԿ-ի ղեկավարը պետք է հրաժարվի իր դիրքից: Սա նշանակում է, որ ամեն ինչ սպասելի է: Կուսակցությունը հասել է այնպիսի ցածր կետի, որ շատերը պարզապես կոչ են անում վերջ տալ «մեծ կոալիցիային»՝ անկախ հետևանքներից:

Ոչ մի հապճեպ որոշում

Բայց դա վտանգավոր է: Իսկ ի՞նչ կլինի, եթե խորհրդարանական ընտրությունները տեղի ունենան այս տարի: Ոչ ՍԴԿ-ն, ոչ էլ պահպանողականները վերևում համոզիչ թվեր չունեն: Նրանցից ոչ մեկը չունի բավականաչափ կայուն նախընտրական պլատֆորմ, Գերմանիայի քաղաքացիների մտահոգությունները լուծելու համար: Կլիմայի պահպանության հարցը հենց այդ մտահոգություններից մեկն է:

Այս պահին Գերմանիան կանգնած է ժողովրդավարության ամուր հիմքի վրա: Նույնիսկ եթե նոր ընտրություններ անցկացվեին, վտանգ չկա, որ աջ ազգայնականները կամ պոպուլիստները իշխող մեծամասնություն կդառնան: Դա լավ նորություն է այս բարդ ժամանակներում:

Գերմանիայի դերը աշխարհում

Հաշվի առնելով Գերմանիայի կարևոր դերակատարությունն աշխարհում, չպետք է թույլ տալ, որ ներքաղաքական ու ներկուսակցական ինտրիգները որոշեն, թե ինչ է տեղի ունենալու առաջիկա օրերին: ՍԴԿ-ին և  ՔԴՄ-ին պետք է խորհուրդ տալ չշտապել, նախագծել ճիշտ հետևանքները և չմտածված քայլերի չդիմել:

Գերմանիան կարող է քաղաքականապես կայուն և դաշնակիցների համար հուսալի գործընկեր լինել միայն այն դեպքում, եթե պատասխանատու անձինք մտածեն ապագա քաղաքական հետևանքների և ոչ թե միայն ներկայում քաղաքական իշխանությունը պահելու մասին:

Հոդվածի բնօրինակն՝ այստեղ

 

Write a comment