Ռիք Պերին, ըստ երեւույթին, անհանգստացած է խորհրդային ժամանակաշրջանի Իրանի սպառնալիքից

Հոդվածի առանցքում

• Տեխասի նախկին նահանգապետ Ռիք Պերիի քաղաքական գործողությունների հանձնաժողովը ինտերնետով տարածել է կարճ տեսանյութ, որի նպատակն է սուր քննադատության ենթարկել Օբամայի վարչակազմը Իրանի հետ բանակցությունների համար:
• Կա միայն մեկ խնդիր. նրա ներկայացրած Իրանի քարտեզում այդ ժողովուրդը շրջապատված է նախկին Խորհրդային Միության մասերով:
• Պերին չի պատրաստել այդ տեսանյութը: Ենթադրում ենք, որ նա չի նստել տեսահոլովակի ռեժիսորի կողքին ու ընտրել կադրերը, որոնք պետք է անցնեին իր խիստ դեմքի կողքով: Բայց եթե նա ցանկանում է արտաքին քաղաքականության հարցում իրեն ավելի խելոք ներկայացնել, քան իր մրցակիցներն են, արժե նշել, որ այդ սատարող նյութերը պատահաբար չի ընտրել:

Ուշադրությանն արժանի

• Իրանն ու Միացյալ Նահանգները պայքարում են Իրաքում
• Հայոց ցեղասպանություն. այս զանգվածային դաժանության ճշմարտության շարունակական ժխտումը մոտ է հանցագործ ստին
• Օբաման պետք է գործի Սիրիայում

Տեխասի նախկին նահանգապետ Ռիք Պերիի քաղաքական գործողությունների հանձնաժողովը ինտերնետով տարածել է կարճ տեսանյութ, որի նպատակն է սուր քննադատության ենթարկել Օբամայի վարչակազմը Իրանի հետ բանակցությունների համար: Տեսանյութը նպատակ ունի նաև Պերիին ներկայացնել որպես արտաքին քաղաքականության հարցերի գիտակ:

Կա միայն մեկ խնդիր. նրա ներկայացրած Իրանի քարտեզում այդ ժողովուրդը շրջապատված է նախկին Խորհրդային Միության մասերով: Այլ կերպ ասած, աշխարհը, որից Պերիին զգուշացնում է , չկա ավելի քան 20 տարի` Խորհրդային Միության փլուզումից հետո:

Տեսանյութում Պերին իր ակնոցների միջով նայում է տեսախցիկին ու խստորեն զգուշացնում  Իրանի ստեղծած նախկին ու ներկա սպառնալիքների մասին:  Լրատվական տեսանյութերից  հատվածները երևում ու  անհետանում են նրա մեկնաբանություններով: Սկզբում ցույց են տալիս Իրանի քարտեզը:

Ադրբեջանը, Հայաստանը և Թուրքմենստանը անկախացան 1991 թվականին: Նրանք այլևս խորհրդային ​​սոցիալիստական ​​հանրապետություններ չեն: Նշենք, նաև, որ Իրանը տարածվում է Իսրայելի հարավարևմտյան սահմանով:

Դա վկայում է, որ քարտեզը շատ ավելի հին է, սկսած այն ժամանակաշրջանից, երբ Իսրայելը դեռ հսկում էր Սինայ թերակղզու մեծ մասը: Պերին չի պատրաստել այդ տեսանյութը: Ենթադրում ենք, որ նա չի նստել տեսահոլովակի ռեժիսորի կողքին ու ընտրել կադրերը,  որոնք պետք է անցնեին իր խիստ դեմքի կողքով:

Բայց եթե նա ցանկանում է արտաքին քաղաքականության հարցում իրեն ավելի խելոք ներկայացնել, քան իր մրցակիցներն են, արժե նշել, որ այդ սատարող նյութերը պատահաբար չի ընտրել: Դրանք առաջարկելով,  նա ենթադրում է, որ աշխարհի սահմանները դեռևս կառչած են սառը պատերազմի ժամանակաշրջանից:

Հոդվածի բնօրինակն՝ այստեղ