Կուբայի մասին Օբամայի որոշումը քաղաքական փոփոխություն է առաջացրել Ֆլորիդայում

Կուբայի մասին Օբամայի  որոշումը քաղաքական փոփոխություն է առաջացրել Ֆլորիդայում

Հոդվածի առանցքում

  • Կոմունիստական երկրի հետ դիվանագիտական հարաբերությունները վերականգնելու մասին ԱՄՆ նախագահ Բարաք Օբամայի կայացրած անսպասելի որոշումը ընդգծում է Օբամայի անվաստահությունը:
  • Ֆլորիդան երկրի քաղաքական խոշորագույն շրջադարձային կետն է և որոշիչը նախագահական քաղաքականության մեջ: Օբաման արդեն կատարել է իր քայլը՝ 2011-ին մեղմացնելով Կուբա ճանապարհուրդության սահմանափակումները:
  • Այս դիրքորոշումը սպառնում է հանրապետականներին զրկել այն ընտրողների աջակցությունից, ովքեր կարծում են, որ Կուբայի հետ հարաբերությունների կարգավորումը կօգնի Ֆլորիդայի տնտեսությանը:
  • Պատմականորեն, կուբայական քաղաքականությունը Ամերիկայի կուբացիներին միավորել է դեմոկրատների դեմ, Նելսոնը նշել է 2000-ի ընտրությունների ժամանակ, երբ Ջորջ Բուշը Ֆլորիդայում 537 ձայնով հաղթեց փոխնախագահ Ալ Գորին:

Ուշադրությանն արժանի

Թալահասի, Ֆլորիդայի նահանգ- Տասնամյակներ շարունակ Կուբայի հարցում Ֆլորիդայի քաղաքականությունը պարզ էր: Պետք էր Ֆիդել Կաստրոյի նկատմամբ դրսևորել կոշտ դիրքորոշում, հակառակ դեպքում, քաղաքական ուժերը կկորցնեին առավելությունն ընտրապայքարում:

Կոմունիստական երկրի հետ դիվանագիտական հարաբերությունները  վերականգնելու մասին ԱՄՆ նախագահ Բարաք Օբամայի այս շաբաթ կայացրած անսպասելի որոշումը ընդգծում է Օբամայի անվաստահությունը: Ոմանք նույնիսկ ենթադրում են, որ դա Սպիտակ տան հնարքն է ցնցելու Ամերիկայի կուբայական համայնքի հանրապետական կուսակցությանը ցուցաբերած երկամյա աջակցությունը:

Նրանք ուզում են  Ամերիկայի կուբացիներին ընդգրկել իսպանախոսների դաշինքում, որն աջակցում է դեմոկրատներինասաց  Ֆլորիդայի հանրապետական նախկին սենատոր Ջորջ Լեմյեն: «Եթե ցանկանում են վերջ դնել Կուբայի հետ լարվածությանը, դա իրենց գործն է: Կարծում են նրանք ի վերջո կհասկանան, թե ինչու են Ամերիկայի կուբացիները միացել հանրապետական կուսակցությանը»:

Ամերիկայի կուբացիներն այժմ ավելի փոքր տոկոս են կազմում Ֆլորիդայի իսպանախոս բնակչության շրջանում, քան 15 տարի առաջ: Բայց դարձյալ Կուբայի հետ մերձեցման նախագահ Օբամայի փորձերը զայրացրել են  կուբայական ծագումով տարեց ամերիկացիներին, հատկապես առաջին -երկրորդ սերնդի ներգաղթյալներին: Իսկ երիտասարդներն, ամենայն հավանականությամբ, մենակ չեն քվեարկի այս հարցը:

Դեմոկրատ սոցիոլոգ Դեվիթ Բիթին ասել է,  որ Կուբայի հարցում ԱՄՆ քաղաքականության փոփոխությունն այժմ  քաղաքականապես անվտանգ է դարձել Ֆլորիդայում: «Նրանք պարզապես չեն հասկանում, որ դա պետության ամբողջական քաղաքականության մի մասն է»,-ասել է Բիթին:

Ֆլորիդան երկրի քաղաքական խոշորագույն շրջադարձային կետն է և որոշիչը նախագահական քաղաքականության մեջ: Օբաման արդեն կատարել է իր քայլը՝ 2011-ին մեղմացնելով Կուբա ճանապարհուրդության սահմանափակումները: Exit polls-ի հարցումները ցույց են տվել, որ հաջորդ տարի վերընտրվելու ժամանակ Օբաման Ֆլորիդայում ստացել էր Ամերիկայի կուբացիների կեսի ձայնը և հաղթել այդ նահանգում:

Ֆլորիդայի դեմոկրատ սենատոր Բիլ Նելսոնն ասել է, որ, ըստ հարցումների, շատ փոփոխություններ են կատարվել Ֆլորիդայում, այժմ հնարավոր է հանգիստ քայլել Մայամիում ու խոսել ժողովրդի հետ: «Ես Կաստրոյի դեմ եմ, բայց ժամանակն է առաջ շարժվել, մտնել 21-րդ դար»,- ասել է սենատորը:

Եթե ԱՄՆ-Կուբա լարվածությունը այլևս գերիշխող խնդիր չլինի Ամերիկայի կուբացի  ընտրողների համար, դեմոկրատները կստանան նրանց աջակցությունը նաև մյուս խնդիրների հարցում, որոնք ստանում են իսպանախոս համայնքից:

Ինչպես և սպասվում էր, հանրապետական սենատոր Մարկո Ռուբիոն և նախկին հանրապետական նահանգապետ Ջեբ Բուշը կտրականապես դեմ արտահայտվեցին Օբամայի որոշմանը: Ռուբիոն այն համարեց դավաճանություն:

Բայց Բիթին նշում է, որ այս դիրքորոշումը սպառնում է հանրապետականներին զրկել այն ընտրողների աջակցությունից, ովքեր կարծում են, որ Կուբայի հետ հարաբերությունների կարգավորումը կօգնի Ֆլորիդայի տնտեսությանը:

«Հանրապետականները խոսում են մի շարք հարցերի շուրջ, որոնք ընտրողներին չեն մտահոգում», – ասել է նա: «Նրանք մտահոգված են տնտեսության վիճակով, բժշկական օգնության ծախսերով»: Ռուբիոն հայտարարել է, որ իրեն չի հետաքրքրում ընդհանուր դիրքորոշումը: Նա անձամբ ճանաչում է  շատ մարդկանց, ովքեր տուժել են Կաստրոյից: «Ինձ չի մտահոգում հարցվածների 99% -ի կարծիքը: Ես ունեմ իմ դիրքորոշումը և դրա կրքոտ պաշտպանն եմ», ասել է Ռուբիոն: «Ես ուրախ եմ, որ ազատության, ժողովրդավարության ու մարդու իրավունքների կողմնակիցն եմ»:

Հանրապետական ստրատեգ Աննա Նավարոն խոսել է Օբամայի հայտարարության ժամկետի մասին: Նրա կարծիքով փաստը, որ հայտարարությունն արվել է միջանկյալ ընտրություններից հետո, ցույց է տալիս, որ Օբաման գիտակցում է  Կուբայի հետ կապերը վերականգնելու քաղաքականության վտանգը:

«Արդյոք Օբաման փորձեց դա անել 2012-ին, որը կարող էր վտանգել նրա հաղթանակը: Ոչ»,-ասել է Նավարոն:

Պատմականորեն, կուբայական քաղաքականությունը Ամերիկայի կուբացիներին միավորել է դեմոկրատների դեմ, Նելսոնը նշել է 2000-ի ընտրությունների ժամանակ, երբ Ջորջ Բուշը Ֆլորիդայում 537 ձայնով հաղթեց փոխնախագահ Ալ Գորին:

Այդ տարի Ամերիկայի կուբացիներն աջակցեցին հանրապետականներին, որովհետև զայրացել էին նախագահ Բիլ Քլինթոնի վարչակազմի վրա, որը դաշնային զինված գործակալների միջոցով տղային վերադարձրեց Կուբա հոր մոտ: «Այդ գիշեր Էլիան Գոնզալեսը միավորեց Ամերիկայի կուբացիներին դեմոկրատների դեմ արշավում»,-ասաց Նելսոնը:

Նավարոն էլ նշել է, որ Օբամային, հավանաբար, 2000 թվականի դեպքերն են հուշել երբ է պետք բացահայտել Կուբայի հետ երկրի հարաբերությունները փոխելու իր ծրագրերը:

«Նրանք վախենում են, որ  նոյեմբերին կուբացիները կհիշեն, թե ինչպես վարվեցին Ալ Գորի հետ»,-ասաց Նավարոն: «Նրանք դեռ շատ զգույշ են»:

Հոդվածի բնօրինակն՝ այստեղ

Write a comment