Մակեդոնիան ունի նոր անվանում՝ Հյուսիսային Մակեդոնիա

Հոդվածի առանցքում

• Մակեդոնիայի նախկին Հարավսլավիայի Հանրապետությունը պաշտոնապես վերանվանվել է Հյուսիսային Մակեդոնիայի Հանրապետություն, որի մասին կառավարությունը երեքշաբթի օրը հայտարարց մայրաքաղաք Սկոպյեում: Երկրի անունը փոփոխող օրինագիծը ստացավ իրավական ուժ պաշտոնական հրապարակումից հետո՝ խորհրդարանի կողմից հաստատված քայլից մեկ ամիս անց:

Ուշադրությանն արժանի

• Գոլանի բարձունքների մասին Թրամփի հռչակագիրն ուղերձ է Ադրբեջանին
• Ո՞վ կլինի Մեծ Բրիտանիայի հաջորդ վարչապետը
• Նիդեռլանդները պատրաստվում է արտաքսել ևս մեկ հայ ընտանիքի

 

Ավարտվեց Մակեդոնիայի նախկին Հարավսլավիայի Հանրապետության անունը փոխելու գործընթացը: Աթենքն ու Սկոպյեն համաձայնության են եկել 2018 թ. -ի հունիսին անվանափոխության վերաբերյալ:

Մակեդոնիայի նախկին Հարավսլավիայի Հանրապետությունը պաշտոնապես վերանվանվել է Հյուսիսային Մակեդոնիայի Հանրապետություն, որի մասին կառավարությունը երեքշաբթի օրը հայտարարց մայրաքաղաք Սկոպյեում:

Երկրի անունը փոփոխող օրինագիծը ստացավ իրավական ուժ պաշտոնական հրապարակումից հետո՝ խորհրդարանի կողմից հաստատված քայլից մեկ ամիս անց:

Հյուսիսային Մակեդոնիան նույնպես պաշտոնապես ՄԱԿ-ին տեղեկացրեց իր անվան փոփոխության մասին, հայտարարել է կառավարությունը:

Այսպիսով, ավարտվում է Հյուսիսային Մակեդոնիայի և նրա հարավային հարևան Հունաստանի միջև երկարատև վիճահարույց խնդիրը և Սկոպյեի առջև դռներն են բացվում դեպի ՆԱՏՕ-ի ռազմական դաշինք և Եվրամիություն:

Աթենքը արգելափակում էր իր հյուսիսային հարևանի դաշինքին միանալու փորձերը, քանի որ այն պնդում էր, որ «Մակեդոնիա» ամնունը պատկանում է իրեն և երկրի հյուսիսային նահանգներից մեկի պատմական անունն է:

Հունաստանը միայն Սկոպյեին թույլ տվեց ՄԱԿ-ին միանալ 1995 թվականին `որպես «Նախկին Հարավսլավիայի հանրապետություն Մակեդոնիա»՝ հղում կատարելով երկրի նախկին Հարավսլավիայի անդամակցությանը:

Երկու երկրների ձախ կառավարույունները, ի վերջո, պայմանավորվեցին փոխզիջման «Հյուսիսային Մակեդոնիայ» անվան շուրջ 2018 թ. հունիսին և հունվարին համաձայնությունը հաստատեցին Սկոպյեի և Աթենքի խորհրդարանները:

Հունաստանը վավերացրել է միանալու մասին արձանագրությունը, որ Հյուսիսային Մակեդոնիան ստորագրել է ՆԱՏՕ-ի բոլոր 29 անդամների հետ անցյալ շաբաթ: Հյուսիսային Մակեդոնիան պաշտոնապես կմիանա դաշինքին, երբ բոլոր անդամները վավերացնեն այդ համաձայնությունը:

Հոդվածի բնօրինակն՝ այստեղ