Ոստիկանությունը հարյուրավոր մարդկանց է ձերբակալել Մոսկվայում

Հոդվածի առանցքում

• Շաբաթ օրը կեսօրին տեղի ունեցած բողոքի ցույցի ընթացքում ոստիկանությունը ձերբակալել է 828 մարդու, հայտնում է OVD-info անկախ մոնիտորինգային խումբը: Ոստիկաններն ասում են, որ ձերբակալել են 600 մարդու, իսկ բողոքի ցույցին մասնակցել է 1500 մարդ: Ակտիվիստները ասում են, որ մասնակցել է 10 000 մարդ:

Ուշադրությանն արժանի

• Զարգացումներ Հայաստանում. Փաշինյանը կեղտոտ դրոշը նկատելուց հետո կարգադրել է հեռացնել աշխատանքից
• Ադրբեջանի պետական թրոլինգը լռեցնում է այլախոհենրին ու ժողովրդավարության տպավորություն ստեղծում
• Ռուսաստանն ԱՄՆ-ին մեղադրում է Վրաստանում գաղտնի քիմլաբորատորիաներ ունենալու մեջ

Շաբաթ օրը Մոսկվայի ոստիկանությունը զանգվածային ձերբակալություններ է իրականացրել՝ փորձելով տապալել բողոքի ցույցը, որը արգելվել էր իշխանությունների կողմից:

Ցույցը նոր ստեղծված բողոքի շարժման վերջին էպիզոդն էր: Ամեն ինչ սկսվել է, երբ ընդդիմադիր թեկնածուներին թույլ չեն տվել մասնակցել Մոսկվայի քաղաքային խորհրդի ընտրություններին, ինչի պատճառով Ռուսաստանում սկսվել են վերջին տարիների ամենամեծ քաղաքական բողոքի ակցիաները:

Շաբաթ օրը կեսօրին տեղի ունեցած բողոքի ցույցի ընթացքում ոստիկանությունը ձերբակալել է 828 մարդու, հայտնում է OVD-info անկախ մոնիտորինգային խումբը:

Ոստիկաններն ասում են, որ ձերբակալել են 600 մարդու, իսկ բողոքի ցույցին մասնակցել է 1500 մարդ: Ակտիվիստները ասում են, որ մասնակցել է 10 000 մարդ:

Ռուսաստանի մայրաքաղաքն արգելափակման մեջ էր, քանի որ իշխանությունները փակել էին մուտքերը դեպի կենտրոնական բուլվարային օղակ, որտեղ ցուցարարները ցանկանում էին երթ անցկացնել, արգելափակվել էր նաև բջջային ինտերնետը մայրաքաղաքի մեծ մասում և ցուցարարների գլխավերևում ուղղաթիռ էր պտտվում:

Լյուբով Սոբոլը՝ միակ ընդդիմադիր քաղաքական գործիչը, որը ցանկանում է մասնակցել սեպտեմբերին կայանալիք ընտրություններին, բայց դեռ բանտում չէր,  ձերբակալվել է ոստիկանության կողմից նախքան նույնիսկ կհասներ բողոքի ցույցի վայրը:

Սոբոլը, որը երեք շաբաթ է հացադուլ է անում բողոքելով քվեաթերթիկում չհայտնվելու դեմ, դուրս էր գալու իր նախընտրական շտաբից տաքսի նստելու համար, բայց նրան դուրս են հանել ոստիկանները, քարշ տվել դեպի սպասող ավտոբուսը:

Օրվա ընթացքում փակ էին բուլվարի երկայնքով գտնվող մի շարք ռեստորաններ և խանութներ, իսկ ոստիկանները կրում էին հատուկ համազգեստ, որը օգտագործվում է, օրինակ, ծայրահեղականների դեմ գործողությունների ժամանակ: Նման որոշում է կայացվել, քանի որ անցած շաբաթ բողոքի ցույցի մասնակիցները նույնականացրել են մի քանի ոստիկանների՝ օգտագործելով դեմքի նույնականացման առցանց համակարգչային ծրագիր:

Բողոքի ցույցի մասնակիցները հայտնել են, որ իրենք անհանգստացած են, որ իշխանությունները բախում են հրահրում ոստիկանության հետ:

Մի տղամարդ, որը մասնակցում էր բողոքի ցույցին իր երկու դպրոցական դուստրերի հետ, ասաց, որ անհանգստացած է բռնության հնարավորությունից: «Բայց կարևոր է ցույց տալ, որ մենք չենք վախենում», – ասաց նա:

Քանի որ բողոքի ակցիան մեծ տարածքում էր, դժվար էր հաշվել մարդկանց թիվը: Նախնական գնահատականներով ենթադրվում է, որ թիվը կարող է պակասել անցած շաբաթավերջին հավաքվածների համեմատ: Այդ ժամանակ ակցիան դեպի Մոսկվայի քաղաքապետարան քայլարշավով էր և ոստիկանության գործողությունները ամենադաժանն էին վերջին մոտ մեկ տասնամյակում:

Այնուհետև ոստիկանությունը ձերբակալել է ավելի քան 1300 մարդու, և չնայած նրանց մեծ մասն արագ ազատ է արձակվել, սակայն իշխանությունները հստակեցրել են, որ նախատեսում են խոշոր բանտարկություններ: Նրանք 10 բողոքողների դեմ գործ են հարուցել «զանգվածային անկարգություններ» հրահրելու մեղադրանքով, որը մինչև 15 տարի բանտարկություն է նախատեսում:

Շաբաթ օրը Ռուսաստանի քննչական կոմիտեն նաև հայտարարեց, որ սկսում է փողերի լվացման հետաքննություն հակակոռուպցիոն հիմնադրամում, որը վարում է ընդդիմության առաջատար քաղաքական գործիչ Ալեքսեյ Նավալնին: Նա այժմ բանտում է:

Հոդվածի բնօրինակն՝ այստեղ