Մերկելը կարծում է, որ Եվրոպան պետք է համախմբի Չինաստանին, Ռուսաստանին և ԱՄՆ-ին հակազդելու համար

Հոդվածի առանցքում

• Անհրաժեշտ է, որ Եվրոպան վերանայի իր մոտեցումները իր երեք գլոբալ մրցակիցների՝ Չինաստանի, Ռուսաստանի և ԱՄՆ-ի մարտահրավերներին դիմակայելու համար։ Այս մասին հայտարարել է Գերմանիայի կանցլել Անգելա Մերկելը նախքան իր վերջին եվրոպական ընտրությունը:

Ուշադրությանն արժանի

• Տեխասի հայերը նահանգի օրենսդիր մարմնի մոտ մասնակցելու են Խաղաղության քայլերթի` հիշատակելով Հայոց Ցեղասպանության 100-րդ տարելիցը
• Ռուսաստանը սկսում է լայնածավալ զորավարժությունները վիճահարույց տարածքներում
• Մադլեն Օլբրայթ. ՄԱԿ-ը «պետք է գործի», եթե պետությունը չի պաշտպանում իր քաղաքացիներին

Անհրաժեշտ է, որ Եվրոպան վերանայի իր մոտեցումները իր երեք գլոբալ մրցակիցների՝ Չինաստանի, Ռուսաստանի և ԱՄՆ-ի մարտահրավերներին դիմակայելու համար։

Այս մասին հայտարարել է Գերմանիայի կանցլել Անգելա Մերկելը նախքան իր վերջին եվրոպական ընտրությունը:

Առերեսվելով բազմաթիվ մարտահրավերների՝ Չինաստանի տնտեսության խթանումից մինչև ԱՄՆ-ի թվային ծառայությունների նկատմամբ մենաշնորհը և ընտրության հարցում ռուսական միջամտությունից բխող խնդիրները, Եվրոպան պետք է հասնի միասնական ճակատի ձևավորմանը, հայտարարել է Մերկելը:

«Կասկած չկա, որ Եվրոպան պետք է վերափոխվի այսօրվա փոխվող աշխարհում», – ասել է Մերկելը Բեռլինի իր գրասենյակում: «Նախկին դարի հետպատերազմյան ձևավորված  կարգը այլևս չի գործում »:

«Նրանք [Չինաստանը, Ռուսաստանը և ԱՄՆ] ստիպում են մեզ միավորվել: Դա հաճախ դժվար է, հաշվի առնելով մեր տարբեր շահերը: Բայց մենք դա արեցինք, կարծում եմ, օրինակ, Ուկրաինայում հակամարտության վերաբերյալ մեր քաղաքականության հարցում:

«Աֆրիկայում մեր քաղաքականությունը հիմա էլ հետևում է մի ընդհանուր ռազմավարությանը, որը մի քանի տարի առաջ անհնար էր: Այսպիսով, մենք մեկ ոտքը դնում ենք մյուսի դիմաց: Սակայն մեր քաղաքական ուժը դեռևս չի համընկնում մեր տնտեսական ուժերի հետ»:

Գերմանական «Süddeutsche Zeitung» թերթի լրագրողների կողմից անցկացված հարցազրույցում և Եվրոպական թերթերի դաշինքի շրջանակներում Guardian- ի հետ կիսվելիս Մերկելը նաև ասել է.

«Բրեքսիթը վերջին տարիների եվրոպական շրջադարձային խոշորագույն իրադարձությունն է, սակայն գնդակը այժմ Մեծ Բրիտանիայի դաշտում է: Մեծ Բրիտանիան ԵՄ-ից դուրս գալու համար պետք է Լոնդոնում խորհրդարանական մեծամասնություն ունենա, ոչ թե պարզապես ինչ որ բանի դեմ լինի»:

Գերմանիան պատրաստվում էր 2050 թվականին դառնալ ածխածնային չեզոք երկիր, սակայն դա «հսկայական մարտահրավեր է»:

Հարցազրույցը հրապարակվեց Մերկելի վարչապետության 14-րդ տարում  , որը առանցքային պահ է նրա համար որպես կանցլեր: Նրա կուսակցությունը, Քրիստոնեա-դեմոկրատական ​​միությունը, կանգնած է մայիսի 23-26-ին անցկացվող ընտրություններին զգալի կորուստներ ունենալու հեռանկարի առջև, սակայն դիտորդները հավատում են, որ նրա դիրքերը բավականաչափ ամուր են, որպեսզի ապահովեն չորրորդ ժամկետը մինչև 2021 թվականը:

Ընտրությունները Գերմանիայի և ամբողջ մայրցամաքի պոպուլիստների համար հնարավորություն են ավելի մեծ անհավասարության, աճող անկայունության և Բրյուսելում և անդամ երկրներում աճքող դժգոհության հիման վրա հաղթանակ տանել:

«Շատերը մտահոգված են Եվրոպայի ապագայով, այդ թվում` ես », – ասել է Մերկելը: «Սա նշանակում է, որ ես ավելի շատ պարտավորված ​​եմ զգում ինձ, քան ուրիշները, որպեսզի Եվրոպան ապագա ունենա»:

Նա ասում է, որ իր գործընկերները պետք է դադարեցնեն պոպուլիստական ​​հռետորաբանությունը և կտրականապես բացառում է Եվրոպական խորհրդարանում իր կենտրոնական աջ բլոկի համագործակցությունը  պոպուլիստների հետ, ինչպիսին է օրինակ Մատտեո Սալվինին:

«Իսկապես ժամանակն է, երբ մենք պետք է պայքարենք մեր սկզբունքների և հիմնարար արժեքների համար», – ասել է Մերկելը: «Պետության և կառավարության ղեկավարները կորոշեն, թե որքան հեռու գնալ պոպուլիզմի դաշտում կամ մենք ի վերջո ցանկանում ենք համատեղ պատասխանատվություն ստանձնել:

«Պարզապես նշումը, որ մենք յոթ տասնամյակ խաղաղություն ենք վայելել այլևս բավարար չէ եվրոպական նախագծի արդարացման համար: Առանց կանխատեսելի փաստարկների արդարացումը Եվրոպային, եվրոպական խաղաղության ծրագրին կլիներ ավելի վտանգավոր, քան թվում է»:

Մերկելը նաև ընդգծել է համաշխարհային բնապահպանական ճգնաժամի հրատապությունը: Նա հիշեցրել է, որ 1990-ականների կեսերին մասնակցում էր կենսաբազմազանության կոնֆերանսներին և ասաց. «Ցավալի է տեսնել, թե ինչպես է իրավիճակը վատացել:

«Հստակ է, որ համաշխարհային մասշտաբով հետևողական քաղաքական գործողությունների պակաս կա: Որն էլ բոլոր բնագավառներում, ներառյալ շրջակա միջավայրի պահպանության հարցում, հաջողության գրավականն է»:

Նա վերահաստատեց իր նպատակը 2050 թ.-ին հասնելու Գերմանիայի ածխածնային չեզոքությանը, սակայն, եվրոպական երկրների համար անցյալ շաբաթ Ֆրանսիայի նախագահ Էմմանուել Մաքրոնն ու ութ այլ առաջնորդներ ձևավորեցին ածխածնի արտանետումների թիրախը:

«Ինը երկրներ մտադիր են մինչև 2050 թ. կլիմայական չեզոքության հասնել, ինչի արդյունքում նրանք այլևս ոչ մի CO2 արտանետում չեն ունենա», – ասել է Մերկելը: «Ես համոզված եմ, որ դա կարող է կատարվել միայն այն դեպքում, եթե մեկը ցանկանում է գրավել և պահել CO2- ը: Այդ երկրները չեն ժխտում: Մեթոդը կոչվում է CCS և շատերի համար Գերմանիայում դա շատ լուրջ ժամկետ է»:

CCS- ը հակասական է, քանի որ քննադատները դա համարում են թանկարժեք սուբսիդիա, որը, ի վերջո, մեծացնում է, այլ ոչ թե կրճատում հանածո վառելիքի նկատմամբ վստահությունը: «Կան երկու հնարավորություններ` դուք կարող եք կամ ածխածին պահպանել կամ կարող եք վերականգնել մեծ մասշտաբով », – ասաց նա: «Նիդեռլանդներում, օրինակ, վերջինը տարբերակ չէ: Այնտեղ, CO2- ը կարող է պոմպացված լինել գազի դաշտում: Մենք կարող էինք նույնը անել Գերմանիայում, բայց եթե ես ուզում եմ իրականացնել այս քաղաքականությունն այստեղ գրիչի հարվածով, ապա մարդիկ ճիշտ կլինի ինձ հարցնեն, թե որքանով է դա իրական:

Մերկելը չի նշում, թե արդյոք Եվրամիությունը Բրիտանիային կտրամադրի ևս մեկ երկարաձգում, եթե Թերեզա Մեյի կառավարությունը չկարողացավ հասնել հոկտեմբերի վերջի վերջնական պայմանագրին:

Պատասխանելով հարցին, թե արդյոք Բրեքզիթը աշնանը կարող է ընդունվել ինչպես Լոնդոնի, այնպես էլ Բեռլինի նոր ղեկավարների կողմից՝ նա կրկին հրաժարվեց պատասխանելուց. «Պետք է բանակցություններ վարել, 27 անդամի անունից Եվրոպական հանձնաժողովը դա անելու է, ինչպես դա անում էր մինչ օրս»:

Հոդվածի բնօրինակն՝ այստեղ