Մակրոնն Իրանից պարզաբանումներ է սպասում Ֆրանսիայի և Իրանի քաղաքացի ակադեմիկոսի ձերբակալության հարցով

Հոդվածի առանցքում

• Ֆրանսիայի նախագահ Էմանուել Մակրոնը Թեհրանին կոչ է արել բացատրել, թե ինչու է Փարիզի համալսարանից ֆրանսիական և իրանական ծագումով ակադեմիկոսը ձերբակալվել է Իրանում: Մակրոնը մտահոգություն է հայտնել կնոջ անվտանգության մասին:

Ուշադրությանն արժանի

• 13-ամյա հայ տղան ուղիղ եթերում իսլամ է ընդունել
• Թուրքիայում կայացած ընտրություններն ու Էրդողանի վերջի սկիզբը
• Ինչպե՞ս են Արևելյան Եվրոպայում օլիգարխները պահպանում ուժ և հսկողություն

Ֆրանսիայի նախագահ Էմանուել Մակրոնը Թեհրանին կոչ է արել բացատրել, թե ինչու է Փարիզի համալսարանից ֆրանսիական և իրանական ծագումով ակադեմիկոսը ձերբակալվել է Իրանում: Մակրոնը մտահոգություն է հայտնելկնոջ անվտանգության մասին:

Հեղինակավոր Sciences Po համալսարանից Իրանի և շիա իսլամը ճանաչված մասնագետ Ֆարիբա Ադելխայի ձերբակալությունը վտանգավոր է՝  Փարիզի և Թեհրանի միջև լարվածութուն առաջացնելու մասով և այս ճգնաժամային փուլում, երբ փորձ է արվում փրկել Իրանի հետ միջուկային գործարքը:

Ֆրանսիայի ԱԳՆ-ն հաստատել է, որ գիտնականն ունի երկքաղաքացիություն և, որ նրան արգելել են կապ հաստատել հյուպատոսական անձնակազմի հետ:

«Ֆրանսիան կոչ է անում Իրանի իշխանություններին լիակատար լույս սփռել պրոֆեսոր Ադելխայի իրավիճակի վրա և կրկնում է իր պահանջը, մասնավորապես հյուպատոսական մուտքի անմիջական թույլտվության մասով», – ասվում է հաղորդագրության մեջ:

«Այն ինչ տեղի է ունեցել, ինձ շատ է մտահոգում: Մենք ամեն ինչ կիմանանք առաջիկա օրերին», – ասել է Մակրոնը Բելգրադում կայացած մամուլի ասուլիսի ժամանակ:

«Ես արտահայտել եմ իմ անհամաձայնությունը և պարզաբանումներ նեմ խնդրել նախագահին Ռոհանից», – ավելացրել է նա: Մակրոնը հավելել է, որ Ֆրանսիան մինչ օրս որևէ իմաստալից բացատրություն չի ստացել:

Իրանի իշխանությունների ներկայացուցիչ Ալի Ռաբիեին ասել է, որ ինքը չի կարող հաստատել մեղադրանքները:

60-ամյա Ադելխահը Արևմտյան անձնագրով Իրանի վերջին քաղաքացին է, որը կալանավորվել է Իրանում:

Իրանական ծագումով բրիտանացի Նազանինի Զագարի-Ռատկլիֆը, որը Thomson Reuters հիմնադրամի հետ նախագծի ղեկավար է,  2016 թվականից Թեհրանում դատապարտվել է բանտարկության՝ ապստամբության կոչեր անելու մեղադրանքով: Այս գործը լարվածություն է առաջացրել Մեծ Բրիտանիայի հետ հարաբերություններում:

Ադելխայի ձերբակալությունը տեղի ունեցավ այն օրերին, երբ Մակրոնը փորձում է ջանքեր գործադրել 2015-ի միջուկային գործարքի պահպանման համար ճանապարհ գտնելու ուղղությամբ:

Մակրոնը անցյալ ամսին երկու անգամ Թեհրան բանակցող է ուղարկել և նույնիսկ խոսակցություններ կային, որ նա կարող է ավելի քան 40 տարի անց Իրանի մայրաքաղաք այցելող Ֆրանսիայի առաջին նախագահը դառնալը:

Համաձայնագիրն այժմ տապալման ռիսկի առաջ է քանի որ ԱՄՆ նախագահ Դոնալդ Թրամփը միակողմանիորեն իր երկիրը դուրս բերեց դրանից, ապա Իրանը խախտեց հարստացված ուրանի սահմանափակումները:

Ֆրանսիացի ակադեմիկոս Ժան-Ֆրանսուա Բայարտը, որը նաև Ադելխայի ընկերն է, հայտարարել է, որ ինքը և իր  գործընկերներն ահազանգել են Ֆրանսիայի իշխանություններին, երբ Ադելխան հունիսի 25-ին, ինչպես նախատեսված էր, չի վերադարձել Ֆրանսիա:

Նա ասել է, որ կարծում է՝ գործընկերը ձերբակալվել է հունիսի 5-ին և գտնվում է Թեհրանի «Էվին» բանտում:

«Նրան այցելել է իր ընտանիքը, նա վիրավոր չէ, բայց ես մտահոգ եմ, նա ֆիզիկապես ուժեղ չէ: Մենք չգիտենք, թե որքանով է այդ անընդունելի կալանքը շարունակվելու», – ասել է Բայարտը AFP- ին:

«Իրանը չի ճանաչում երկքաղաքացիությունը, ուստի նրանց համար նա Իրանի քաղաքացի է և այդ պատճառով նրան թույլ չեն տվել կապ հաստատել Ֆրանսիայի հյուպատոսարանի հետ», – ավելացրել է նա:

Ադելխան ձերբակալվել է, երբ Թեհրանում այցելել էր իր մորը: 1997-ին Ֆրանսիա էր մեկնել՝ սովորելու: «Նա ազատ, անկախ և չափազանց տաղանդավոր հետազոտող է», – ավելացրել է նա:

Հոդվածի բնօրինակն՝ այստեղ