Լիբանանահայ ցուցարարները Բեյրութի թատրոնում շրջապատել էին Թուրքիայի դեսպանին

Լիբանանահայ ցուցարարները Բեյրութի թատրոնում շրջապատել էին Թուրքիայի դեսպանին

Հոդվածի առանցքում

  • Լիբանանի հայ Դաշնակցական կուսակցության մոտ 60 անդամ չորեքշաբթի կինոթատրոնում շրջապատել էին Լիբանանում Թուրքիայի դեսպանին, բողոքելով 1915 -ին Օսմանյան կայսրության իրականացրած Հայոց Ցեղասպանության հարցում, թուրքական կառավարության պաշտոնական դիրքորոշման դեմ:
  • Ֆիլմի հիմնական նպատակն էր Գալիպոլիի ճակատամարտով շեղել ուշադրությունը Հայոց Ցեղասպանությունից, չնայած այն հանգամանքին, որ անցյալում թուրքական կառավարությունը հասարակական միջոցառումներում չի հիշատակել ճակատամարտը: Թուրքիայի կառավարությունը վերջերս է որոշել ֆինանսավորել և խթանել ճակատամարտի հետ առնչվող իրադարձությունները, որպեսզի աշխարհի ուշադրությունը շեղի Հայոց Ցեղասպանության 100-ամյա տարելիցից:
  • Արդյունքում, թուրքական դեսպանատան անվտանգության աշխատակիցները բախվեցին խաղաղ ցուցարարներին կինոթատրոնի առաջ: Պահակները սկսեցին բղավել «Էրդողան, Էրդողան», իսկ ցուցարարները արձագանքեցին «ցեղասպան, ցեղասպան»:
  • Հայոց Ցեղասպանության հարյուրամյա տարելիցի հիշատակումը առանձնահատուկ նշանակություն ունի լիբանանահայերի համար, որոնք կազմում են երկրի բնակչության շուրջ 4 տոկոսը:

Ուշադրությանն արժանի

Լիբանանի հայ Դաշնակցական կուսակցության մոտ 60 անդամ չորեքշաբթի կինոթատրոնում շրջապատել էին Լիբանանում Թուրքիայի դեսպանին, բողոքելով 1915 -ին Օսմանյան կայսրության իրականացրած Հայոց Ցեղասպանության հարցում, թուրքական կառավարության պաշտոնական դիրքորոշման դեմ:

Դեսպան Սուլեյման Ինան Օզ Յըլդիզը հաճախել էր «Վերջին գրություն» թուրքական կինոնկարի պրեմիերային, որի դեպքերը զարգանում են Գալիպոլիի ճակատամարտի ժամանակ (1915-1916):

Ֆիլմի ցուցադրման համար ընտրել էին Հայոց Ցեղասպանության հիշատակման տարին և դա պատահականություն չէր: Լիբանանի հայկական «Ազդակ» օրաթերթի առցանց տարբերակում հրատարակվել է հայտարարություն, որտեղ թուրքական կառավարությունը մեղադրվում է աշխարհի ուշադրությունը Հայոց ցեղասպանության հարյուրամյա տարելիցից շեղելու համար, որն  ամբողջ աշխարհում նշվելու է այս տարվա ապրիլի 24-ին:

Հայերեն և արաբերեն հրապարակված հայտարարությունը   Global Voices- ում համառոտ ներկայացրել է լիբանանահայ ակտիվիստ Եղիա Թաշճյանը:

«Ֆիլմի հիմնական նպատակն էր Գալիպոլիի ճակատամարտով շեղել ուշադրությունը Հայոց Ցեղասպանությունից, չնայած այն հանգամանքին, որ անցյալում թուրքական կառավարությունը հասարակական միջոցառումներում չի հիշատակել ճակատամարտը: Թուրքիայի կառավարությունը վերջերս է որոշել ֆինանսավորել և խթանել ճակատամարտի հետ առնչվող իրադարձությունները, որպեսզի աշխարհի ուշադրությունը շեղի Հայոց Ցեղասպանության 100-ամյա տարելիցից:

Այդ պատճառով Դաշնակցության երիտասարդական և ուսանողական ասոցիացիան պարտավորվել է ևս մեկ անգամ հիշեցնել աշխարհին  հայերի և արաբների պատմությունն ու տառապանքները Թուրքիայի տիրապետության ներքո: Արդյունքում, թուրքական դեսպանատան անվտանգության աշխատակիցները բախվեցին խաղաղ ցուցարարներին կինոթատրոնի առաջ: Պահակները սկսեցին բղավել «Էրդողան, Էրդողան», իսկ ցուցարարները արձագանքեցին «ցեղասպան, ցեղասպան»:

Հայոց Ցեղասպանության հարյուրամյա տարելիցի հիշատակումը առանձնահատուկ նշանակություն ունի  լիբանանահայերի համար, որոնք կազմում են երկրի բնակչության շուրջ 4 տոկոսը: Բազմաթիվ միջոցառումներ են ծրագրված ապրիլի 24-ից առաջ, ինչպես օրինակ  The Independent-ի թղթակից  Ռոբերտ Ֆիսկի «Հարյուր տարի և մեկ օր»  խորագրով քննարկումը Բեյրութի ամերիկյան համալսարանի «Լիբանանյան հայերի ժառանգություն» ակումբում, ինչպես նաև այդ օրը կազմակերպված Ազգային երթը:

Հոդվածի բնօրինակն՝ այստեղ

Write a comment