Տաջիկստանի և Ղրղզստանի միջև զինված բախումները չեն դադարում

Հոդվածի առանցքում

• Տաջիկստանի և Ղրղզստանի միջև 971 կմ ձգվող սահմանի երկայնքով կան մոտ 70 վիճելի տեղամասեր, որոնք պարբերաբար դառնում են երկու հանրապետությունների բնակիչների և զինծառայողների միջև բախումների պատճառ։ Երեք տարի առաջ Բիշքեկը և Դուշանբեն պայմանավորվել են սամանազատման և սահմանանշման աշխատանքների ակտիվացման մասին։ Ներկա պահի դրությամբ՝ հաջողվել է պայմանավորվել 600 կմ սահմանի վերաբերյալ։

Ուշադրությանն արժանի

• Որքա՞ն վատ են Թուրքիայի և Արևմուտքի հարաբարերությունները
• Ներքին խռովությունների պատճառով Հայաստանը կարող է լքել Ռուսաստանի ղեկավարած ՀԱՊԿ դաշինքը
• Հայաստանը օրինա՞կ է Եվրոպական հարևանության նոր քաղաքականության համար

 

Տաջիկստանի և Ղրղզստանի միջև 971 կմ ձգվող սահմանի երկայնքով կան մոտ 70 վիճելի տեղամասեր, որոնք պարբերաբար դառնում են երկու հանրապետությունների բնակիչների և զինծառայողների միջև բախումների պատճառ։ Երեք տարի առաջ Բիշքեկը և Դուշանբեն պայմանավորվել են սամանազատման և սահմանանշման աշխատանքների ակտիվացման մասին։ Ներկա պահի դրությամբ՝ հաջողվել է պայմանավորվել 600 կմ սահմանի վերաբերյալ։

Միայն այս տարի սահմանի երկայնքով տեղի է ունեցել 12 զինված միջադեպ։ Եվ դժվար է ասել թե ինչպես է կարելի խուսափել նմանատիպ բախումներից։

Վերջին միջադեպը տեղի էր ունեցել սեպտեմբերի 16-ին Տաջիկստանի և Ղրղզստանի սահմանին, ինչի հետևանքով մեկ ղրղզ սահմանապահ է զոհվել և ավելի քան 10 մարդ վիրավորվել։

Ղրղզստանի բնակիչների մի մասը լքել է իր բնակավայրը։ Բնակիչները մտահոգ են, որ ցանկացած պահի իրավիճակը կարող է սրվել։

Կողմերը միմյանց են մեղադրում մարտական գործողություններ հրահրելու համար: Միջադեպի պատճառ է հանդիսացել Տաջիկստանի քաղաքացիների կողմից պետական սահմանի չթույլատրվող տարածքում շինարարական աշխատանքներ իրականացնելը:

«Շինարարությունը սկսվել է առանց Ղրղզների հետ համաձայնության գալու»,-ասում է Ղրղզստանի արտաքին գործերի նախարարը։

Տաջիկներն էլ իրենց հերթին մեղադրում են ղրղզներին, ասելով, որ նրանք խախտել են պայմանավորվածությունները և նախկինում սահմանի երկայնքով նույնպես շինարարական աշխատանքներ են իրականացրել։

«Սահմանի այն հատվածում, որտեղ տեղի է ունեցել հրաձգությունը, մենք ունենք դիտարկող աշտարակ։ Տաջիկներն են սկսել այս հակամարտությունը, և հիմա նրանք փորձում են արդարացնել իրենց ՝ ամբողջ մեղքը գցելով մեզ վրա»,-նշում է Բակութ Կուլմատովը։

Ղրղզստանի արտաքին գործերի նախարարությունը հայտնել է, որ ռազմական գործողությունները սկսել են տաջիկ զորայինները, որոնք կրակահերթ են արձակել երկու դիրքերի վրա։ Հրաձգության արդյունքում զոհվել է մեկ ղրղզ սահմանապահ և ավելի քան 10 մարդ է վիրավորվել։ Տուժաշներին տեղափոխել են հիվանդանոց, որտեղ նրանց այցելել է Ղրղզստանի նախագահ Սոորոնբայ Ժեենբեկովը։

Հոդվածի բնօրինակն՝ այստեղ