Այաթոլլահ Ալի Խոմենեյ.«Միջուկային բանակցություններում ԱՄՆ-ին չի կարելի վստահել»

Այաթոլլահ Ալի Խոմենեյ.«Միջուկային բանակցություններում ԱՄՆ-ին չի կարելի վստահել»

Հոդվածի առանցքում

  • Այաթոլլահ Ալի Խոմենեյը ասել է, որ ԱՄՆ-ը ավելի շատ պահանջներ կներկայացնի, եթե Իրանը համաձայնվի սահմանափակել ուրանի հարստացումը:
  • Նրա մեկնաբանությունները հնչել են Իրանի և աշխարհի այլ ուժերի միջև բանակցությունների նոր ռաունդից առաջ, որը նախատեսված է անցկացնել Ժնևում այս ամսվա վերջին:
  • Խոմենեյը հայտարարել է, որ Իրանը պետք է «դիմակայման տնտեսություն» զարգացնի, որտեղ կբարձրացվի ռազմավարական ապրանքների տեղական արտադրույթունն ու կնվազեցվի երկրի կախվածությունը նավթի արտահանումից:

Ուշադրությանն արժանի

Իրանի գերագույն առաջնորդը չորեքշաբթի ասել է, որ առաջիկա միջուկային գործարքում պատժամիջոցները հանելու հարցում ԱՄՆ-ին «չի կարելի վստահել» և որ Թեհրանը, անշուշտ, պետք է զարգացնի «դիմակայման տնտեսություն»:

Այաթոլլահ Ալի Խոմենեյը, ով ազգային անվտանգության բոլոր հարցերում՝ այդ թվում և միջուկային ծրագրում, վերջնական որոշում կայացնողն է, ասել է, որ ԱՄՆ-ը ավելի շատ պահանջներ կներկայացնի, եթե Իրանը համաձայնվի սահմանափակել ուրանի հարստացումը:

«Ամերիկացիները լկտիաբար ասում են, որ եթե անգամ Իրանը ետ կանգնի միջուկային ծրագրից, բոլոր պատժամիջոցները միանգամից չեն հանվի: Նրանք դա հստակ են ասել: Սա ցույց է տալիս, որ այս թշնամուն վստահել չի կարելի»,- ելույթում նշել է Խոմենեյը Թեհրանի իր նստավայրի այցելուների առաջ, որը ցուցադրվել է նաև պետական հեռուստաալիքով:

Նրա մեկնաբանությունները հնչել են Իրանի և աշխարհի այլ ուժերի միջև բանակցությունների նոր ռաունդից առաջ, որը նախատեսված է անցկացնել Ժնևում այս ամսվա վերջին: Թեհրանը և վեց երկրների խումբը՝ ԱՄՆ, Ռուսաստան, Չինաստան, Մեծ Բրիտանիա, Ֆրանսիա և Գերմանիա, հույս ունեն համաձայնության գալ մարտին, իսկ  վերջնական համաձայնագիրը նախատեսվում  է կնքել հունիսի 30-ին:

Խոմենեյը հավանություն է տվել  նախագահ Հասան Ռոուհանիի՝ Թեհրանի միջուկային ծրագրի շուրջ տասնամյակ ձգվող դիմակայությանը դիվանագիտական լուծում տալու ձգտումներին: Այս ծրագիրը, ըստ Արևմտյան պետությունների, նպատակ ունի զարգացնել զենքի պոտենցիալը: Իրանը այս մեղադրանքները կտրուկ հերքում է:

Սակայն Խոմենեյը առաջվա նման հոռետեսական  է տրամադրված ԱՄՆ-ի մտադրությունների նկատմամբ, և նա ասել է, որ կասկածում է, որ բանակցությունները հաջողությամբ կավարտվեն և կաթվածահար անող պատժամիջոցները կհանվեն:

«Պաշտոնյաները չպետք է հույսները դնեն օտարերկրացիների վրա և պետք է իմանան, որ իրենց նահանջի մեկ քայլը թշնամու առաջխաղացման քայլն է: Եթե դուք հույսներդ դնեք թշնամու վրա, պատժամիջոցները կմնան իրենց տեղում»,-ասել է նա:

Խոմենեյը հայտարարել է, որ Իրանը պետք է «դիմակայման տնտեսություն» զարգացնի, որտեղ կբարձրացվի ռազմավարական ապրանքների տեղական արտադրույթունն ու կնվազեցվի երկրի կախվածությունը նավթի արտահանումից: Այս քայլերով պատժամիջոցներն ավելի անցավ կդարձնեն:

Հոդվածի բնօրինակն՝ այստեղ

Write a comment