Արթնացիր Ղազախստան

Հոդվածի առանցքում

• Մի շարք ակտիվիստներ և լրագրողներ բերման են ենթարկվել երկրի մի քանի խոշոր քաղաքներում՝ այդ թվում Ալմաթիում և Շիմքեթում: Վերջին օրերին մի խումբ երիտասարդ ակտիվիստներ նոր շարժում են սկսել՝ «Արթնացիր Ղազախստան»:

Ուշադրությանն արժանի

• Թոնի Աբոտին կոչ են արել Հայոց Ցեղասպանության հարցում հետևել Հռոմի պապի օրինակին
• Պուտինը և Էրդողանը պաղպաղակ ուտելով քննարկել են կործանիչների գործարքը
• Ըստ նոր հարցումների վրացիների մեծամասնությունը կողմ է արտահերթ ընտրություններին

 

Ղազախստանի գործող նախագահ Կասիմ-Ժոմարտ Տոկաևը՝ նախկին  նախագահ Նուրսուլթան Նազարբաևի նախընտրած թեկնածուն, հունիսի 10-ին նախնական արդյունքների համաձայն արդեն իսկ հաղթանակ էր տանում: Սակայն այս ամենը ուղեկցվում էր բազմամարդ բողոքի ակցիաներով և հարյուրավոր մարդկանց ձերբակալություններով: Մի շարք ակտիվիստներ և լրագրողներ բերման են ենթարկվել երկրի մի քանի խոշոր քաղաքներում՝ այդ թվում Ալմաթիում և Շիմքեթում:

Վերջին օրերին մի խումբ երիտասարդ ակտիվիստներ նոր շարժում են սկսել՝ «Արթնացիր Ղազախստան»:

«Ցույցերն արդեն 3 օր է շարունակվում են: Գնալով նոր մարդիկ են միանում շարժմանը», ասել է շարժման մասնակից Դիմաշ Ալժանովը,-«Հասարակության հետ երկխոսությունը, նույնիսկ չի էլ քննարկվում: Իշխանությունները շարունակում են իրենց ճնշումների քաղաքականությունը»:

Ալժանովին ցույցերի ժամանակ արդեն երկու անգամ ձերբակալել են: Հունիսի 9-ին և 10-ին ոստիկանությունը  ձերբակալել է ընդհանուր առմամբ 700 հոգու: Այս մասին հայտարարել է երկրի ներքին գործերի նախարարության ներկայացուցիչ Նուդիլդա Օրազը:

«Ղազախստանում մենք պետք է խորքային ռեֆորմներ իրականացնենք: Ամբողջ երկիրը չի կարող մեկ մարդու ձեռքերում լինել: Սա պատմական պահ է մեզ համար և իշխանափոխությունը չպետք է այսպես վարվի»,-ասել է Դիմաշ Ալժանովը:

Լրագրող Ասեմ Ժապիշևային ոստիկանները կարճ ժամանակով ձերբակալել էին: Ոստիկանները նրան հարցրել են թե ինչու է ցանկանում «կործանել երկիրը»:

«Ինձ ասացին՝ ինչո՞ւ ես արտասահմանյան լրատվամիջոցներին ներկայացնում Ղազախստանը վատ լույսի տակ»,-պատմել է Լրագրող Ասեմ Ժապիշևան:

Նազարբաևի համար 1 քննադատը  «Ղազախստանի ժողովրդավարական ընտրություն» կուսակցության առաջնորդ Մուխտար Աբլյազովն է: Նա իր աջակիցներին կոչ է արել շարունակել բողոքի ակցիաները: Աբլյազովը Ֆեյսբուքի ուղիղ եթերում նշում է տեղ, ժամ և հարյուրավոր մարդիկ են հավաքվում: Մասնակիցներից շատերն առանձնապես չեն համակրում Աբլյազովին, սակայն ցանկանում են մասնակցել ցույցերին:

Աբլյազովը բնակվում է արտերկրում և բազմիցս դատապարտվել է սպանություն կազմակերպելու, հանցավոր խմբավորում ստեղծելու և հափշտակության մեղադրանքներով: Նրա ղեկավարած կուսակցությունը արգելված է Ղազախստանում: Դատարանի այն համարել է ծայրահեղական խմբավորում:

Իշխանությունները  Աբլյազովին   անվանում են «Պարոն Հրեշ, որն ուղղորդում է ցույցերը»:

Հոդվածի բնօրինակն՝ այստեղ