Ուզբեկստանի առաջնորդը ընտրությունների նախօրեին մերժում է ԽՍՀՄ-ի ոճի դաշինքին միանալը

Ուզբեկստանի առաջնորդը ընտրությունների նախօրեին մերժում է ԽՍՀՄ-ի ոճի դաշինքին միանալը

Հոդվածի առանցքում

  • Ուզբեկստանի նախագահ Իսլամ Քարիմովը բացառել է միավորումը որևէ տնտեսական դաշինքին, որը կառաջնորդի «ավելի մեծ եղբայրը» ընտրությունների նախօրեին, որոնք կերկարացնեն իր 25-ամյա կառավարումը նախկին խորհրդային երկրում:
  • Թեև, աղբյուրի համաձայն, Քարիմովը չնշեց կոնկրետ երկրներ, հավանական է, որ նա վերահաստատել է իր բացասական դիրքորոշումը Մոսկվայի գլխավորած Եվրասիական տնտեսական միության հանդեպ, որը ներառում է նաև Ղազախստանը, Բելառուսը և Հայաստանը:
  • Քարիմովը չունի լուրջ ընդդիմություն առաջիկա ընտրություններին, որոնք կերկարացնեն իր ներկայիս կառավարումը ևս հինգ տարով: Նրա վերընտրության քարոզարշավը շատ չի լուսաբանվում՝ ընդգրկելով սահմանափակ քանակի մամուլի միջոցներ:

Ուշադրությանն արժանի

Ուզբեկստանի նախագահ Իսլամ Քարիմովը բացառել է միավորումը որևէ տնտեսական դաշինքին, որը կառաջնորդի «ավելի մեծ եղբայրը» ընտրությունների նախօրեին, որոնք կերկարացնեն իր 25-ամյա կառավարումը նախկին խորհրդային երկրում:

77-ամյա Քարիմովը այդ ակնարկը արել է մարտի 29-ի ընտրությունների նախօրեին, որտեղ  նա հիմնական ֆավորիտն է: AFP-ին տեղեկությունը փոխանցել է միջոցառմանը ներկա մի պաշտոնյա:

«Այսօր կան որոշ նախաձեռնություններ վերականգնելու հին համակարգը այլ տեսքով»,-ըստ աղբյուրի՝ասել է Քարիմովը, ով առողջ է:

«Ես խոստանում եմ ձեզ, որ Ուզբեկստանը երբեք չի միանալու նման դաշինքներին՝ հետ բերելու հին ժամանակները ավելի մեծ եղբոր հետ: Այսօր Ուզբեկստանը ունի իր հստակ աշխարհաքաղաքական դիրքորոշումը, և մենք այլևս չենք լսում ուրիշներին»:

Հանրապետության՝ սերտորեն վերահսկվող ազգային մամուլը, չի տրամադրել ուղիղ մեջբերում հանդիպումից:

Թեև, աղբյուրի համաձայն, Քարիմովը չնշեց կոնկրետ երկրներ, հավանական է, որ նա վերահաստատել է իր բացասական դիրքորոշումը Մոսկվայի գլխավորած Եվրասիական տնտեսական միության հանդեպ, որը ներառում է նաև Ղազախստանը, Բելառուսը և Հայաստանը:

Չնայած նրան, որ Ռուսաստանը Կենտրոնական Ասիայի երկրների խոշորագույն առևտրային գործընկերն է՝ Ուզբեկստանը մտահոգված է Ուկրաինայի հակամարտությամբ:

Ուզբեկստանը լքել է Ռուսաստանի գլխավորած Հավաքական անվտանգության պայմանագիր կազմակերպությունը 2012 թվականին, սակայն շարունակում է մնալ Շանհայի համագործակցության կազմակերպության կազմում, որը ընդգրկում է Չինաստանին և Ռուսաստանին, ինչպես նաև Ղազախստանին, Ղրղզստանին և Տաջիկստանին:

Ըստ AFP աղբյուրի՝ 77-ամյա Քարիմովը հայտնվեց իր տարիների համար բավականին աշխույժ վիճակում և հաճախ կատակում էր ընտրողների հետ՝ կարծես հերքելով համառ լուրերը իր վատ առողջության մասին:

Նրա ավելի քիչ հայտնվելը հանրության աչքում առիթ էր վերջին տարիների ընթացքում իր սրտի ինֆարկտ ստանալու մասին լուրերի:

Քարիմովը չունի լուրջ ընդդիմություն առաջիկա ընտրություններին, որոնք կերկարացնեն իր ներկայիս կառավարումը ևս հինգ տարով: Նրա վերընտրության քարոզարշավը շատ չի լուսաբանվում՝ ընդգրկելով սահմանափակ քանակի մամուլի միջոցներ:

Անհայտ պաշտոնյան, խոսելով AFP հետ, ասել է, որ դա իր մրցակիցների նկատմամբ ունեցած «մեծ առավելության» պատճառով է:

«Դա իր որոշումն էր ավելի քիչ լուսաբանել իր նախընտրական քարոզարշավը և տալ իր ընդդիմախոսներին ավելի շատ հնարավորություն տալու՝ ձեռք բերելու ժողովրդականություն»,- ասել է պաշտոնյան:

Հոդվածի բնօրինակն՝ այստեղ

Write a comment