Իտալիան համաձայնության է եկել նոր կառավարական կոալիցիայի հարցում ՝ ճգնաժամը կանխելու համար

Հոդվածի առանցքում

• Վարչապետ Ջուզեպպե Քոնտեն կմնա իշխանության այն բանից հետո, երբ Իտալիայի «Հինգ աստղերի շարժումը» համաձայնության է եկել կենտրոնամետ Դեմոկրատական ​​կուսակցության հետ: Ծայրահեղ աջակողմյան Լեգան հրահրել էր ճգնաժամը ՝ դուրս գալով վերջին կոալիցիայից: Իտալիայի պոպուլիստական ​​«Հինգ աստղերի շարժումը» (M5S)  և կենտրոնամետ Դեմոկրատական ​​կուսակցությունը  մի կողմ են դրել իրենց ավանդական տարաձայնությունները նոր կառավարություն ձևավորելու և նոր ընտրությունները կանխելու համար:

Ուշադրությանն արժանի

• Թեև զեկույցը հակառակն է պարզել, ամերիկացիների գրեթե կեսը կարծում է՝ Թրամփը կապեր ունի ՌԴ հետ
• Սինգապուրը պատրաստվում է առանց Լի Կուան Յուի աշխարհին
• The Guardian- ի տեսակետը Թերեզա Մեյի վերջնական քայլի մասին. էլ ձախողելու տեղ չկա

Վարչապետ Ջուզեպպե Քոնտեն կմնա իշխանության այն բանից հետո, երբ Իտալիայի «Հինգ աստղերի շարժումը» համաձայնության է եկել կենտրոնամետ Դեմոկրատական ​​կուսակցության հետ: Ծայրահեղ աջակողմյան Լեգան հրահրել էր ճգնաժամը ՝ դուրս գալով վերջին կոալիցիայից:

Իտալիայի պոպուլիստական ​​«Հինգ աստղերի շարժումը» (M5S)  և կենտրոնամետ Դեմոկրատական ​​կուսակցությունը  մի կողմ են դրել իրենց ավանդական տարաձայնությունները նոր կառավարություն ձևավորելու և նոր ընտրությունները կանխելու համար:

«Հինգ աստղերի շարժումը» հայտարարել է, որ կոալիցիան ղեկավարելու է վարչապետ Ջուզեպպե Քոնտեն, որը հրաժարական է տվել M5S- ի և ծայրահեղ աջ Լեգայի կոալիցիոն կառավարության փլուզումից հետո:

«Այսօր մենք հանրապետության նախագահին ասացինք, որ Դեմոկրատական ​​կուսակցության հետ կա քաղաքական համաձայնագիր, որով Ջուզեպպե Քոնտենին կրկին տրվում է մանդատ ՝ որպես վարչապետ», – ասաց M5S- ի առաջնորդ Լուիջի Դի Մայոն:

Դեմոկրատների առաջնորդ Նիկոլա Զինգարեթին ասել է, որ երկու կողմերը որոշել են ընդհանուր հիմք գտնել ՝ հանուն երկրի կայունության: «Մենք սիրում ենք Իտալիան և գտնում ենք, որ արժե կրկին փորձել համագործակցել », – բանակցություններից հետո լրագրողներին ասաց Զինգարեթին:

Քիչ անց Դի Մայոն ասաց. «Մենք ստանձնեցինք պարտավորություններ իտալացիների առջև … և եկեք կատարենք այն , ինչ ցանկանում ենք անել »:

M5S- ի ղեկավարը նաև ասաց, որ մերժել է «Լեգայի» առաջարկը ՝ ՆԳ նախարար Մատտեո Սալվինիի գլխավորությամբ, կապված վերջինիս վարչապետ նշանակելու հետ ՝ իրենց դաշինքը վերականգնելու դիմաց:

Դեմոկրատները և M5S- ը դեռ պետք է համաձայնության գան քաղաքականության պլատֆորմի և նախարարների հարցում:

Եթե նրանք չկարողացան կազմել մեծամասնություն, ապա նախագահը, հավանաբար, արտահերթ ընտրություններ կնշանակի նոյեմբերին:

Սալվինին, ով հարուցեց ճգնաժամը օգոստոսի 8-ին, երբ դուրս բերեց իր կուսակցությունը M5S- ի հետ կառավարող կոալիցիայից, ասաց, որ նոր կազմավորումը փխրուն է և դժվար թե երկար գոյատևի:

«Այսպիսով, մենք պետք է վեց ամիս կամ մեկ տարի սպասենք հաղթելու համար: Մենք չենք շտապում», – ասաց նա:

Քաղաքական որոշ փորձագետներ նախազգուշացրել են, որ M5S-դեմոկրատներ գործարքը կարող է երկարաժամկետ հեռանկարում ձեռնտու լինել Սալվինիի համար, եթե առաջիկա ամիսներին նոր համաձայնագիրը չեղյալ հայտարարվի:

Միևնույն ժամանակ, Սալվինին շարունակում է իր հակասական քաղաքականությունը ՝ կանխելու համար Իտալիա ներգաղթյալներին տեղափոխող փրկարարական նավերի մուտքը: Հինգշաբթի նա հրամանագիր է ստորագրել, որով արգելում է փրկարարական նավերին, որոնք շուրջ 100 մարդ են տեղափոխում Լիբիայից իտալական ջրեր, մուտք գործել Իտալիա:

Հոդվածի բնօրինակն՝ այստեղ