Իրանն ու Միացյալ Նահանգները պայքարում են Իրաքում

Հոդվածի առանցքում

• Իրաքը արագորեն դառնում է մարտադաշտ Միացյալ Նահանգների և Իրանի միջև լարված հակամարտության համար, և սա Բաղդադի ընտրությունը չէ: Իրաքում տեղակայված շիայական մի քանի զինված խմբեր (PMF) ակնհայտորեն անում են այն, ինչ Իրանն է ասում: Մայիսի 19-ին Բաղդադում ԱՄՆ դեսպանատան մոտ պայթյունից հետո Միացյալ Նահանգները մեղադրեց Իրանին և իրանամետ այդ ուժերին: 

Ուշադրությանն արժանի

• Թրամփի փաստաբանն ու նրա ռուսական կապերը
• Անսահմանափակ հեռահարության միջմայրցամաքային ռուսական հրթիռ. մի՞ֆ, թե՞ իրականություն
• Սիրիայում նոր թեժացումը Ռուսաստանի և Թուրքիայի տարածքային պայքարն է

 

Միացյալ Նահանգներից հսկայական ճնշման ներքո հուլիսի 1-ին Իրաքի վարչապետ Ադել Աբդուլ Մահդին հայտարարել է, որ իր երկրի իրանամետ շիայական խմբավորումները կլինեն Իրաքի կառավարության վերահսկողության ներքո:

Կարծես թե անհավանական է, որ նա կկարողանա իրականում գործարկել իր այս հրամանագիրը:

Իրաքը արագորեն դառնում է մարտադաշտ Միացյալ Նահանգների և Իրանի միջև լարված հակամարտության համար, և սա Բաղդադի ընտրությունը չէ: Իրաքում տեղակայված շիայական մի քանի զինված խմբեր (PMF) ակնհայտորեն անում են այն, ինչ Իրանն է ասում:

Մայիսի 19-ին Բաղդադում ԱՄՆ դեսպանատան մոտ պայթյունից հետո Միացյալ Նահանգները մեղադրեց Իրանին և իրանամետ այդ ուժերին:

Նույն ամսվա ընթացքում զինյալները ենթադրաբար թիրախավորել են Սաուդյան նավթային տաներները, հավանաբար, քանի որ Իրանը նրանց դրդել էր այդպես վարվել՝ սեփական նավթարդյունաբերության դեմ ԱՄՆ պատժամիջոցների պատճառով: Իհարկե, կասկածներ կան, որ դա իրանամետ այդ ուժերի գործն էր: Այնուամենայնիվ, Սաուդյան Արաբիան հաղորդել է Իրաքի հետ սահմանին օդային հսկողության համակարգերի տեղակայման մասին: Սա ըստ արաբական լրատվամիջոցների աղբյուրների, սակայն, այս տեղեկությունը դեռ հաստատված չէ Սաուդյան պաշտոնյաների կողմից:

Հունիսին զինյալները Բաղդադում գրոհել էին Բահրեյնիի դեսպանատունը՝ Բահրեյնի կառավարության կողմից Բահրեյնում հունիսի 25-26-ին կազմակերպված համաժողովի դեմ բողոքելու համար: Համաժողովը կարևորեց Սպիտակ տուն Իսրայելապաղեստինյան խաղաղության պլանը: Իրաքի լրատվամիջոցները հաղորդեցին, որ դեսպանատունը գրոհելու  հրաման է տրվել Իրանի իսլամական հեղափոխության պահապանների կորպուսի հրամանատար Կասեմ Սուլեյմանին:

Իրաքում անվտանգության հարցերով ամենահեղինակավոր փորձագետ Հիշամ ալ-Հաշիմին հայտարարել է՝Իրաքի օրենքը պահանջում է, որ իրանցի զինված ուժերը Իրաքի կառավարության վերահսկողության տակ լինեն, բայց նա թերահավատորեն է վերաբերվում դրան: Եվ եթե դա տեղի ունենա, զինված ըմբոստությունները կամ շիաների քաղաքական շրջանակներում ապստամբություններն արագորեն կտապալեն դա:

Իր հերթին, Մահդիի բախվում է լայն հանրային թերահավատությունը: Իրաքում հանրությունը զայրացած է երկրում Իրանի քաղաքական և ռազմական գերակայության պատճառով: Վաշինգտոնն ավելի լավը չէ, կարծում են շատ իրաքացիներ՝Վաշինգտոնը նպաստել է տարածաշրջանում սուննի-շիայական մրցակցությանը 2003-ին ներխուժելով երկիրը, ապա հեռանալով և թողնելով Իրաքը ճակատագրի քմահաճույքին ինչպես ԱՄՆ-Իրան, այնպես էլ Իրան-Ծոցի երկրներ հակամարտությունների ֆոնին:

Մահդիի հուլիսի 31-ի հրամանով, զինյալ խմբերը պետք է փակեն իրենց տեղական շտաբերը, տնտեսական գրասենյակները և իրենց վերահսկողության տակ եղած անցակետերը: Այդ հրահանգը նշանակում է ավելին, քան նման նախորդ փորձը, որն արել էր Մահդիի նախորդը՝ Հեյդար Ալ-Աբադին: Նա նաև փորձեց զսպել զինված ուժերի ազդեցությունը, դարձնելով դրանք Իրաքյան անվտանգության ուժերի մի մասը, բայց թույլ տվեց, որ նրանք պահեն իրենց շտաբերը:

Մահդիի խնդիրն այն է, որ ռազմական և քաղաքական ուժերը ժամանակի ընթացքում ընդլայնվել են: Washington Post-ի տվյալներով, գործում են առնվազն 23 զինված խմբեր: Եվ երբ նրանք օգնեցին Իրաքի կառավարությանը պարտության մատնել Իսլամական պետությանը, դրանից հետո վայելում են հարաբերականորեն ազատություն շիաների տարածքներում: Այժմ, երբ Իսլամական պետությունը վերահաստատվում է Իրաքի քաղաքային կենտրոններում, ըստ արաբական լրատվամիջոցների և անվտանգության աղբյուրների, Բաղդադում զինյալները հավատում են, որ նրանք դեռ ունեն դերակատարություն և կարող են հրաժարվել վերահսկողությունից:

Հոդվածի բնօրինակն՝ այստեղ