IFC-ն և Հայաստանը համագործակցում են ներդրումների ավելացման, մասնավոր հատվածի զարգացման նպատակով

Հոդվածի առանցքում

• Համաշխարհային բանկի խմբի անդամ IFC-ն (Միջազգային ֆինանսական կորպորացիա), Հայաստանի Էկոնոմիկայի նախարարությունը և Հայաստանի զարգացման հիմնադրամը համաձայնության են եկել համատեղ աշխատելու վերաբերյալ՝ երկրի ներդրումային քաղաքականությունը և վերահսկողության համակարգը բարելավելու համար:
• Համատեղ ջանքերը, որոնց նպատակը Հայաստանում ներդրումների ներգրավմանն ու հաստատմանը, գյուղատնտեսական ապրանքների արտահանմանը, արտասահմանյան ներդրողների համար հստակ պայմանների ստեղծմանը և գյուղատնտեսական բիզնեսի հետ կապված հարկերի վճարման գործընթացի պարզեցմանն ուղղված բարեփոխումների ծրագրի ստեղծումն է:
• Հայաստանը 1995 թվականին է դարձել IFC- ի անդամ: Այդ ժամանակից սկսած՝ IFC-ն Հայաստանում ներդրել է ավելի քան 320 միլիոն դոլար՝ տարբեր բնագավառների 52 նախածգերում, որոնք ընդգրկում են ֆինանսական շուկան, արտադրությունն ու հանքարդյունաբերությունը, միաժամանակ այլ վարկատուներից ներգրավվել է մոտ 23 միլիոն դոլար:

Ուշադրությանն արժանի

• ԱՄՆ չի կնքի Մեծ Բրիտանիայի հետ համաձայնագիր, եթե Հյուսիսային Ւռլանդիայի խաղաղությունը վտանգված լինի
• Փոքր երկիր, բայց մեծ ազգ. ինչպես ցեղասպանությունը ձևավորեց այսօրվա Հայաստանը
• Վրաստանի Փոթի նավահանգստում նոր տերմինալ կկառուցվի

Համաշխարհային բանկի խմբի անդամ IFC-ն (Միջազգային ֆինանսական կորպորացիա), Հայաստանի Էկոնոմիկայի նախարարությունը և Հայաստանի զարգացման հիմնադրամը համաձայնության են եկել համատեղ աշխատելու վերաբերյալ՝ երկրի ներդրումային քաղաքականությունը և վերահսկողության համակարգը բարելավելու համար, որպեսզի ներգրավեն նոր ներդրումներ և կրճատեն բիզնեսի հետ կապված ծախսերը, խթանեն մասնավոր հատվածի զարգացումը և նոր աշխատատեղեր ստեղծեն:

IFC–ի համաձայն, IFC Armenia Investment Climate Reform Project-ը (Միջազգային ֆինանսական կորպորացիայի՝ Հայաստանում ներդրումային իրավիճակի բարեփոխման նախագիծ) խորհրդատվություն կմատուցի Հայաստանի Էկոնոմիկայի նախարարությանը և Հայաստանի զարգացման հիմնադրամին՝ բարելավելով երկրի ներդրումային գրավչությունը և բիզնեսի վերահսկության՝ առավել կանխատեսելի և արդյունավետ դառնալուն:

Հայաստանի Էկոնոմիկայի նախարար Կարեն Ճշմարիտյանը նշում է, որ «վերջին տարիներին Հայաստանը ներդրումային միջավայրի  բարելավմանն ուղղված բարեփոխումների ոլորտում  էական արդյունքների է հասել»: «Այնուամենայնիվ, դեռ անելու շատ բան կա, և մենք բարձր ենք գնահատում IFC-ի խորհրդատվությունն ու փորձը, որով օգնել են բազմաթիվ երկրներին՝ պարզեցնել  գործարարության հետ կապված օրենսդրությունը և ստեղծել ներդրումներին նպաստող քաղաքականություն»:

Համատեղ ջանքերը, որոնց նպատակը Հայաստանում ներդրումների ներգրավմանն ու հաստատմանը, գյուղատնտեսական ապրանքների արտահանմանը, արտասահմանյան ներդրողների համար հստակ պայմանների ստեղծմանը և գյուղատնտեսական բիզնեսի հետ կապված հարկերի վճարման գործընթացի պարզեցմանն ուղղված բարեփոխումների ծրագրի ստեղծումն է:

Բարեփոխված վերահսկողական համակարգը կնշանակի առավել քիչ ռիսկային ձեռնարկություններում ավելի քիչ  ստուգումների անցկացում, կխնայի նրանց ժամանակն ու ռեսուրսները:

«Այս ծրագրի շրջանակներում մեր համագործակցությունն ուղղված է առավել թափանցիկ և բիզնեսի զարգացմանը նպաստող կանոնների ձևավորմանը՝ միաժամանակ ապահովելով հասարակական շահերի պաշտպանությունը»,- ասում է IFC-ի Հարավային Կովկասում նորանշանակ Տարածաշրջանային կառավարիչ Ջոն վան Բիլսենը:  Այս աշխատանքը Համաշխարհային բանկի խմբի կազմակերպության առավել մեծ ջանքերի մի մասն է, որի նպատակն է օգնել Հայաստանին՝ առավել մրցակցային ներդրումային միջավայր ստեղծելու և տնտեսական և սոցիալական զարգացումը խթանելու համար:

IFC Armenia Investment Climate Reform Project-ը իրականցվում է Համաշխարհային Բանկի խմբի Trade and Competitiveness Global Practice-ի կողմից՝ Ավստրիայի ֆինանսների Դաշնային նախարարի և Հունգարիայի Hungarian Partnership Funding/Hungary EXIM Bank-ի հետ համագործակցությամբ:

Այս ծրագիրը հիմնվել է IFC-ի նախորդ (2011-ից  2014 թվականներն ընդգրկող) Investment Climate Reform Project-ի վրա, որն օգնել է Հայաստանի կառավարությանը՝ մշակել և ընդունել  բարեփոխումներ հարկային, առևտրի մատակարարման, վերահսկողության և սննդային ապրանքների անվտանգության ոլորտներում:

Հայաստանը 1995 թվականին  է դարձել IFC- ի անդամ: Այդ ժամանակից սկսած՝  IFC-ն Հայաստանում ներդրել է ավելի քան 320 միլիոն դոլար՝ տարբեր բնագավառների  52 նախածգերում, որոնք ընդգրկում են ֆինանսական շուկան, արտադրությունն ու հանքարդյունաբերությունը, միաժամանակ այլ վարկատուներից ներգրավվել է մոտ 23 միլիոն դոլար:

IFC-ի  խորհրդակցական ծառայությունը  (Advisory Services) խորհրդատվություն է տրամադրում ֆինանսական հատվածի, վերականգնվող էներգիայի, սննդային ապրանքների անվտանգության համար:

Հոդվածի բնօրինակն՝ այստեղ