Նացիստական Գերմանիայի հետ համեմատության պատճառով շվեդ-հունգարական սկանդալը թեժանում է

Հոդվածի առանցքում

• Հունգարացի երեխաների թիվն ավելացնելու նպատակով երկրի վարչապետ Վիկտոր Օրբանը հայտարարել է հարկային ու վարկային արտոնությունների մասին: Ծայրահեղ աջ ազգայնական Օրբանը հայտարարել է, որ երկիրը ոչ թե միգրանտների երեխաների կարիքն ունի այլ՝ հունգարացիների: Այդ հայտարարության պատճառով շվեդ նախարար Աննիկա Շթրանդհոլն այս որոշումը համեմատել է 1930-ականների Գերմանիայի վարած քաղաքականության հետ:

Ուշադրությանն արժանի

• Օջալանի կոչից հետո Թուրքիայի բանտերում քրդերը դադարեցնում են հացադուլը
• Սառա Սանդերս. Ռուսաստանի մասին հետաքննությունը ավարտված է, «դեմոկրատների համար ժամանակն է առաջ անցնել»
• Բարբրթոնցին առաջադրվել է ՀՀ-ում ԱՄՆ դեսպան

 

Ծնելիության աճը խթանելու Հունգարիայի ձգտումը նացիստական Գերմանիայի հետ համեմատելու պատճառով՝ Շվեդիայի ու Հունգարիայի միջև դիվանագիտական սկանդալը սրվում է:

Հունգարացի երեխաների թիվն ավելացնելու նպատակով երկրի վարչապետ Վիկտոր Օրբանը հայտարարել է հարկային ու վարկային արտոնությունների մասին:

Ծայրահեղ աջ ազգայնական Օրբանը հայտարարել է, որ երկիրը ոչ թե միգրանտների երեխաների կարիքն ունի այլ՝ հունգարացիների:

Այդ հայտարարության պատճառով շվեդ նախարար Աննիկա Շթրանդհոլն այս որոշումը համեմատել է 1930-ականների Գերմանիայի վարած քաղաքականության հետ:

«Այն, ինչ կատարվում է Հունգարիայում, մտահոգիչ է: Օրբանը հիմա ցանկանում է, որ ավելի շատ «մաքուր» հունգարացի երեխա ծնվի»,- թվիթ է արել Շվեդիայի սոցիալական հարցերով նախարարը:

Շվեդիան ու Հունգարիան փոխանակվել են միմյանց դեսպանների հետ բացատրական զրույցներով:

Դա տեղի ունեցավ այն բանից հետո, երբ Հունգարիայի փոխվարչապետ Զլոտ Սեմյենը հայտարարեց, որ Շթրանդհոլի դիտողությունները քաղաքական կոռեկտության սահմաններիս դուրս են:

Շվեդիայի արտաքին գերատեսչությունն էլ կոչ է արել զերծ մնալ անձնական վիրավորանքներից:

Շվեդիայի դեսպանի հետ զրույցի ժամանակ Բուդապեշտն անընդունելի է համարել Հունգարիայի կառավարությանը հասցեագրված նացիզմի մեղադրանքներն այն դեպքում, երբ կառավարությունը փորձում է օգնել հունգարացի ընտանիքներին:

Ծնելիության ցուցանիշը Հունգարիայում մեկ կնոջ համար 2016թ.-ի տվյալով 1.5 էր, ավելի քան 20 տարվա կտրվածքով սա ամենաբարձր ցուցանիշն է: Այդուհանդերձ, ցուցանիշն առայժմ ԵՄ միջին 1.6 ցուցանիշից ցածր է:

Ծնելիության ցուցանիշը Շվեդիայում 2016թ.-ի դրությամբ 1.85 էր, որն, ի դեպ, վերջին տասը տարում գրանցած ամենացածր ցուցանիշն էր:

Հոդվածի բնօրինակն՝ այստեղ