Ամռանը Արսենալը կփորձի ձեռք բերել Դորթմունդի Բորուսիայի կազմում խաղացող Հենրիխ Մխիթարյանին

Հոդվածի առանցքում

• Metro լրատվականի փոխանցմամբ, անգլիական Պրեմիեր Լիգայի առաջատարներից Արսենալը` ամռանը պատրաստվում է Դորթմունդի Բորուսիային` կիսապաշտպան Հենրիխ Մխիթարյանի տեղափոխության առաջարկ անել:
• Թեև վերջին շաբաթների ընթացքում անցկացրած 6 անպարտելի հանդիպումները ամրապնդել են դորթմունդցիների դիրքերը, այնուամենայնիվ վերջիններս կարող են չապահովել իրենց տեղը հաջորդ տարվա Չեմպիոնների Լիգայի խաղարկությունում:
• Ֆրանսիացին բարձր է գնահատում կիսապաշտպանի տաղանդը և մի քանի անգամ սկաուտներ է ուղարկել Մխիթարյանի խաղը ուսումնասիրելու համար ու պատրաստվում է առաջարկ անել վերջինիս:

Ուշադրությանն արժանի

• Կարո՞ղ է Յուվենտուսը հույսեր ունենալ Մխիթարյանին ձեռք բերելու համար
• Դորտմունդի Բորուսիայի կիսապաշտպան Հենրիխ Մխիթարյանը կոնքի վնասվածքի պատճառով 6 շաբաթով դուրս է մնացել շարքից
• Կրիշտիանո Ռոնալդուն Հայաստանի դեմ խաղից առաջ մարզվել է հավաքականի հետ

Metro  լրատվականի փոխանցմամբ, անգլիական Պրեմիեր Լիգայի առաջատարներից Արսենալը` ամռանը պատրաստվում է Դորթմունդի Բորուսիային` կիսապաշտպան Հենրիխ Մխիթարյանի տեղափոխության առաջարկ անել:

Հայաստանի ազգային հավաքականի ֆուտբոլիստը Բունդեսլիգա տեղափոխվեց Դոնեցկի Շախտյորից 2013 թվականին և նրանով հետաքրքրված էին եվրոպական մի շարք ակումբներ, այդ թվում նաև Տոտենհեմը և Լիվերպուլը:

Թեև կիսապաշտպանի գործակալը հայտարարել է, որ Մխիթարյանը երջանիկ է Սիգնալ Իդունա Պարկում, վերջինիս հավատարմությունը Յուրգեն Կլոպի թիմին կարող է փորձությունների ենթարկվել: Թեև վերջին շաբաթների ընթացքում անցկացրած 6 անպարտելի հանդիպումները ամրապնդել են դորթմունդցիների դիրքերը, այնուամենայնիվ վերջիններս կարող են չապահովել իրենց տեղը հաջորդ տարվա Չեմպիոնների Լիգայի խաղարկությունում:

Եթե թիմը չապահովեց իր տեղը աշխարհի ամենահեղինակավոր ակումբային մրցաշարում՝ հարձակողական ոճի կիսապաշտպանը ստիպված կլինի դիտարկել ստացված առաջարկները:

Միևնույն ժամանակ Արսեն Վենգերի գլխավորությամբ լոնդոնցիները վերջերս ամրապնդվեցին Պրեմիեր Լիգայի մրցաշարային աղյուսակի 3-րդ տեղում՝ վստահ հաղթանակ տոնելով Վեսթ Հեմ Յունայթեդի նկատմամբ և այժմ Չեմպիոնների Լիգայի ուղեգիր ձեռք բերելու ճանապարհին են:

Ֆրանսիացին բարձր է գնահատում կիսապաշտպանի տաղանդը և մի քանի անգամ սկաուտներ է ուղարկել Մխիթարյանի խաղը ուսումնասիրելու համար ու պատրաստվում է առաջարկ անել վերջինիս, որի տրանսֆերային գինը ներկայումս՝ մոտ 17 միլիոն դոլար է:

Դեռևս պարզ չէ՝ արդյո՞ք Մխիթարյանը կարող է հաստատվել զինագործների կազմում: Եթե նույնիսկ Վենգերն իր մրցակիցներին զիջի իր կիսապաշտպաններից որևէ մեկին, Մխիթարյանը միևնույն է պետք է լուրջ աշխատանք կատարի՝ պահեստայինների նստարանին չհայտնվելու համար:

Հոդվածի բնօրինակն՝ այստեղ