Բեռլինում Գերմանիայի կանցլեր Մերկելը կրկին «ցնցվել» է

Հոդվածի առանցքում

• Գերմանիայի կանցլեր Անգելա Մերկելը հինգշաբթի օրը Բեռլինում տեղի ունեցած միջոցառման ժամանակ անսպասելի սկսել է ցնցվել, որը երկրորդ նմանատիպ միջադեպն է վերջին շաբաթների ընթացքում: Այն տեղի է ունեցել Բեռլինի արդարադատության նախարար Կատարինա Բարլիի հրաժեշտի արարողության ժամանակ:

Ուշադրությանն արժանի

• Fake news. Ինչպես այն թարգմանել ռուսերեն
• Վատիկանի արխիվները լույս սփռեցին Հայոց Ցեղասպանության ողբերգության վրա
• Բաքուն և Թբիլիսին վերահաստատում են իրենց ռազմավարական գործընկերությունը Վրաստանի նոր նախագահի ընտրությունից հետո

 

Անգելա Մերկելի մոտ կրկին վատառողջ լինելու նշաններ են դիտարկվել հանրային միջոցառման ժամանակ, որը հաջորդել էր նախորդ դեպքին, որի պատճառը օդի բարձր ջերմաստիճանը և ջրազրկումն էր: Գերմանիան գտնվում է օդի բարձր ջերմաստիճանի գոտում, որն ամեն օր ավելի է բարձրանում:

Գերմանիայի կանցլեր Անգելա Մերկելը հինգշաբթի օրը Բեռլինում տեղի ունեցած միջոցառման ժամանակ անսպասելի սկսել է ցնցվել, որը երկրորդ նմանատիպ միջադեպն է վերջին շաբաթների ընթացքում:

Այն տեղի է ունեցել Բեռլինի արդարադատության նախարար Կատարինա Բարլիի հրաժեշտի արարողության ժամանակ: Միջոցառման տեսահոլովակում նկատելի է, որ Մերկելը վատառողջ է Գերմանիայի նախագահ Ֆրանկ-Վալտեր Շտեյնմեյերի կողքին կանգնած:

Նրան առաջարկեցին մի բաժակ ջուր, սակայն նա հրաժարվեց: Լրագրողները նաև ասել են, որ նրա տեսքն արդեն լավ էր, երբ նա ժամանեց Գերմանիայի խորհրդարան 30 րոպե անց:

Այնուհետև կանցլերը մասնակցել է Գերմանիայի նոր արդարադատության նախարար Քրիստին Լամբրեխտի երդման արարողությանը:

«Ամեն ինչ ընթանում է, ինչպես պլանավորված էր: Կանցլերը իրեն լավ է զգում», – ասել է կառավարության մամուլի քարտուղար Շտեֆեն Սայբերտը:

64-ամյա առաջնորդը լուրջ առողջական խնդիրներ չի ունեցել նախկինում և այժմ ուղևորվում է Ճապոնիայի Օսակա քաղաք G-20 գագաթաժողովին մասնակցելու համար:

Առողջական խնդիրներ ջերմաստիճանի բարձրացման պայմաններում

Անցյալ երեքշաբթի Մերկելի ամբողջ մարմինը սկսեց ցնցվել, երբ նա կանգնած էր Ուկրաինայի նախագահ Վոլոդիմիր Զելենկու կողքին, որը նրա առողջական վիճակի հետ կապված մտահոգությունների առիթ տվեց:

Հետագայում նա ասաց, որ մոռացել է տաք եղանակի պայմաններում բավականաչափ ջուր խմել, բայց երեք բաժակ խմելուց հետո իրեն լավ է զգացել:

Գերմանիան ներկայումս գտնվում է բարձր ջերմաստիճանի գոտում, և ամբողջ երկրով աննախադեպ ջերմաստիճան է հաստատվել՝ չնայած երեկ երեկոյան ջերմաստիճանը մի փոքր նվազել է Բեռլինում:

Նման միջադեպ տեղի ունեցավ 2017 թ. հունիսին Մեքսիկա կատարած այցի ժամանակ, որտեղ Մերկելի ոտքերը սկսեցին դողալ, երբ նրան դիմավորում էր ռազմական արարողակարգը, հավանաբար մասամբ Մեխիկոյի բարձր դիրքավորումից:

Ավելի ուշ հինգշաբթի Մերկելը կմեկնի Ճապոնիա `մասնակցելու G20 գագաթաժողովին, նախքան Բրյուսել գնալը, ուր նրան սպասում են լարված բանակցություններ Եվրահանձնաժողովի ապագա ղեկավարի հարցի շուրջ:

Ավելի քան 13 տարի աշխատելուց հետո կանցլեր Մերկելը հրաժեշտ կտա իր պաշտոնին, երբ նրա ժամկետը կհասնի ավարտին 2021 թվականին:

Հոդվածի բնօրինակն՝ այստեղ