Վրաստանը նոր վարչապետ ունի․ նա համարվում է «Մոսկվայի մարդը»

Հոդվածի առանցքում

• Վրացի օրենսդիրները հաջորդ վարչապետ են հաստատել երկրի ներքին գործերի նախկին նախարար Գեորգի Գախարիային: Նա հայտնի է որպես հակակառավարական ցույցերի մասնակիցների նկատմամբ բռնի գործողությունների կազմակերպիչ, իսկ նրանց մեծ մասը երիտասարդներ են:

Ուշադրությանն արժանի

• Ամերիկյան և թուրքական զորքերն առաջին համատեղ ցամաքային պարեկությունն են իրականացնում սիրիական «անվտանգության գոտում»
• Իրական պատճառը, թե ինչու Թրամփը չի հարձակվում ԱՄՆ վրա
• Տաջիկստան – Ղրղզստան. նախագահների պատմական հանդիպումը սահմանին

 

Վրացի օրենսդիրները հաջորդ վարչապետ են հաստատել երկրի ներքին գործերի նախկին նախարար Գեորգի Գախարիային: Նա հայտնի է որպես հակակառավարական ցույցերի մասնակիցների նկատմամբ բռնի գործողությունների կազմակերպիչ, իսկ նրանց մեծ մասը երիտասարդներ են:

Կիրակի Վրաստանի խորհրդարանը երկրի վարչապետի պաշտոնում հաստատեց  հակասական գործչին, ինչը բողոքի ցույցեր առաջացրեց մայրաքաղաք Թբիլիսիում:

Օրենսդիրները 98- 0 հարաբերությամբ  կողմ քվեարկեցին ՆԳ նախկին նախարար Գեորգի Գախարիային, ընդդիմությունը բոյկոտեց քվեարկությունը:

Գախարիան ընդունվում է որպես հունիսին վրացի հակակառավարական ցուցարարների դեմ բռնի գործողությունների գլխավոր ճարտարապետ:

Բողոքի ակցիաները սադրեց ռուս օրենսդիրը, որը վրացական խորհրդարանի խոսնակի նստատեղից խորհրդարանին դիմեց  իր մայրենի ռուսերենով:

Բայց Գախարիան փորձեց մերժել մեղադրանքները, որ ինքը «Մոսկվայի մարդն է» Թբիլիսիում,  ուշադրությունը սևեռելով Ռուսաստանի կողմից Վրաստանից անջատված շրջանների՝ Հարավային Օսիայի և Աբխազիայի բռնազավթման վրա:

«Մենք բոլորս համաձայն ենք, որ բռնազավթումը մեր երկրի ամենամեծ խնդիրն է, ամենամեծ մարտահրավերը, ամենամեծ չարիքը», – ասել է Գախարիան:

 «Վերջին խամաճիկը»

Ընդդիմադիր օրենսդիրների թիրախում է հայտնվել միլիարդատեր Բիձինա Իվանիշվիլիին, որը հիմնեց և ղեկավարում է իշխող «Վրացական երազանք» կուսակցությունը:

«Գախարիան կդառնա Իվանիշվիլիի վերջին խամաճիկը վարչապետի պաշտոնում», – Agence-France Presse լրատվական գործակալությանն է ասել ընդդիմադիր «Միասնական ազգային շարժում» կուսակցության առաջնորդ Նիկա Մելիան:

«Իվանիշվիլիի օլիգարխիկ իշխանությունը անհամատեղելի է ժողովրդավարության հետ և Վրաստանի ժողովրդավարական ու արևմտամետ կուսակցությունները կմիավորվեն հաջորդ տարի կայանալիք խորհրդարանական ընտրություններում նրան հաղթելու համար», – ասել է նա:

Մի քանի տասնյակ ցուցարարներ են հավաքվել խորհրդարանի շենքի մոտ՝ պահելով «Չենք հանձնվի» կարգախոսով պաստառները:

Հոդվածի բնօրինակն՝ այստեղ