Ֆրանսիացի մարմնավաճառները տուժում են Ստրոս-Կանի դատավարության ազդեցությունից

Հոդվածի առանցքում

• Դոմինիք Ստրոս-Կանի «խղճուկ» դատավարությունը «մտահոգություն է առաջացրել» սեքս-ծառայությունների ոլորտում: Այս մասին հայտարարել է Ֆրանսիայի սեքս-աշխատողների միության գլխավոր քարտուղարը և ֆեմինիստ մի ակտիվիստ` մեղադրելով այս գործի քրեականացման շրջանակում ներգաղթյալներին ձերբակալելու համար:
• Նախկին մարմնավաճառ և Ֆրանսիայի սեքս-աշխատողների Strass միության գլխավոր քարտուղար Մորգեյն Մերթուիլը հավատում է, որ դատավարությունը խնդիրներ կառաջացնի սեքս-ծառայությունների ոլորտի համար և այդ մասնագիտության նկատմամբ խեղված պատկերացման պատճառ կդառնա:
• Մերթուիլի խոսքով, դատավարությունը կարող է հանգեցնել սեքս-ծառայությունների ոլորտի քրեականացմանը, ինչը նրան մտահոգում է, քանի որ պաշտոնյաների գաղտնի նպատակն է մարմնավաճառությունը քրեականացնելու պատրվակով արտաքսել ավելի շատ ներգաղթյալների:
• Բիզնեսի բնույթն ինքնին ենթադրում է բռնություն և տղամարդու գերիշխանություն: Հաշվի առեք մարմնավաճառների վկայությունները, որոնք ներկայացնում են իրենց նկատմամբ կիրառված բռնությունների չափը:

Ուշադրությանն արժանի

• Հունաստանի ձախակողմյան նոր կառավարությունը հակասում է ԵՄ քաղաքականությանը
• Ինչպես պատասխանել Փարիզի ահաբեկչությանը
• Հունգարական Պուտինը. Մի՞թե Վիկտոր Օրբանը հետևում է Կրեմլի խաղի կանոններին

Դոմինիք Ստրոս-Կանի «խղճուկ» դատավարությունը «մտահոգություն է առաջացրել» սեքս-ծառայությունների ոլորտում: Այս մասին հայտարարել է Ֆրանսիայի սեքս-աշխատողների միության գլխավոր քարտուղարը և ֆեմինիստ մի ակտիվիստ` մեղադրելով այս գործի քրեականացման շրջանակում ներգաղթյալներին ձերբակալելու համար:

Ֆրանսիայի հյուսիսում` Լիլում ընթանում է դատավարության 3-րդ շաբաթը, սպասվում է, որ ուրբաթ հայտնի կլինի դատարանի եզրակացությունը:  ԱՄՀ նախկին ղեկավար Ստրոս-Կանը և ևս 13 մարդ մեղադրվում են մարմնավաճառությունը խթանելու և աջակցելու համար, մեղքն ապացուցվելու դեպքում նրանց սպառնում է մինչև 10 տարվա ազատազրկում և մինչև 1.5 միլիոն եվրոյի տուգանք:

Ստրոս-Կանի սեռական «դաժան» գործողությունների մասին նախկին մարմնավաճառների պատմությունները և իր սեփական հայտարարությունները «սովորականից ավելի կոպիտ» լինելու մասին գրավել են մամուլի ուշադրությունը և դատարանի շենքի մոտ «սեքստրեմիստ» ֆեմինիստների ցույցերի պատճառ դարձել:

Ամեն դեպքում, նախկին մարմնավաճառ և Ֆրանսիայի սեքս-աշխատողների Strass  միության գլխավոր քարտուղար Մորգեյն Մերթուիլը հավատում է, որ դատավարությունը խնդիրներ կառաջացնի սեքս-ծառայությունների ոլորտի համար և այդ մասնագիտության նկատմամբ խեղված պատկերացման պատճառ կդառնա:

«Կա մտահոգություն հետևյալ հարցի շուրջ. որն է հաճախորդի կողմից պայմանագրի պահպանումը խախտելու սահմանագիծը: Ստրոս-Կանը չի հարգել պայմանագիրը: Նա իրականացրել է սեքս-ծառայություններ մատուցողների մի քանի բռնաբարություն, որոնց պաշտպանող կազմակեպությունները ցանկանում են օգտագործել դա ցույց տալու համար, թե բոլոր մարմնավաճառները ենթարկվում են բռնության, ինչը սխալ է:

Մեդիայում և հանրության մեջ դա ստեղծում է տպավորություն, թե սեքս-ծառայությունները ինքնին բռնություն են, բայց ոչ բոլոր հաճախորդներն են գործում Ստրոս-Կանի պես»:Strass-ը հիմնադրվել է 2009-ին, կառույցի նպատակն է պաշտպանել մարմնավաճառներին ձերբակալությունների, թե բռնությունների դեպքում:

Կազմակերպությունը ֆինանսավորվում է կանանց իրավունքները պաշտպանող կառույցներից, գործակցում է առողջապահական բազմաթիվ կազմակերպությունների հետ և այս պահին արդեն պաշտոնապես ունի ավելի քան 500 անդամ:

Մերթուիլի խոսքով, դատավարությունը կարող է հանգեցնել սեքս-ծառայությունների ոլորտի քրեականացմանը, ինչը նրան մտահոգում է, քանի որ պաշտոնյաների գաղտնի նպատակն է մարմնավաճառությունը քրեականացնելու պատրվակով արտաքսել ավելի շատ ներգաղթյալների.

«Մենք գիտենք, որ քրեականացումը պետք է ոստիկանությանը, որը դրա միջոցով կկարողանա ձերբակալել սեքս-ծառայություններ մատուցող ներգաղթյալներին: Անօրինական ներգաղթյալները կարող են արտաքսվել, եթե նրանց ձերբակալեն սեքս-աշխատանքի համար, բայց նույն կերպ կարող են արտաքսվել նաև օրինական ներգաղթյալները, եթե չկարողանան ապացուցել, որ այդտեղ են գտնվում օրինական»:

Նրա խոսքով, սեքս-ծառայությունների քրեականացումը շատ կանանց կդարձնի ավելի խոցելի բռնության, Ստրոս Կանի նման մարդկանց և թրաֆիքինգի դեմ, քանի որ նրանք կունենան ավելի քիչ հաճախորդներ և, հետևաբար, ստիպված կլինեն ենթարկվել նրանց բոլոր պահանջներին:

Մերթուիլը նաև վիճարկում է 2014-ի փետրվարին Եվրախորհրդարանի դիտարկումը, թե մարմնավաճառությունը խաթարում է հավասարությունը տղամարդու և կնոջ միջև. «Աշխատելու ավելի քիչ հնարավորություն ունեցող կանանց գոյությունը  գենդերային հավասարության օգտին չի խոսում»:

Ամեն դեպքում, ֆեմինիստ Իննա Շևչենկոն վիճարկում է այս մոտեցումը` նշելով, որ սեքս-ծառայության բնույթն այնպիսին է, որ կողմերից մեկը գերիշխում է մյուսի հանդեպ. «2015-ին մենք պետք է մտածենք այն մասին, թե ինչպես կարելի է վերացնել մտածողությունը, թե սեռական հարաբերություններում մեկը գերիշխում է մյուսի նկատմամբ, կանայք էլ ապրանք են, որը կարելի է գնել և օգտագործել ըստ ցանկության»:

Նրա խոսքով, որոշ կանայք ընտրում են մարմնավաճառությամբ զբաղվելու ուղին, բայց նրանք փոքրամասնություն են: Շևչենկոն զգում է, որ Ստրոս-Կանի գործը «շրջադարձային է» և հնարավորություն է վերադառնալ սեքս-ծառայությունների ոլորտը քրեականացնելու քննարկումներին.

«Բիզնեսի բնույթն ինքնին ենթադրում է բռնություն և տղամարդու գերիշխանություն: Հաշվի առեք մարմնավաճառների վկայությունները, որոնք ներկայացնում են իրենց նկատմամբ կիրառված բռնությունների չափը: Նրանք նշում են, թե ինչու են անում դա:

Մարմնավաճառը ասում է, որ մասնակցել է սեռական էլիտար օրգիաների, նա պարտավոր էր դա անել, քանի որ նրան պետք է գումար գոյատևելու համար: Սա է սեքս-ծառայությունների ոլորտի փիլիսոփայությունը: Տղամարդը կավատ և հաճախորդ է, բիզնեսի լավագույն կողմը, որը գումար է աշխատում և զվարճանում»:

Շևչենկոն ընդգծում է, որ «ոչ ոք չի խոսում մարմնավաճառությունը քրեականացնելու մասին, պետք է թիրախավորել նրանց, ովքեր գալիս և գնում են մարմնավաճառներին: Մենք պետք է քրեականացնենք բռնություններ իրականացնողներին, ոչ թե դրանից տուժողներին»:

Հոդված բնօրինակն՝ այստեղ