Սաբոտաժ Օմանի  ծոցում. 4 նավթատար է հրդեհվել   

Հոդվածի առանցքում

• Դեպքը տեղի է ունեցել Ֆուջեյրայի նավահանգստի մոտ, Հորմուզի նեղուցից դուրս, զոհեր չեն եղել: Սաուդյան Արաբիան հաստատել է, որ սաուդական նավթային երկու տանկերներ զգալի վնաս են կրել: Դրանք գրանցված էին Նորվեգիայում:

Ուշադրությանն արժանի

• Եվս մեկ հանդիպում «օդային» Էնդիի և նրա բռնակալ ընկեր Ալիևի միջև
• Հունաստանի խորհրդարանը Բեռլինից պահանջում է փոխհատուցում Երկրորդ համաշխարհային պատերազմի համար
• Օսմանյան կայսրությունում քրիստոնյաների ցեղասպանության նոր պատմությունը նախազգուշացում է ապագայի համար

Չորս առևտրային նավեր դարձել են սաբոտաժային հարձակման թիրախ, հայտարարել է Արաբական Միացյալ Էմիրությունների ԱԳ նախարարությունը:

Դեպքը տեղի է ունեցել Ֆուջեյրայի նավահանգստի մոտ, Հորմուզի նեղուցից դուրս, զոհեր չեն եղել:

Սաուդյան Արաբիան հաստատել է, որ սաուդական նավթային երկու տանկերներ զգալի վնաս են կրել: Դրանք գրանցված էին Նորվեգիայում:

Իրանը, որը սահմանակից է հրդեհի տարածքին, կոչ է արել լիակատար քննություն իրականացնել:

Լարվածությունը տարածաշրջանում բարձր է, ընդ որում այս տարածաշրջանով է անցնում աշխարհում սպառվող նավթի մեկ հինգերորդ մասը:

Անցած ամիս Իրանը սպառնացել էր «փակել» Հորմուզի նեղուցը, եթե Թեհրանին արգելվի օգտվել ջրային այս ճանապարհից ամերիկյան պատժամիջոցներով, որոնց նպատակն իրանական նավթի արտահանումն արգելակելն է:

ԱՄՆ-ը վերջին օրերին մոտակայքում տեղակայել է ռազմանավեր՝ այդ քայլով հակազդելու Իրանի սպառնալիքներին:

ԱՄՆ պետքարտուղար Մայք Պոմպեոն երկուշաբթի չնախատեսված այց է կատարել Բրյուսել` եվրոպացի արտգործնախարարների հետ քննարկելու Իրանի հարցը:

Ենթադրյալ միջադեպի մասին հստակ մանրամասներ չեն հրապարակվել: Նշվում է, որ այն տեղի է ունեցել կիրակիի Երևանի ժամանակով 08:00-ին, ԱՄԷ-ի տարածքային ջրերում, Ֆուջեյրայի արևելքում:

ԱՄԷ ԱԳՆ-ն հայտարարել է, որ հետաքննում է միջադեպը: Նախարարությունը հերքել է Ֆուջեյրայի նավահանգստում հրեհի և պայթյունների մասին լուրերը:

Երկուշաբթի առավոտյան Saudi Press Agency-ն մեջբերել է երկրի էներգետիկայի նախարար Խալիդ Ալ-Ֆալիհի հայտարարությունը. «Երկու նավերից մեկը Ռաս-Թանուրայի նավահանգստից բեռնվել է Սաուդյան Արաբիայի նավթով և պետք է մեկներ ԱՄՆ»:

Նավթարդյունաբերության շուկայում BBC-ի աղբյուրները հայտնել են, որ հարձակման ենթարկված սաուդյան տանկերն են Ամջադը և Ալ Մարզաքահը:

Սաուդյան Արաբիան և ԱՄԷ-ն կատարվածի համար որևէ խմբավորում կամ երկիր չեն մեղադրում:

Այնուամենայնիվ նշվում է, որ հարձակման նպատակն է «վնասել նավատորմի նավարկության ազատությանը և ամբողջ աշխարհում սպառողների համար նավթի մատակարարման անվտանգությանը»:

«Միջազգային հանրությունը պատասխանատվություն է կրում նավագնացության և նավթատարների անվտանգությունն ապահովելու համար», – ավելացրել է Սաուդյան Արաբիայի Էներգետիկայի նախարարը:

Իրանի ԱԳՆ մամուլի քարտուղար Աբբաս Մուսավին հայտարարել է, որ «նման դեպքերը բացասաբար են անդրադառնում ծովային փոխադրումների անվտանգության վրա»: Նա խնդրել է տարածաշրջանիերկրներին «զգոն լինել օտարերկրյա գործակալների ապակայունացնող ծրագրերի նկատմամբ»: Միջադեպից հետո երկուշաբթի առավոտյան նավթի գներն աճել են:

Հոդվածի բնօրինակն՝ այստեղ