Չորս զոհ Տաջիկստան-Ղրղզստան սահմանային բախման հետևանքով

Հոդվածի առանցքում

• Առնվազն չորս մարդ է զոհվել սեպտեմբերի 16-ին Ղրղզստանի և Տաջիկստանի սահմանին տեղի ունեցած բախումների արդյունքում `վիճահարույց սահմանի երկայնքով համայնքների միջև լարվածության ևս մեկ բռնկման արդյունքում: Տաջիկստանում պաշտոնյաները «Ասիա-պլյուս» թերթին հայտնել են, որ հրաձգության արդյունքում սպանվել են տաջիկ երեք սահմանապահներ:

Ուշադրությանն արժանի

• Մերկելի հանդուրժողական Եվրոպայի տեսլականը
• Բորիս Նեմցով. Հազարավոր մարդիկ դուրս էին եկել երթի ընդդեմ Վլադիմիր Պուտինին և ի հիշատակ ռուսական ընդդիմության առաջնորդի
• Ադրբեջանցի լրագրողը հայտնվել է դատարանում ընտրակեղծիք բացահայտելուց հետո

 

Երկու կողմերն էլ միմյանց մեղադրում են անկարգություններ հրահրելու մեջ

Առնվազն չորս մարդ է զոհվել սեպտեմբերի 16-ին Ղրղզստանի և Տաջիկստանի սահմանին տեղի ունեցած բախումների արդյունքում `վիճահարույց սահմանի երկայնքով համայնքների միջև լարվածության ևս մեկ բռնկման արդյունքում:

Տաջիկստանում պաշտոնյաները «Ասիա-պլյուս» թերթին հայտնել են, որ հրաձգության արդյունքում սպանվել են տաջիկ երեք սահմանապահներ: Ղրղզստանի սահմանային ծառայությունից հայտնում են, որ սպանվել է նաև նրանց մարդկանցից մեկը ՝ 40-ամյա Ռավշան Մումինովը: Ասում են, որ ավելի քան տասնյակ մարդիկ վիրավորվել են անկարգությունների հետևանքով:

Երկու կողմերն էլ միմյանց մեղադրում են բռնություն հրահրելու մեջ:

Ղրղզստանի սահմանային ծառայությունից հայտնում են, որ խնդիրը ծագել է այն ժամանակ, երբ Տաջիկստանի Բոբոջոն Գաֆուրովի շրջանի բնակիչները, որոնք գտնվում են այդ երկրի հյուսիսային շրջանում, սկսեցին շինարարական աշխատանքներ իրականացնել սահմանի չկարգավորված հատվածում: Մոտակա Ղրղզստանի բնակիչները այնուհետև սկսեցին ցանկապատ կառուցել, որն էլ հանգեցրեց երկու խմբերի միջև առճակատման սահմանային ուժերի ներգրավմամբ:

«Ժամը 19: 30-ի սահմաններում տաջիկ զինվորները սկսեցին ագրեսիվ պահանջել, որ Ղրղզստանի քաղաքացիները դադարեցնեն շինարարությունը: Տեղի ունեցավ վիճաբանույուն, որը վերածվեց կրակահերթի », – հայտնում է Ղրղզստանի սահմանային ծառայությունը:

Մինչդեռ Տաջիկստանի կառավարությունը մեղադրում է Ղրղզստանին «իրավիճակը արհեստականորեն սրելու մեջ» և ասում, որ Բիշքեկը ավելի քան 250 մարդ է ուղարկել հակամարտության գոտի: Դուշանբեն ասում է, որ այդ ուժերը այնուհետև սկսել են կրակ արձակել Տաջիկստանի Բահոր գյուղի ուղղությամբ:

Երկու կողմերի իշխանությունները հայտնել են, որ իրավիճակը կայունացել է սեպտեմբերի 17-ին: Երկու երկրների արտգործնախարարները բանակցություններ են վարում, և Ղրղզստանի վարչապետ Մուհամմեթկալի Աբգուլազիևը այցելել է տարածաշրջան:

Ղրղզստանի և Տաջիկստանի սահմանը նախկին ԽՍՀՄ փլուզումից ի վեր անընդհատ նման իրավիճակում է հայտնվում: Երկրները կիսում են 971 կմ սահման, որից 451 կմ-ը պատշաճ կերպով սահմանազատված չէ:

Միայն այս տարի գրանցվել է բռնության առնվազն 6 դեպք, որը, սովորաբար, բխում է տեղի բնակիչների շրջանում տարաձայնություններից, թե ինչպես պետք է կիսել տարածքն ու ռեսուրսները:

Հոդվածի բնօրինակն՝ այստեղ