Facebook-ի դեմ հայց է ներկայացվել օգտատերերի հաղորդագրությունները սկանավորելու համար

Հոդվածի առանցքում

• Facebook Inc-ի դեմ խմբային հայց է ներկայացվել, որտեղ սոցցանցը մեղադրվում է իր օգտատերերի անձնական գաղտնիությունը խախտելու մեջ:
• Դատավորը նշել է, Facebook-ը «չի ներկայացրել բավարար բացատրություն, թե ինչպես է վիճարկվող պրակտիկան օգտագործվում սովորական գործունեության շրջանակներում»:
• Facebook-ը 2012-ի հոկտեմբերին դադարեցրել է այդ պրակտիկան: Սակայն ընկերությունը հայտարարել է, որ շարունակում է հաղորդագրությունների վերլուծությունները վիրուսներից ու սպամերից պաշտպանվելու համար:

Ուշադրությանն արժանի

• Ռուսաստանը դժգոհում է ընտրությունների շրջանում Facebook-ի և Google-ի գովազդներից
• Հայաստանում բացվել է առաջին մեծամասշտաբ կրիպտո մայնինգ ֆերման
• Չեչնիայի առաջնորդը դատապարտում է iPhone-ը

Facebook Inc-ի դեմ խմբային հայց է ներկայացվել, որտեղ սոցցանցը մեղադրվում է իր օգտատերերի անձնական գաղտնիությունը խախտելու, նրանց հաղորդագրությունների բովանդակությունը սկանավորելու և գովազդային նպատակներով օգտագործելու համար,որոշել է ԱՄՆ դատավորը:

Երեքշաբթի ԱՄՆ Կալիֆորնիա նահանգի Օքլանդի շրջանային դատավոր Ֆիլիպ Համիլթոնը մերժել է սոցիալական մեդիա ընկերության նկատմամբ նահանգի ներկայացրած մի քանի հայցերը, սակայն հրաժարվել է փակել Facebook-ի դեմ օգտատերերի ներկայացրած հայցը:

Facebook-ը պնդում է, որ իր օգտատերերի հաղորդագրությունների ենթադրյալ սկանավորումը լուսաբանվել է բացառությամբ դաշնային էլեկտրոնային Գաղտնիության Ակտի շրջանակներում, որը մատակարարող ծառայություններին թույլ է տալիս գաղտնալսումներ կատարել սովորական գործունեության ընթացքում:

Համիլթոնը, սակայն, նշել է, Facebook-ը «չի ներկայացրել բավարար բացատրություն, թե ինչպես է վիճարկվող պրակտիկան օգտագործվում սովորական գործունեության շրջանակներում»: Ոչ Facebook-ը, ոչ էլ հայցվորների փաստաբանը չեն արձագանքել հարցապնդմանը:

2013-ին ներկայացված հայցը պնդում էր, որ Facebook-ը սկանավորել է մասնավոր հաղորդագրությունների բովանդակությունը, որոնք օգտատերերն ուղարկել են վեբ կայքեր, ապա հաշվել են «հավանում եմ» էջերում արված հղումները:

Այդ «հավանում եմ» հղումները հետո օգտագործվել են օգտատիրոջ կերպարը ձևավորելու համար: Դա էլ իր հերթին օգտագործվել է նպատակային գովազդների համար, ասվում է հայցում: Բողոքում նշվում է նաև, որ մասնավոր հաղորդագրությունների սկանավորումը  խախտում է դաշնային և Կալիֆորնիայի նահանգի օրենքը:

Ըստ երեքշաբթի կայացրած որոշման` Facebook-ը 2012-ի հոկտեմբերին դադարեցրել է այդ պրակտիկան: Սակայն ընկերությունը հայտարարել է, որ շարունակում է հաղորդագրությունների վերլուծությունները վիրուսներից ու սպամերից  պաշտպանվելու համար:

Հայցը ներկայացրել էր Facebook-ի օգտատեր Մեթյու Քամբելը, որը ձգտում է ամերիկյան օգտատերերի անունից գործին տալ  խմբային գործողությունների կարգավիճակ:

Հոդվածի բնօրինակն՝ այստեղ