Եվրոպայում գործազրկության գործակիցը հասել է պատմական ամենացածր մակարդակի

Հոդվածի առանցքում

• Եվրամիության վիճակագրական Eurostat գրասենյակը հայտնել է, որ ԵՄ-ում գրանցվել է գործազրկության ամենացածր ցուցանիշը 2000 թվականից հետո: Հունիսին ԵՄ գործազրկության մակարդակը իջել է մինչև 6.3% -ի, ինչը  դաշինքում «գրանցված ամենացածր ցուցանիշն» է:

Ուշադրությանն արժանի

• Բրեքսիթը Եվրամիություն մտնելու Վրաստանի հնարավորությունն է
• Հունաստանի կառավարությունը բարձրացնում է հարկերն ու սակագները վերջիններիս անարդյունավետության պատճառով
• ԱԶԲ-ն հաստատել է Վրաստանի հյուսիս-հարավ ճանապարհային միջանցքի բարելավման համար նախատեսված 415 միլիոն դոլարի վարկը

Գործազրկության գործակիցը Եվրամիությունում և եվրագոտում նվազել է` հասնելով ամենացածր մակարդակի: Սակայն տնտեսական աճը և գնաճի ցուցանիշները ցույց տվեցին, որ եվրոպական տնտեսությունները դանդաղում են, ինչպես որ արագանում է ԱՄՆ-Չինաստան առևտրային պատերազմը:

Չորեքշաբթի Եվրամիության վիճակագրական Eurostat գրասենյակը հայտնել է, որ ԵՄ-ում գրանցվել է գործազրկության ամենացածր ցուցանիշը 2000 թվականից հետո:

Հունիսին ԵՄ գործազրկության մակարդակը իջել է մինչև 6.3% -ի, ինչը  դաշինքում «գրանցված ամենացածր ցուցանիշն» է:

Եվրագոտում էլ, որը բաղկացած է եվրոյի դրամական միության 19 անդամ պետություններից, ընկել է մինչև 7,5%-ի: Եվրոստատը այն համարել է «եվրագոտում գրանցված ամենացածր ցուցանիշը»՝ 2008-ի ֆինանսական ճգնաժամից հետո:

Այնուամենայնիվ, թվերը ցույց են տալիս նաև դանդաղ տնտեսական աճ ողջ դաշինքում: ԵՄ-ն և Եվրագոտին 2019-ի երկրորդ եռամսյակի ընթացքում աճել են 0.2% -ով: Հունիսին գնաճը նվազել է, 1.3% -ից  հուլիսին հասնելով 1.1% -ի:

«Տնտեսական թուլություն»

Լոնդոնում գործող Capital Economyics խորհրդատվության ընկերության մի տնտեսագետ ասել է, որ տվյալները, հավանաբար, մեծ դեր կխաղան ECB-ի որոշման հարցում, որը վերաբերում է «խթանման միջոցների» մասին հայտարարությանը:

«Տնտեսական թուլությունը նախկինում կենտրոնացած էր Գերմանիայում և Իտալիայում, սակայն այսօր ձեռքի տակ ունեցած ազգային տվյալները ցույց են տալիս, որ Q2- ի դանդաղումը ընդհանուր է», – Agence France-Presse լրատվական գործակալությանն ասաց Ջեք Ալեն Ռեյնոլդը:

ԱՄՆ-Չինաստան առևտրային պատերազմը ֆինանսական ցնցումներ է առաջացրել համաշխարհային տնտեսության մեջ, իսկ Արժույթի միջազգային հիմնադրամը (ԱՄՀ) այս ամսվա սկզբին նվազեցրել է իր կանխատեսումները:

«Հնարավոր գործոնները» կարող են հետագայում խոցել համաշխարհային տնտեսությունը, ներառյալ առանց գործարքի Brexit- ը և սակագները եվրոպական ավտոմոբիլների վրա, հայտարարել է ԱՄՀ-ն:

Հոդվածի բնօրինակն՝ այստեղ