Եվրոպական խորհրդարանը նոր նախագահ է ընտրել իտալացի Դավիթ-Մարիա Սասոլիին

Եվրոպական խորհրդարանը նոր նախագահ է ընտրել իտալացի Դավիթ-Մարիա Սասոլիին

Հոդվածի առանցքում

  • Եվրոպական խորհրդարանի նոր նախագահ ընտրվեց Դավիթ-Մարիա Սասոլին, որը կենտրոնամետ ձախակողմյան իտալացի օրենսդիր է: Քվեարկությունը տեղի է ունեցել այն բանից հետո, երբ Եվրամիության բարձր պաշտոնների շուրջ լարվածություն էր առաջացել: Չորեքշաբթի Եվրախորհրդարանը լրացրեց ԵՄ-ի բարձրագույն պաշտոնը, երբ օրենսդիրներն ընտրեցին իտալացի Դավիթ-Մարիա Սասոլիին նախագահի պաշտոնում:

Ուշադրությանն արժանի

 

Եվրոպական խորհրդարանի նոր նախագահ ընտրվեց Դավիթ-Մարիա Սասոլին, որը կենտրոնամետ ձախակողմյան իտալացի օրենսդիր է: Քվեարկությունը տեղի է ունեցել այն բանից հետո, երբ Եվրամիության բարձր պաշտոնների շուրջ լարվածություն էր առաջացել:

Չորեքշաբթի Եվրախորհրդարանը լրացրեց ԵՄ-ի բարձրագույն պաշտոնը, երբ օրենսդիրներն ընտրեցին իտալացի Դավիթ-Մարիա Սասոլիին նախագահի պաշտոնում:

Սասոլին, որը կենտրոնամետ ձախակողմյան սոցիալիստների և դեմոկրատների դաշինքի (S & D) օրենսդիր է, ապահովել է բացարձակ մեծամասնություն` քվեարկության երկրորդ փուլում ստանալով 345 ձայն:

Չեխիայի օրենսդիր գործիչ Յան Զահրադիլը, եվրոսկեպտիկների Եվրոպական պահպանողականներ և ռեֆորմիստներ խոշորագույն դաշինքից երկրորդն էր, որին հաջորդում էր Գերմանիայի կանաչների թեկնածու Սկա Քելլերին և Իսպանիայի ներկայացուցիչ Սիրա Ռեգոն:

Նորընտիր պատգամավորները, ովքեր երեքշաբթի երեկոյան իրենց անդրանիկ նիստը գումարեցին, քվեարկել են գաղտնի քվեարկությամբ `ընտրելով նոր նախագահին երկու և կես տարվա ժամկետով:

Ընտրությունը տեղի ունեցավ Եվրամիության 28 երկրների առաջնորդների դժվարին համաձայնության պայմաններում, ըստ որի Գերմանիայի պաշտպանության նախարար Ուրսուլա վոն դեր Լեեն առաջադրվել է որպես Եվրահանձնաժողովի նախագահ՝ չնայած նրան, որ նա առաջնային թեկնածուն չէր դաշինքում:

Եվրամիության առաջադրման թեկնածուների շուրջ բախումներ

Եվրամիության շատ օրենսդիրներներ քննադատել են առաջնորդների թեկնածուներին, սակայն չորեքշաբթի ի վերջո քվեարկության ընթացքում աջակցել նրանց առաջադրվածներին:

Եվրախորհրդի նախագահ Դոնալդ Տուսկը ավելի վաղ խորհուրդ տվեց, որ խորհրդարանը ընտրի կենտրոնամետ ձախակողմյան թեկնածուի S&D դաշինքից առաջին երկուսուկես տարվա համար, իսկ երկրորդ ժամկետի համար՝ կենտրոնամետ աջակողմյան թեկնածուի՝ Եվրոպայի Ժողովրդական Կուսակցությունից:

ԵԺԿ-ն ներկայումս խորհրդարանում ամենաշատ տեղ ունեցող ուժն է, որին հաջորդում է S & D- ը, սակայն երկու կողմերն էլ կորցրել են որոշ աջակցություն մայիսին կայացած Եվրախորհրդարանի ընտրությունների ընթացքում:

Իտալիայի ներկայացուցիչ Սասոլլիի թեկնածությունը առջևում էր, երբ S & D- ի պատգամավորը ստացավ նաև կենտրոնամետ աջակողմյան ԵԺԿ-ի, ինչպես նաև լիբերալների աջակցությունը:

Վան դեր Լեենը նախատեսում է մեկնել Ֆրանսիայի Ստրասբուրգ քաղաք, որտեղ նստում է Եվրախորհրդարանը՝ նիստին մասնակցելու համար, և, ամենայն հավանականությամբ, փորձելու է աջակցություն ստանալ ԵՄ գործադիր իշխանության ղեկավարի պաշտոնին իր թեկնածության համար:

Եվրախորհրդարանի ներկայացուցիչները վերջնական իրենց խոսքը կասեն նաև չորս պաշտոնների վերաբերյալ, քանի որ բոլոր թեկնածուները պետք է հաստատվեն Եվրախորհրդարանի կողմից: Այդ քվեարկությունը դեռևս չի նախատեսվել, սակայն ակնկալվում է, որ տեղի կունենա հուլիսի կեսերին:

Հոդվածի բնօրինակն՝ այստեղ

 

Write a comment