Հունգարիայի վարչապետը կոչ է արել ԵՄ-ին սահմանափակել ներգաղթը

Հոդվածի առանցքում

• Հունգարիայի վարչապետը կիրակի կոչ է արել Եվրամիությանը սահմանափակել ներգաղթը դաշինք, ասելով, որ որոշ մարդիկ չարաշահում են քաղաքական ապաստանի վերաբերյալ կազմակերպության կանոնները, քանի որ իրականում նրանց նպատակը աշխատանք գտնելն է:
• Անցյալ տարի Հունգարիայում ապաստան հայցող մարդկանց թիվը հասել է 43,000-ի, որը կրկնակի է 2013-ի համեմատ, հայտարարել է պարոն Օրբանը: Հունգարիայի ընդհանուր բնակչությունը կազմում է մոտ 10 միլիոն մարդ: Վարչապետը նաև նշել է, որ ներգաղթյալները, որոնց հաջողվել է փախչել դեպի ԵՄ-ի խորքը՝ արևմուտք, պետք է վերադարձնել այն պետություններ, որտեղից մտել են ԵՄ:
• Չեխիայի կառավարությունը երկուշաբթի կքննարկի օրենքների նախագծերը, որոնք պետությանն ավելի մեծ հնարավորություններ կտան պոտենցիալ ահաբեկիչների դեմ պայքարում: Նրանք մտադիր են նաև ավելացնել երկրի հետախուզական ծառայությունների ֆինանսավորումը:

Ուշադրությանն արժանի

• Հայաստան. Չուժոյ սրեդի սվոյիխ․ Օտարը յուրայինների մեջ
• Հայերի ցեղասպանությունը. Գերմանիան մեղավո՞ր է
• Հունգարիայի վարչապետն արգելել է գենդերային ուսումնասիրությունները համալսարաններում

Բուդապեշտ- Հունգարիայի վարչապետը կիրակի կոչ է արել Եվրամիությանը սահմանափակել ներգաղթը  դաշինք, ասելով, որ որոշ մարդիկ չարաշահում են քաղաքական ապաստանի վերաբերյալ կազմակերպության կանոնները, քանի որ իրականում նրանց նպատակը աշխատանք գտնելն է: Վիկտոր Օրբանը հայտարարել էր, թե ԵՄ-ի ապաստանի մասին օրենքները պետք է խստացնել: Իսկ Փարիզում Charlie Hebdo-ի վրա հարձակումներից հետո ասել է, որ ներգաղթը  Եվրոպա պետք է դադարեցնել:

«Սա  քրիստոնեական երկիր է … Մենք պետք է օգնենք նրանց, ում վտարել են  իրենց երկրներից, բայց մենք պետք է նաև հասկացնենք, որ չենք ուզում լինել վայր  ներգաղթյալների համար, որոնք գալիս են աշխատանք որոնելու նպատակով», – կիրակի ռադիո թոք-շոուի ժամանակ ասել է Հունգարիայի առաջնորդը:

Անցյալ տարի Հունգարիայում ապաստան հայցող մարդկանց թիվը հասել է 43,000-ի, որը կրկնակի է  2013-ի համեմատ, հայտարարել է պարոն Օրբանը: Հունգարիայի ընդհանուր բնակչությունը կազմում է մոտ 10 միլիոն մարդ: Վարչապետը նաև նշել է, որ  ներգաղթյալները, որոնց հաջողվել է փախչել դեպի ԵՄ-ի խորքը՝ արևմուտք, պետք է վերադարձնել այն պետություններ, որտեղից մտել են ԵՄ:

«Եթե Եվրոպան շարունակի  գլուխը թաղել ավազի մեջ, այդ միտումները չեն փոխվի: Այնպիսի տպավորություն է, որ Բրյուսելը մեզ չի պաշտպանի այս հարցում, հետևաբար ինքներս մեզ պետք է պաշտպանենք», – ասել է Օրբանը: Չեխիայում ուրբաթ, հարյուրավոր մարդիկ են մասնակցել ցույցերին՝ պահանջելով թույլ չտալ մահմեդականներին հիմնավորվել կենտրոնական Եվրոպայում:

Չեխիայի վարչապետ Բոհուսլավ  Սոբոտկան նշել է, որ երկիրը սկսել է ակտիվացնել հակաահաբեկչական պայքարը մոտ վեց ամիս առաջ և նախատեսում է ընդլայնել համագործակցությունը դաշնակիցների, օրինակ Թուրքիայի հետ, որը կրում է  փախստականների ճնշումների հիմնական ծանրությունը:

Չեխիայի կառավարությունը երկուշաբթի կքննարկի օրենքների նախագծերը, որոնք  պետությանն ավելի մեծ հնարավորություններ կտան պոտենցիալ ահաբեկիչների դեմ պայքարում: Նրանք մտադիր են նաև ավելացնել  երկրի հետախուզական ծառայությունների ֆինանսավորումը:

Չեխիայի ձախկենտրոնամետ  կառավարությունը առայժմ խուսափում է ապաստան տրամադրել  Մերձավոր Արևելքի փախստականներին, քանի որ մտահոգված է, որ նրանց մեջ կարող են պոտենցիալ ահաբեկիչներ լինել: Սակայն ԵՄ-ի ճնշմամբ համաձայնել  է ընդունել 70 սիրիացի փախստականների:

Հոդվածի բնօրինակն՝ այստեղ