Էրդողանը հայտարարել է, որ Թուրքիան ցանկանում է շարունակել Ռուսաստանի հետ ռազմատեխնիկական գործակցությունը

Հոդվածի առանցքում

• Մոսկվայում Ռուսաստանի նախագահի  հետ բանակցություններից հետ նախագահ Էրդողանը հայտարարել է, որ Թուրքիան ցանկանում է շարունակել Ռուսաստանի հետ համագործակցությունը ռազմատեխնիկական ոլորտում, ներառյալ՝ ռազմական ավիացիայի մասով:  Էրդողանն այս մասին հայտարարել է Ռուսաստանի մայրաքաղաքում կայացած օդային շոուին ներկա գտնվելուց հետո, որի ժամանակ Սուխոյ Սու-57 կործանիչները ներկայացել են դեմոնստրատիվ թռիչքներով, ինչից հետո Թուրքիայի նախագահը հարցեր է տվել դրանց մասին:   

Ուշադրությանն արժանի

• Բորիս Ջnնսոնն ունի Իրանի նկատմամբ ուղեգիծը փոխելու ոսկե հնարավորություն
• Մինչև ո՞ւր է տարածվել հայերի ցեղասպանությունը. նոր գիրքը հենց այդ հարցին է պատասխանում
• Թուրք քաղաքական գործիչը կոչ է անում արտաքսել հայ միգրանտներին

Մոսկվայում Ռուսաստանի նախագահի  հետ բանակցություններից հետ նախագահ Էրդողանը հայտարարել է, որ Թուրքիան ցանկանում է շարունակել Ռուսաստանի հետ համագործակցությունը ռազմատեխնիկական ոլորտում, ներառյալ՝ ռազմական ավիացիայի մասով: 

Էրդողանն այս մասին հայտարարել է Ռուսաստանի մայրաքաղաքում կայացած օդային շոուին ներկա գտնվելուց հետո, որի ժամանակ Սուխոյ Սու-57 կործանիչները ներկայացել են դեմոնստրատիվ թռիչքներով, ինչից հետո Թուրքիայի նախագահը հարցեր է տվել դրանց մասին:   

Կա ևս մեկ հանգամանք, որը կարող է ավելի բարդացնել ՆԱՏՕ-ի դաշնակիցներ Թուրքիայի և ԱՄՆ-ի հարաբերությունները: Թուրքիա է սկսել առաքվել ռուսական S-400 համակարգերի երկրորդ խմբաքանակը: 

Մենք անում ենք դրական քայլեր ռազմատեխնիկական ինդուստրիայի ոլորտում՝ հաստատելով S-400 համակարգերի երկրորդ խմբաքանակի առաքումը, ասել է Էրդողանը Պուտինի հետ մամուլի ասուլիսի ժամանակ: 

Ավելին, այսօր մեր հանդիպումների  ընթացքում մենք հնարավորություն ենք ունեցել քննարկել տարբեր ուղղություններով այլ քայլեր, որոնք կարող ենք անել այս ինդուստրիայում, – հավելել է նա: 

S-400 համակարգերի առաջին խմբաքանակի առաքումը Անկարա տեղի է ունեցել սեպտեմբերին՝ հակառակ պատժամիջոցների մասին ԱՄՆ զգուշացումներին: Վաշինգտոնի պնդմամբ ռուսական համակարգերը համատեղելի չեն ՆԱՏՕ-ի պաշտպանական համակարգերի  հետ: 

Վաշինգտոնն առայժմ սպառնալիքներից գործողությունների չի անցել, բայց անցած ամսվանից սկսել է Թուրքիային F-35 կործանիչների ծրագրից հեռացնելու գործընթացը: Թուրքիան ծրագրում էր գնել դրանք նույնպես: Վաշինգտոնի քայլին ի պատասխան Էրդողանն ասել է, որ Թուրքիան կործանիչներ կգնի այլ տեղից: 

Պուտինը հայտարարել է, որ Էրդողանի հետ քննարկել է ռուսական Su-35 կործանիչների հարցը, ինչպես նաև համատեղ աշխատանքը նոր Su-57-երի ծրագրում: 

Կարծում եմ, որ մեր թուրք գործընկերներին հետաքրքրում է ոչ միայն գնումը, այլև համատեղ արտադրանքը, ասել է Պուտինը Էրդողանի հետ ասուլիսի ժամանակ:

Հոդվածի բնօրինակն՝ այստեղ