Սիդնեյի վիրաբույժ Ռաֆֆի Քասաբյանի առաքելությունն է կյանքեր փրկել Հայաստանում

Սիդնեյի վիրաբույժ Ռաֆֆի Քասաբյանի առաքելությունն է կյանքեր փրկել Հայաստանում

Հոդվածի առանցքում

  • Վերջին տասը տարում բժիշկ Քասաբյանը տարին երկու անգամ այցելում է իր ծնողների հարազատ Հայաստան, որպեսզի կատարի կյանք փրկող էնդովասկուլյար վիրահատություններ, որոնք ներառում են վնասված արյան անոթների վերականգնում, ինչն էլ իր հերթին կանխում է սրտի կաթվածներն ու գանգրենաները:
  • Բժիշկ Քասաբյանը ծնվել է Ավստրալիայում հայկական ընտանիքում, մեծանալիս ներշնչվել է ընտանիքի մշակույթի ուժեղ զգացումով:
  • Վերջին 10 տարիների ընթացքում բժիշկ Քասաբյանը քննել է 2000 հիվանդի և վիրահատել 150-ի , ինչպես նաև սովորեցրել է հայ վիրաբույժ Էդուարդ Աղիյանին, որն օգնում է կլինիկան ղեկավարելու հարցում:
  • Ջանքերը, սակայն, արժեն այդ կորստին, որպես վիրաբույժ նա մեդալ է ստացել Հայաստանի նախագահ Սերժ Սարգսյանից երկրի բժշկության ոլորտում ներդրած իր ավանդի համար:
  • Բժիշկ Քասաբյանն ասել է, որ կանոնավոր ուղևորություններ կատարելով Հայաստան նա տարեկան կորցնում է մոտ 100,000 դոլարի աշխատավարձ:

Ուշադրությանն արժանի

10 տարի առաջ նախքան իր առաջին ուղևորությունը Հայաստան , Ռաֆֆի Քասաբյանը երբեք չէր պատկերացնում, որ  մարդկային կյանքեր փրկելն ու երիտասարդ վիրաբույժներ դաստիարակելն  այնքան դժվար կլինի:

Վերջին տասը տարում  բժիշկ Քասաբյանը տարին երկու անգամ այցելում է իր ծնողների հարազատ Հայաստան, որպեսզի կատարի կյանք փրկող էնդովասկուլյար վիրահատություններ, որոնք ներառում են վնասված արյան անոթների վերականգնում, ինչն էլ իր հերթին կանխում է սրտի կաթվածներն ու գանգրենաները:

Բժիշկ Քասաբյանը ծնվել է Ավստրալիայում հայկական ընտանիքում, մեծանալիս ներշնչվել է ընտանիքի մշակույթի ուժեղ զգացումով: «Երբ ես առաջին անգամ գնացի այնտեղ (2004-ին),  ինձ փայլուն զրահով ասպետ էի պատկերացնում, որը պատրաստվում է ներանոթային բուժում իրականացնել Հայաստանում», – ասել է նա:

Սակայն նրա վեհ նպատակներն արագ ցրվեցին, երբ ուսումնասիրեց, թե ինչ ծավալուն առաջադրանք է դրված իր առջև:

«Կա երկու տեսակի անոթային վիրաբուժություն,  բաց վիրահատություն, որտեղ մենք անում ենք մեծ, բաց կտրվածքներ և էնդովասկուլյար՝ ներանոթային վիրահատություն:», – ասել է նա: «Բայց ես ցնցված էի, որովհետև նրանք նույնիսկ բաց վիրաբուժության հմտություններ չունեին»: «Շատ արագ հասկացա, որ  այդ մարդիկ բաց անոթների վիրահատական մշտական ծառայության կարիք ունեն»:

Վերջին 10 տարիների ընթացքում բժիշկ Քասաբյանը քննել է  2000 հիվանդի և վիրահատել 150-ի , ինչպես նաև սովորեցրել է հայ  վիրաբույժ Էդուարդ Աղիյանին, որն օգնում է կլինիկան ղեկավարելու հարցում: «Էդուարդը երազում է դառնալ անոթային վիրաբույժ և բարելավել  անոթային վիրաբուժության վիճակը Հայաստանում», – ասել է նա:

«Էական տարբերություն կզգացվի այն ժամանակ,  երբ Էդուարդն ունենա իր վերապատրաստվողները»:

Բժիշկ Քասաբյանն ասել է, որ կանոնավոր ուղևորություններ կատարելով Հայաստան նա տարեկան կորցնում է մոտ  100,000 դոլարի աշխատավարձ: Ջանքերը, սակայն, արժեն այդ կորստին,  որպես վիրաբույժ նա մեդալ է ստացել Հայաստանի նախագահ Սերժ Սարգսյանից   երկրի բժշկության ոլորտում ներդրած իր ավանդի համար:

Բժիշկ Քասաբյանն ասել է, որ  հաճախակի ճամփորդությունները  Հայաստան օգնել են իրեն  ետ գնալ իր արմատները և կապ հաստատել  հայրենակիցների հետ: «Ես ստանում եմ ​​ բավարարվածության հսկայական զգացում», – ասել է նա:

Նրա երազանքն է հիմնել անոթային վիրաբուժության դպրոց և  բժիշկներին հրավիրել Ավստրալիա վերապատրաստման:

Հոդվածի բնօրինակն՝ այստեղ

Write a comment