Սիրիա ներխուժելու Թուրքիայի սպառնալիքը վտանգավոր է քրդերի համար

Հոդվածի առանցքում

• Պենտագոնը այս շաբաթ պատվիրակություն է ուղարկել Թուրքիա՝ բանակցությունների ևս մեկ փուլով՝ փորձելու Սիրիայում անվտանգ գոտի ստեղծել: Հայտարարության մեջ ասվում է, որ այդ անվտանգության գոտին «կդառնա խաղաղության միջանցք», ինչը թույլ կտա տեղահանված սիրիացիներին վերադառնալ իրենց երկիր:Անվտանգության գոտին, տեսականորեն, ծառայելու է որպես բուֆեր Թուրքիայի և քրդական ուժերի միջև:

Ուշադրությանն արժանի

• Թբիլիսիի Պատիվ շարժումը սպառնում է ԼԳԲՏ երթի անվտանգությանը
• Ռուսաստանցիների մեծամասնությունը կարծում է, որ Վլադիմիր Պուտինն ու այլ բարձրաստիճան պաշտոնյաներ թաքցնում են ճշմարտությունը իրենցից
• Անտեսելով ռուսական մտահոգությունը՝ Բոլթոնն ասում է, որ միջուկային զենքի պայմանագիրը փրկելու ոչ մի միջոց չկա

Սիրիայում քրդական ուժերին հարված հասցնելու Թուրքիայի սպառնալիքները շարունակվում են նույնիսկ երբ Պենտագոնի պաշտոնյաները հանդիպել են իրենց գործընկերների հետ Անկարայում՝ փորձելով խափանել ԻՊ-ի դեմ ամերիկյան ուժերով պայքարող քրդերին վնասող գործողությունները:

Երեքշաբթի օրը Թուրքիայի նախագահ Ռեջեփ Թայիփ Էրդողանը հեռուստատեսային ելույթով խոստանալով մոտ ժամանակներս ներխուժել Սիրիայի հյուսիս և ռազմական գործողություն սկսել քրդական ուժերի դեմ:

«Աստծո կամքով, մենք շուտով սկսված գործընթացը կտանք հաջորդ փուլ», – ասել է Էրդողանը: «Թուրքիան իրավունք ունի վերացնել իր ազգային անվտանգությանն ուղղված բոլոր սպառնալիքները»:

Նա մի ուղերձ էլ ավելացրեց Միացյալ Նահանգների համար. «Թուրքիան ԱՄՆ-ից ակնկալում է քայլեր, որոնք կհամապատասխանեն ՆԱՏՕ-ի դաշնակցի և ռազմավարական գործընկերոջ դիրքին»:

Պաշտպանության նախարար Մարկ Էսպերը պարբերաբար կապի մեջ է իր թուրք պաշտոնակից Հուլուսի Աքարի հետ այդ տարածքում Թուրքիայի անվտանգության շահերի մասով: Բայց նա նախազգուշացրեց ՆԱՏՕ-ի դաշնակիցին զերծ մնալ ցանկացած հարձակողական գործողությունից:

«Պարզ է, մենք հավատում ենք, որ նրանց կողմից միակողմանի գործողությունն անթույլատրելի կլիներ», – երեքշաբթի լրագրողներին ասաց Էսպերը՝ ճապոնիա մեկնելու ճանապարհին: «Եվ այն, ինչ մենք հիմա փորձում ենք անել, նրանց հետ մշակել ենք նրանց մտահոգությունները լուծելու պայմանավորվածություն»:

Պենտագոնը այս շաբաթ պատվիրակություն է ուղարկել Թուրքիա՝ բանակցությունների ևս մեկ փուլով՝ փորձելու Սիրիայում անվտանգ գոտի ստեղծել: Թուրքիայում ԱՄՆ դեսպանատունը հայտարարություն է տարածել չորեքշաբթի ավարտված բանակցությունների մասին, որում նշվում է, որ երկու կողմերը պայմանավորվել են «արագորեն իրականացնել նախնական միջոցառումները՝ ուղղված Թուրքիայի անվտանգության հիմնախնդիրները լուծելուն» և «միասին համակարգել և կառավարել անվտանգության գոտու ստեղծումը»: Հայտարարության մեջ ասվում է, որ այդ անվտանգության գոտին «կդառնա խաղաղության միջանցք», ինչը թույլ կտա տեղահանված սիրիացիներին վերադառնալ իրենց երկիր:

Անվտանգության գոտին, տեսականորեն, ծառայելու է որպես բուֆեր Թուրքիայի և քրդական ուժերի միջև:

Թուրքիան Սիրիայի քրդական ուժերին՝ YPG-ին համարում է Թուրքիայի քրդերի՝ PKK-ի թև, որն անջատողական խմբավորում է և ավելի քան երեք տասնամյակ շարունակ պայքարում է ապստամբությամբ:  YPG- ն ԱՄՆ-ի առանցքային գործընկերն էր ԻՊ-ի դեմ պայքարում, որոշ դեպքերում պատասխանատու է մարտերի մեծամասնության համար:

Թուրքական բանակը շաբաթներ շարունակ ավելացրել է իր ներկայությունը Սիրիայի հետ հարավային սահմանին և երկու միակողմանի հարձակողական գործողություններ է իրականացրել այդ երկրի տարածքում՝ «Իսլամական պետությանը» և YPG- ի դեմ:

Իրաքում և Սիրիայում ԻՊ-ի խալիֆայությունը ոչնչացվել է, բայց երեքշաբթի հրապարակված զեկույցում նշվում է, որ այս տարվա գարնանը և ամռանը ահաբեկչական խմբավորումը «համախմբվել է Իրաքում և հարություն է առել Սիրիայում»: Շատ փորձագետներ կարծում են, որ խմբավորումը վերակազմավորվում է:

Հոդվածի բնօրինակն՝ այստեղ