Չեխերը կարող են հրաժարվել Մոսկվա նախագահի այցը ֆինանսավորելուց

Հոդվածի առանցքում

• Չի բացառվում, որ Չեխիայի նախագահ Միլոշ Զեմանը ինքը ֆինանսավորի հաջորդ ամիս իր այցը Մոսկվա, եթե նա որոշի պաշտոնապես մասնակցել Ռուսաստանի մայիսի 9-ի զինվորական շքերթին, ասել է Չեխիայի Հանրապետության փոխվարչապետը:
• Չեխիայի վարչապետ Բոհուսլավ Սոբոտկան և արտաքին գործերի նախարար Լյուբոմիր Զաորալեկը մեկնաբանել են այդ տարաձայնությունը` այն անվանելով «ցավալի» և նշել, թե իրենք կնախընտրեին, որ նախագահ Զեմանը արտաքին քաղաքականության և դիվանագիտության ոլորտում «ավելի պրոֆեսիոնալ մոտեցում ցուցաբերի»:
• Կրեմլը հաստատել է այն ղեկավարների անունները, որոնք չեն այցելելու, ներառյալ Մեծ Բրիտանիայի վարչապետ Դեվիդ Քեմերոնը, Գերմանիայի կանցլեր Անգելա Մերկելը և Եվրոպական խորհրդի նախագահ Դոնալդ Տուսկը: Բուլղարիայի, Լեհաստանի, Լիտվայի, Լատվիայի, Էստոնիայի, Իսրայելի, Նորվեգիայի, Շվեդիայի, Ֆինլանդիայի, Սլովենիայի և Սլովակիայի ղեկավարները մերժել են միջոցառմանը մասնակցելու հրավերները:
• Ռուսաստանի արտաքին գործերի նախարար Սերգեյ Լավրովը հայտարարել է, որ համաշխարհային 26 առաջնորդներ ընդունել են հրավերը, այդ թվում Սլովակիայի, Հունաստանի և Կիպրոսի ղեկավարները, չնայած նրանց կառավարությոնները դա չեն հաստատել:

Ուշադրությանն արժանի

• Հայաստանում մեկնարկել է «Չինաստանի արտաքին քաղաքականությունը և տնտեսությունը 2019թ.» հատուկ դասընթացը
• Ինչու՞ է Դոնալդ Թրամփը ցանկանում գնել Գրենլանդիան
• ԵՄ-ն Իրանի կողմից Սաուդյան Արաբիայի հրթիռակոծման հարցում ԱՄՆ-ի կողքին է

Չի բացառվում, որ Չեխիայի նախագահ Միլոշ Զեմանը ինքը ֆինանսավորի հաջորդ ամիս իր այցը Մոսկվա, եթե նա որոշի պաշտոնապես մասնակցել Ռուսաստանի մայիսի 9-ի զինվորական շքերթին, ասել է Չեխիայի Հանրապետության փոխվարչապետը:

Զեմանը Եվրոպական միության միակ ղեկավարն է, որ ընդունել է երթին մասնակցելու հրավերը , երբ մյուսները բոյկոտել են Ռուսաստանին արևելյան Ուկրաինայի ապստամբներին աջակցելու համար: Այս հարցով Զեմանը բախվել է չեխ մի քանի հայտնի քաղաքական գործիչների, այդ թվում Պրահայում ԱՄՆ-ի դեսպանի հետ:

Շաբաթվա վերջին դեսպան Անդրյու Շապիրոն քննադատել է Զեմանին, երթին մասնակցելու նրա ծրագրերի համար: Ի պատասխան, Զեմանը հայտարարել է, որ նախագահական պալատի դռները «փակ» են ամերիկացի դիվանագետի համար:

Չեխիայի վարչապետ Բոհուսլավ Սոբոտկան և արտաքին գործերի նախարար Լյուբոմիր Զաորալեկը մեկնաբանել են այդ տարաձայնությունը` այն անվանելով «ցավալի» և նշել, թե իրենք կնախընտրեին, որ նախագահ Զեմանը արտաքին քաղաքականության և դիվանագիտության ոլորտում «ավելի պրոֆեսիոնալ մոտեցում ցուցաբերի»:

Զեմանի ներկայությունը Մոսկվայում կայանալիք արարողությանը, որը հիշատակելու է դաշնային ուժերի հաղթանակը նացիստների դեմ, վիճահարույց թեմա է Չեխիայում, չնայած որ նախագահը հիմնականում արարողակարգային դեր ունի:

Չեխիայի փոխվարչապետ Պավել Բելոբրադեկը չեխական լրատվական iDnes կայքին ասել է, որ իր կուսակցության նախարարները չեն աջակցելու Մոսկվա Զեմանի այցի ֆինանսավորմանը, եթե նախագահը որոշի մասնակցել շքերթին:

Սոբոտկան և Զաորալեկը Սոցիալ-դեմոկրատական ​​կուսակցության անդամներ են, Բելոբրադեկը առաջատարն է Քրիստոնեա-դեմոկրատական ​​միության և Չեխոսլովակիայի ժողովրդական կուսակցության ղեկավարն է, որոնք սոցիալ-դեմոկրատների հետ կոալիցիայում են: Կառավարության ևս երկու նախարարներ այդ կուսակցության անդամներ են  և Չեխիայի կառավարությունը քննարկելու է, թե արդյոք պետությունը պետք է ֆինանսավորի Զեմանի այցը:

Մայիսի 9-ին Զեմանի հնարավոր ներկայությունը Մոսկվա հրավիրված առաջնորդների հետ կապված տարաձայնություններից մեկն է: Մոսկվան հպարտությամբ է նշում, որ այցելելու է Հյուսիսային Կորեայի առաջնորդ Կիմ Չեն Ընը և դա լինելու է նրա  առաջին պաշտոնական պետական ​​ուղևորությունը:

Չնայած Մոսկվան հայտարարել է, որ հրավիրվել են Երկրորդ համաշխարհային պատերազմի ժամանակ Ռուսաստանի բոլոր դաշնակիցները և  առևտրային գործընկերները, Կրեմլը հաստատել է այն ղեկավարների անունները, որոնք չեն այցելելու, ներառյալ Մեծ Բրիտանիայի վարչապետ Դեվիդ Քեմերոնը, Գերմանիայի կանցլեր Անգելա Մերկելը և Եվրոպական խորհրդի նախագահ Դոնալդ Տուսկը: Բուլղարիայի, Լեհաստանի, Լիտվայի, Լատվիայի, Էստոնիայի, Իսրայելի, Նորվեգիայի, Շվեդիայի, Ֆինլանդիայի, Սլովենիայի և Սլովակիայի ղեկավարները մերժել են միջոցառմանը մասնակցելու հրավերները:

Ռուսաստանի արտաքին գործերի նախարար Սերգեյ Լավրովը հայտարարել է, որ համաշխարհային 26 առաջնորդներ ընդունել են հրավերը, այդ թվում Սլովակիայի, Հունաստանի և Կիպրոսի ղեկավարները, չնայած նրանց կառավարությոնները դա չեն հաստատել: Սերգեյ Լավրովն ավելի վաղ ասել էր, որ Նորվեգիայի վարչապետ Էռնա Սոլբերգն էլ է ընդունել հրավերը: Սակայն անցյալ ամիս Սոլբերգը հայտնել է, որ չի մասնակցելու տոնակատարությանը:

Մինչդեռ Սերբիան համաձայնել է իր զինվորներով աջակցել ռազմական շքերթին և երկրի նախագահ Տոմիսլավ Նիկոլիչը, ինչպես նաև Բոսնիա- Հերցեգովինայի Սերբական հանրապետության նախագահ Միլորադ Դոդիկը ներկա կլինեն միջոցառմանը:

Հոդվածի բնօրինակն՝ այստեղ