Մրցույթ. Ժամանակակից փորձարարական արվեստի հայկական կենտրոն

Հոդվածի առանցքում

• Ժամանակակից փորձարարական արվեստի հայկական կենտրոնի վերակառուցման համար հայտարարվել է միջազգային բաց մրցույթ: Մրցույթն ազատ է և առանց մասնակցության վճարի, այն կազմակերպել է UrbanLab հայկական վերլուծական կենտրոնը, որը մասնակիցներին առաջարկում է «համարձակ» լուծում տալ մշակութային կենտրոնի հիմնանորոգմանը:

Ուշադրությանն արժանի

• Արարատ-Էսքիջյան թանգարան. Հայկական սփյուռքի գանձ Լոս Անջելեսում
• Հայերի բողոքից հետո Ֆրեզնոն չեղարկել է թուրքական առևտրային պատվիրակության հետ միջոցառումը
• Հայաստանը պատրաստ է զարգացնել հարաբերություններն Իսրայելի հետ և Ադրբեջանը խոչընդոտ չէ

 

Ժամանակակից փորձարարական արվեստի հայկական կենտրոնի վերակառուցման համար հայտարարվել է միջազգային բաց մրցույթ:

Մրցույթն ազատ է և առանց մասնակցության վճարի, այն կազմակերպել է UrbanLab հայկական վերլուծական կենտրոնը, որը մասնակիցներին առաջարկում է «համարձակ» լուծում տալ մշակութային կենտրոնի հիմնանորոգմանը: Կենտրոնը գտնվում է Երևանի կենտրոնում, Բուզանդ 1/3 հասցեում՝ Հանրապետության Հրապարակի և ազգային պատկերասրահի տեսարանով:

Պողոսյան Հիմնադրամի աջակցությամբ իրականացվող փուլային նախագծի նպատակը 90-ական թվականներից ի վեր փորձարարական արվեստի համար նախատեսված կենտրոնի պատկերասրահի մասշտաբնը եռապատկելն է:

Նախատեսված է ստեղծել 200 տեղանոց նոր լսարան, մեդիա կենտրոն, սրճարան, գրախանութ, արվեստի գործերի վաճառասրահ, վարձույթի սրահ, կտրամադրվի նաև տարածք երեք հիմնական նկարիչների համար:

Համաձայն հակիրճ հաղորդագրության. «Վերակառուցման այս նախագիծը բազմափուլ ծրագիր է, որի նպատակը կենտրոնի զարգացումն է, ապագա աճի ապահովումն ու դրա վերակենդանացումը, ինչպես նաև անհրաժեշտ է ընդլայնման բազմաշերտ ծրագրով նպաստել գիտելիքների և գաղափարների ստեղծման նոր մշակույթի կայացմանն ու տեղական ստեղծարար արդյունաբերության զարգացմանը՝ հայկական սփյուռքի ներուժի ներգրավմամբ>:

Հանդիսանալով արվեստի հանրության, երիտասարդների, հասարակության, ստեղծարար և գործարար սեկտորի հանդիպման կենտրոն՝ վերբեռնված ՆՓԱԿ-ը պետք է կամուրջ դառնա նորարարական արվեստի, զանգվածային մշակույթի և ստեղծարար արդյունաբերության միջև:

Հիմնվելով կառավարման նոր մոդելի վրա՝ ՆՓԱԿ-ի գործունեության աշխուժացումը հնարավորություն կընձեռի ստեղծել Հայաստանում ամենամեծ ժամանակակից ցուցահանդեսային տարածքը, որը միևնույն ժամանակ կծառայի որպես մշակութային, ժամանցային և կրթական կարևոր հանգույց Երևանում: Վերակառուցման արդյունքում ՆՓԱԿ-ը կեռապատկի տարածքը՝ ստեղծելով նոր հարթակներ, ներգրավելով այցելուների ինչպես տեղական, այնպես էլ միջազգային մակարդակով։

Հրազդան գետի ափին տեղակայված Երևանը Հայաստանի խոշորագույն քաղաքն է և համարվում է հնագույն բնակավայրերից մեկն աշխարհում: Այն եղել է Ռուսական Կայսրության ու Խորհրդային Միության մասը մինչև 1991թ.-ի անկախացումը:

ՆՓԱԿ-ի ներկայիս շինությունը նախագծվել և մասամբ կառուցվել է 1980-ականներին՝ որպես նույն հասցեում գտնվող «Երևաննախագիծ» ինստիտուտի դահլիճային տարածք: Խորհրդային միության փլուզումից հետո T-աձև անավարտ շենքը հատկացվեց ՆՓԱԿ-ին:

Ինստիտուտը կազմակերպում է սեմինարներ, ցուցահանդեսներ, կոնֆերանսներ, երկիրը ներկայացնում է Վենետիկի արվեստի բիենալեյում: Այս նախագծի նպատակն է վերականգնել և ընդլայնել տարածքը `պահպանելով ճարտարապետական ժառանգությունը:

Անանուն դիմումները պետք է ներառեն ճարտարապետական առաջարկի ամփոփ նկարագիր, առավելագույնը 500 բառ: Յուրաքանչյուր դիմորդ պետք է կցի A4 չափի տեղեկատվական թերթիկ:

Մրցույթի ժյուրիի կազմում ինը մասնագետներ են, հիմնականում ճարտարապետներ Հայաստանից և արտերկրից: Ժյուրիի նախագահն է լոնդոնաբնակ ճարտարապետ Ֆիլիպ Գումուչջյանը, անդամներն են՝ճարտարապետ, արվեստաբան Միսակ Խոստիկյանը, Ալբերտ Պողոսյան, Պողոսյան հիմնադրամի համանախագահն ինչպես նաև Երևանի գլխավոր ճարտարապետ՝ Արթուր Մեսչյանը:

Մրցույթի հաղթողը հայտնի կդառնա հուլիսի 3-ին, առաջին տեղը զբաղեցրած նախագիծը կստանա 2.5 միլիոն ՀՀ դրամ (մոտ 5.000 ԱՄՆ դոլար) 2 տեղ՝ 1.5 միլիոն ՀՀ դրամ (մոտ 3.000 ԱՄՆ դոլար) 3 տեղ՝ 1 միլիոն ՀՀ դրամ (մոտ 2.000 ԱՄՆ դոլար):

Հոդվածի բնօրինակն՝ այստեղ