ԼՂ հակամարտություն. Վաշինգտոնում Ադրբեջանի դեսպանը զգուշացնում է վտանգավոր էսկալացիայի մասին 

Հոդվածի առանցքում

• Հայաստանը և Ադրբեջանը հակամարտության մեջ են արդեն երեք տասնամյակ, բայց որոշ պաշտոնյաներ ասում են, որ հիմա այս հակամարտությունը վտանգավոր կետի է հասել՝ հրադադարի ռեժիմի ամենօրյա խախտումներով և զոհերով: «Դա չկարգավորված հակամարտություն է և շարունակում է վտանգավոր լինել ամբողջ տարածաշրջանի համար: Ստատուս քվոն կայուն չէ: Մենք չունենք խաղաղապահներ: Հակամարտող կողմերի զինվորները կանգնած են իրար առաջ և որոշ հատվածներում նրանց միջև հեռավորությունը 100 մ է»,-  Fox News-ին ասել է Վաշինգտոնում ԱՄՆ դեսպան Էլին Սուլեյմանովը:

Ուշադրությանն արժանի

• Ադրբեջան. Արևմուտքի սիրավեպը կրթված բռնակալների հետ
• Ստամբուլի քաղաքապետի ընտրությունների կենտրոնները կոռուպցիայի դեմ պայքարում
• Ադրբեջանի պահանջով իսրայելական ընկերության արտահանման լիցենզիան կասեցվել է

 

Հայաստանը և Ադրբեջանը հակամարտության մեջ են արդեն երեք տասնամյակ, բայց որոշ պաշտոնյաներ ասում են, որ հիմա այս հակամարտությունը վտանգավոր կետի է հասել՝ հրադադարի ռեժիմի ամենօրյա խախտումներով և զոհերով:

«Դա չկարգավորված հակամարտություն է և շարունակում է վտանգավոր լինել ամբողջ տարածաշրջանի համար: Ստատուս քվոն կայուն չէ: Մենք չունենք խաղաղապահներ: Հակամարտող կողմերի զինվորները կանգնած են իրար առաջ և որոշ հատվածներում նրանց միջև հեռավորությունը 100 մ է»,-  Fox News-ին ասել է Վաշինգտոնում ԱՄՆ դեսպան Էլին Սուլեյմանովը:

«Այնտեղ մշտապես մասշտաբային էսկալացիայի հնարավորություն կա: Կողմերն ունեն բավականաչափ զենքեր և իրավիճակը կարող է սրվել ցանկացած պահի: Մենք իրականում ունենք վտանգավոր իրավիճակ, որտեղ ամեն ինչ կարող է անվերահսկելի դառնալ»,- ասել է Սուլեյմանովը:

1994-ին հակամարտության ամենաթեժ փուլում սպանվեց 30000 մարդ, փախստական դարձավ ավելի քան մեկ միլիոնը, ինչից հետո ստորագրվեց հրադադարի համաձայնագիրը:

Բայց հիմա հրադադարը խախտվում է ամեն օր, երբեմն գործի են անցնում դիպուկահարները: Սուլեյմանովի խոսքով, ամսվա մեջ մոտ մեկ անգամ դիպուկահար կրակին փոխարինում են ականանետները:

Հակամարտող երկու կողմերն էլ զարգացրել են իրենց ռազմական կարողությունները:

Թեև առաջնորդները հանդիպում են Վիեննայում՝ խաղաղ բանակցելու, ակնկալիքները, որ առաջիկայում կարգավորում կլինի, համեստ են:

«Մարդիկ այսօր ապրում են այս կոնֆլիկտի մթնոլորտում: Մարդիկ ուզում են խաղաղություն տեսնել, միմյանց հետ ամուսնանալ: Մարդիկ ուզում են բուժվել այս ամենից», – ասել է Սուլեյմանովը:

Հայաստանի հյուպատոսությունը չի պատասխանել այս հայտարարությունները մեկնաբանելու առաջարկին:

Սուլեյմանովը Fox News-ի հետ խոսել է AIPAC կոնֆերանսում իր ելույթից հետո, որում ընդգծել էր, որ Ադրբեջանը միակ մուսուլման երկիրն է, որը մասնակցում է Իսրայելի կազմակերպած ամենամյա այդ միջոցառմանը:

«Մեր մուսուլման լինելը չի նշանակում, թե մենք Իսրայելի դեմ ենք, հակառակը, մենք ունենք ամուր հարաբերություններ: Մեր շատ քայլեր են քննադատվում, բայց դա կարևոր չէ», – ասել է նա՝ պատասխանելով միջոցառմանն ադրբեջանական կողմի մասնակցության շուրջ հնչած քննադատություններին:

Հոդվածի բնօրինակն՝ այստեղ