Դաքքայի հայկական եկեղեցին

Հոդվածի առանցքում

• Բանգլադեշի մայրաքաղաք Դաքքայի հայկական եկեղեցին 200 տարի առաջ կառուցել են այստեղ ապրած հայ առևտրականները: Հին Դաքքայի Արմանիտոլիա թաղամասում կա Հայ կաթոլիկ եկեղեցի: 17-ից 18-րդ դարերում այստեղ շատ հայեր են բնակվել. եկեղեցին նրանք են կառուցել:

Ուշադրությանն արժանի

• Իսրայելական դրոն արտադրող ընկերությանը թույլատրել են վաճառել այն ադրբեջանցիներին
• Շրի Լանկայի հարձակումները. Դեմքի ծածկոցներն արգելված են Զատկի արյունալի իրադարձությունից հետո
• Մայիսի 5-ից հետո Ադրբեջանը կարող է նորից արգելել վրացիների մուտքը Դավիթ Գարեջիի համալիր

 

Բանգլադեշի մայրաքաղաք Դաքքայի հայկական եկեղեցին 200 տարի առաջ կառուցել են այստեղ ապրած հայ առևտրականները:

Հին Դաքքայի Արմանիտոլիա թաղամասում կա Հայ կաթոլիկ եկեղեցի: 17-ից 18-րդ դարերում այստեղ շատ հայեր են բնակվել. եկեղեցին նրանք են կառուցել:

Հստակ տարեգրություն չկա, թե երբ են առաջին հայերը եկել Դաքքա: 17-րդ դարում Շահ Աբասը գրավել էր Հայաստանի մի մասը և կազմակերպել զանգվածային արտաքսում, ինչի արդյունքում էլ բազմաթիվ հայեր հաստատվել էին այլ քաղաքներում:

Տեքստիլի արտադրությունը ծաղկուն շրջան էր ապրում և հայ առևտրականները մետաքս, կաշի էին վաճառում: Այս արդյունաբերության շնորհիվ հայ համայնքը հարստացավ և 1781 թվականին որոշեց եկեղեցի կառուցել: 23 մետր երկարությամբ սպիտակ և ոսկեգույն եկեղեցին  այնքան էլ մեծ չէ: Գլխավոր սրահում մոտ 80 մարդ կարող է տեղավորվել: Ներսի պատերից մեկին կախված է «Խորհրդավոր ընթրիքը» նկարը: Փայտյա պարուրաձև սանդուղքն ուղեկցում է երկրորդ հարկի պատշգամբ, որտեղ ևս 20-ից 30 մարդ կարող է տեղավորվել:

Այն տարածքը, որի վրա կառուցվել է եկեղեցին եղել է հայկական գերեզմանատուն: Եկեղեցու հարակից տարածքում հիմա էլ կան հայկական գերեզմաններ: Գերեզմաններից մեկի վրա էլ պատկերված է կմախք և երկու խաչաձև ոսկոր, ինչը նշանակում է, որ այդ մարդուն սպանել են ծովահենները 1783 թվականին:

Եկեղեցում հիմա քիչ են արարողությունները: Միայն հատուկ տոներին են եկեղեցում պատարագներ մատուցում: Եկեղեցու դարպասները սովորաբար փակ են, սակայն կարելի է գալ և ծեծել դուռը, հետո սպասել մի քանի րոպե և ինչ-որ մեկը կգա այն բացելու:

Հոդվածի բնօրինակն՝ այստեղ