Հայաստանը քվեարկեց ռեֆորմիստ վարչապետի հրավիրած արտահերթ ընտրություններում

Հոդվածի առանցքում

• Հայերը քվեարկել են խորհրդարանական ընտրություններում, որոնք կազմակերպվել էին որոշ ժամանակ առաջ ռեֆորմիստական առաջնորդ Նիկոլ Փաշինյանի կողմից, ով նպատակ ունի ամրացնել իր քաղաքական իշխանությունը: 43-ամյա նախկին լրագրողը մայիսին դարձել է վարչապետ՝ իշխանությունից հեռացնելով քաղաքականության վետերան առաջնորդ Սերժ Սարգսյանին։

Ուշադրությանն արժանի

• Բողոքների վրա հիմնված քաղաքացիական հասարակության արժանիքներն ու թերությունները
• Թուրքիան դատապարտում է Հայոց ցեղասպանության մասին Ֆրանսիայի և Իտալիայի որոշումները
• Ցեղասպանության մասին պատմությունները Ռուսական արվեստի թանգարանում

Նիկոլ Փաշինյանը խոստացել է պայքարել կոռուպցիայի դեմ և «տնտեսական հեղափոխություն» իրականացնել

Հայերը քվեարկել են խորհրդարանական ընտրություններում, որոնք կազմակերպվել էին որոշ ժամանակ առաջ ռեֆորմիստական առաջնորդ Նիկոլ Փաշինյանի կողմից, ով նպատակ ունի ամրացնել իր քաղաքական իշխանությունը:

43-ամյա նախկին լրագրողը մայիսին դարձել է վարչապետ՝ իշխանությունից հեռացնելով քաղաքականության վետերան առաջնորդ Սերժ Սարգսյանին՝ խաղաղ հակակառավարական հանրահավաքների և ուղիղ եթերների միջոցով: Մինչև 2022 թ. խորհրդարանական ընտրություններ նախատեսված չէին:

Նա խոստացել է արմատախիլ անել էնդեմիկ կոռուպցիան և բարելավել ծայրահեղ աղքատության վիճակը 3 միլիոն բնակչություն ունեցող աղքատ, դեպի ծով ելք չունեցող երկրում:

«Ընտրություններից հետո մենք կկարողանանք զարգացնել հայկական ժողովրդավարությունը և տնտեսական հեղափոխությունը», – լրագրողներին ասել է Փաշինյանը ` կիրակի օրը իրականացնելով իր քվեարկությունը ու խոստանալով ազատ, արդար և թափանցիկ ընտրությունների անցկացում:

Փաշինյանի բարեփոխումները ամիսներ շարունակ խոչընդոտվում էին ընդդիմության կողմից, ի դեմս Սարգսյանի գլխավորած Հանրապետական կուսակցության, որը մեծամասնություն էր կազմում Ազգային ժողովում մինչև այն պահը, երբ Փաշինյանը հրաժարական տվեց արտահերթ ընտրություններ անցկացնելու հաշվարկով:

Երևանի կենտրոնում տեղակայված ընտրատեղամասում ընտրողները լավատեսություն են արտահայտում Փաշինյանի խոստացած քաղաքական փոփոխության կապակցությամբ և իրենց զայրույթը արտահայտում դեպի նախկին իշխանություններ:

«Ի շնորհիվ հեղափոխության, մենք վերջապես կունենանք արդար ընտրություններ», – AFP- ին ասել է 72-ամյա թոշակառու Փարզիկ Ավետիսյանը: «Ես քվեարկել եմ Նիկոլ Փաշինյանի խոստացած դրական փոփոխության համար», – ավելացրեց նա:

Մեկ այլ ընտրող, 52-ամյա նկարիչ Գառնիկ Առաքելյանը, ասել է. «Ես ուզում եմ, որ բոլոր այն կոռումպացված պաշտոնյաները, որոնք երկար տարիներ թալանել և նվաստացրել են մարդկանց, բանտարկվեն»:

Փաշինյանի կուսակցությունը ակնկալում է ստանալ մեծամասնություն նոր օրենսդիր մարմնում, որը թույլ կտա նրան առաջ մղել իր օրակարգը՝ միտված Հարավային Կովկասի քաղաքական լանդշաֆտը փոխելուն և «տնտեսական հեղափոխություն» իրականացնելուն:

Վերլուծաբաններն ասում են, որ Փաշինյանը նոր ընտրություններ էր կազմակերպել, քանի որ գտնվում էր իր ժողովրդականության գագաթնակետին:

Սեպտեմբերին նրա բլոկը քաղաքային ընտրություններում հաղթանակ տարավ, ստանալով ավելի քան 80 տոկոս Երևանում, որտեղ բնակվում է նախկին խորհրդային հանրապետության բնակչության գրեթե 40 տոկոսը:

Հոդվածի բնօրինակն՝ այստեղ