2015-ին Հայաստանը եվրապարտատոմսեր կթողարկի Ռուսաստանից կրած վնասները փոխհատուցելու համար

Հոդվածի առանցքում

• Հայաստանը պլանավորում է այս տարի եվրապարտատոմսեր թողարկել, որպեսզի չեզոքացնի գլխավոր առևտրային գործընկեր Ռուսաստանի տնտեսական ճգնաժամի բացասական ազդեցությունը: Այս մասին երկուշաբթի օրը հայտնել է ֆինանսների նախարարությունը:
• 2013-ի սեպտեմբերին թողարկված նախորդ եվրապարտատոմսերը եղել են 700 միլիոն դոլար 7 տարի մարման ժամկետով: Moody's-ը հունվարին Հայաստանի պարտատոմսերը իջեցրել է Ba3-ից Ba2 ռեյտինգի՝ փոխելով դրա կանխատեսումները բացասականից կայունի:

Ուշադրությանն արժանի

• Փաշինյանի և Ալիևի իմիտացիոն խաղը բանակցային գործընթացը նոր ռիսկի է տանում
• Տեղացի հայերը նշում են Հայոց Ցեղասպանության 100-րդ տարելիցը
• Ղարաբաղը հանցավորության միջազգային կենտրոն ներկայացնող նոր գիրք է հրատարակվել

Հայաստանը պլանավորում է այս տարի եվրապարտատոմսեր թողարկել, որպեսզի չեզոքացնի գլխավոր առևտրային գործընկեր Ռուսաստանի տնտեսական ճգնաժամի բացասական ազդեցությունը: Այս մասին երկուշաբթի օրը հայտնել է ֆինանսների նախարարությունը:

3,2 միլիոն բնակչություն ունեցող նախկին խորհրդային երկիր Հայաստանը սերտորեն կապված է Ռուսաստանի հետ առևտրային և դրամական փոխանցումներով և ռուբլու վերջին կտրուկ անկումը, որը առաջացավ նավթի գների անկման և Արևմտյան երկրների պատժամիջոցների հետևանքով, իր հետ ցած քաշեց նաև հայկական դրամը:

Երկուշաբթի օրը դրամը դոլարի համեմատ վաճառվում էր մոտավորապես 474 կուրսով, այդ դեպքում, երբ տարի առաջ մեկ դոլարը՝ 407 դրամն էր  :«Անհրաժեշտ է արտասահմանյան արժույթով կապիտալի ներհոսք ապահովել, որպեսզի չեզոքացվի համաշխարհային տնտեսության բացասական ազդեցությունը»:

Cleary Gottlieb Steen & Hamilton LLC միջազգային իրավաբանական ընկերությունը այս հարցում որպես խորհրդատու կգործի, մինչդեռ Deutsche Bank-ը, HSBC Bank-ը և JP Morgan-ը կլինեն ապահովագրողները:

Հայաստանը անդամակցում է Ռուսաստանի նախագահ Վլադիմի Պուտինի  Եվրասիական միությանը: Պուտինը հույս ունի՝ այն կդառնա Եվրոպական միության մրցակիցը:  2013-ի սեպտեմբերին թողարկված նախորդ եվրապարտատոմսերը եղել են  700 միլիոն դոլար 7 տարի մարման ժամկետով: Moody’s-ը հունվարին Հայաստանի պարտատոմսերը իջեցրել է Ba3-ից Ba2 ռեյտինգի՝ փոխելով դրա կանխատեսումները բացասականից կայունի: Այն վկայակոչում է դրամական փոխանցումների նվազելը, անորոշ արտասահմանյան ներդրումները, փոխարժեքի փոփոխականությունը և արտասահմանյան արժութային պահուստների ճնշումները:

Հոդվածի բնօրինակն՝ այստեղ