Թբիլիսիի Պատիվ շարժումը սպառնում է ԼԳԲՏ երթի անվտանգությանը

Հոդվածի առանցքում

• Վրիժառուների խմբերն իրենց կողմնակիցներին կոչ են արել խափանել Թբիլիսիում առաջին անգամ անցկացվող ԼԳԲՏ-ի միջոցառումը, ոստիկանությունն էլ հայտարարել է, որ չի կարող երաշխավորել մասնակիցների անվտանգությունը:

Ուշադրությանն արժանի

• Իրան-Ադրբեջան համատեղ արտադրության ավտոմեքենաները կարտահանվեն Ուկրաինա
• Կանխիկ դրամով Պուտինը պառակտում է ԵՄ՝ փորձելով հաղթահարել պատժամիջոցները
• Ջոն Բոլթոնը վատն էր: Նրա հեռանալը կարող է ավելի վատ լինել

 

Պատվի միջոցառումը կլինի առաջինը Կովկասում, սակայն կդառնա ևս մեկ թիրախ Վրաստանի սոցիալիստ պահպանողականների համար:

Վրիժառուների խմբերն իրենց կողմնակիցներին կոչ են արել խափանել Թբիլիսիում առաջին անգամ անցկացվող ԼԳԲՏ-ի միջոցառումը, ոստիկանությունն էլ հայտարարել է, որ չի կարող երաշխավորել մասնակիցների անվտանգությունը:

«Մենք ինքներս կկազմակերպենք քաղաքացիական բրիգադներ … նրանք էլ կմիավորվեն մի լեգեոնում», հունիսի 16-ին կայացած հանրահավաքին ասել է Լևան Վաշաձեն, միլիոնատեր, ավանդական արժեքների ինքնակոչ  պահապանը, որը հայտնի է իր հակա-ԼԳԲՏ  դիրքորոշմամբ: «Մեր մեջ կան ռազմական փորձով շատ մարդիկ, հայտնի մարզիկներ, ռեգբիի խաղացողներ, ըմբիշներ … եթե այլասերվածություն քարոզողները փորձեն ցույց անցկացնել, մենք կկոտրենք ցանկացած ոստիկանական պատնեշ»:

Սպառնալիքները կասկածի տակ են դնում Կովկասում առաջին ԼԳԲՏ Պատվի (LGBTQI Pride)- ի անցկացման ծրագրերը, որոնք նախատեսված էին որպես հունիսի 18-ից 23-ը ընկած ժամանակահատվածում նախատեսված միջոցառումների շարք, իսկ դրանց գագաթնակետը պետք է լիներ կազմակերպիչների բնորոշմամբ «Արժանապատվության երթը»:

Վաշաձեն, ում հաճախ «ասպետ» են կոչում, իսկ այդ պատվին նա արժանացել է  վրացական արքայական ընտանիքի կողմից, զգուշացրել է արևմտյան դիվանագետներին և ակտիվիստներին չմիջամտել ակնկալվող առճակատմանը: «Մենք լսել ենք, որ այստեղ են գալիս օտարերկրյա սոդոմիտները», – ասել է նա: «Նույնիսկ եթե ամբողջ աշխարհի դեսպանները գան նվնվալու այս իշխանությանը, մենք նրանց թույլ չենք տա շարունակել այս հանրահավաքը», – ասել է նա:

Թբիլիսիի Պատվի կազմակերպիչները կոչ են արել ոստիկանությանն արձագանքել սպառնալիքներին և ապահովել իրենց միջոցառումների անվտանգությունը: «Թբիլիսիի Պատիվը կոչ է անում Ներքին գործերի նախարարությանն անհապաղ հետաքննություն սկսել Լևան Վաշաձեի այսօր արած հայտարարության առիթով»,- նշվում է Թբիլիսիի Պատվի հայտարարության մեջ:

«Հանցագործության բոլոր տարրերն ակնհայտ են. խումբ է ստեղծվում, որը սահմանափակում է ազատ տեղաշարժվելու մարդկանց  իրավունքը և … նրանց ազատությունը», – ասաց Թբիլիսիի Պատիվը, հավելելով, որ Վաշաձեի կոչը պարունակում է բռնության ուղղակի սպառնալիք:

Հունիսի 17-ին ՆԳՆ-ն հայտարարել է, որ հետաքննություն է սկսել ապօրինի ռազմականացված կազմավորման ձևավորման գործով: «Չգիտեմ այդ ասպետի մասին, բայց նա, ով ձեռք կբարձրացնի ոստիկանի վրա, կբախվի հետևանքներին», -լրագրողներին  ասաց ներքին գործերի փոխնախարար Նաթիա Մեզվրիշվիլին:

Երեք օր առաջ, հունիսի 14-ին, բարբարոսները հարձակվեցին ԼԳԲՊ-ի իրավապաշտպանների վրա, ովքեր հավաքվել էին կառավարական շենքի դիմաց`  պահանջելով պաշտպանություն ատելության խմբերից պատվի շաբաթվա ընթացքում: Ոստիկանությունը փորձում էր հեռու պահել հարձակվողներին, կատարվեցին ձերբակալություններ: Ձերբակալվածներն ազատ արձակվեցին հաջորդ օրը, բայց դատարանի պահանջով նրանք պետք է տուգանք վճարեն:

Եթե վրիժառուները հետևեն իրենց սպառնալիքներին, ապա Թբիլիսիում նման բռնությունն առաջին անգամ չի լինի: 2013 թ.-ին ամբոխը քահանաների հետ անցավ ոստիկանության պատնեշով`հարձակվելու քաղաքի կենտրոնում անցկացվող ԼԳԲՊ- ի իրավունքների փոքր ցույցի վրա:

Այս տարվա միջոցառումներից առաջ, Վրաստանի ազդեցիկ եկեղեցին կրկին դատապարտեց ԼԳԲՏ- ին` իր ծրագրերը ցուցադրելու համար:

«ԼԳԲՏ անձանց կյանքի ուղին սոդոմիտ մեղք է, հետևաբար դեմ է քրիստոնեական հավատքին, ավանդական կրոնական ուսմունքներին և բարոյական արժեքներին», – հունիսի 14-ի հայտարարության մեջ նշել է վրաց ուղղափառ եկեղեցու ղեկավար մարմինը: Եկեղեցին իրեն հեռացրել է ցանկացած բռնությունից, սակայն հնարավոր բռնության մեղադրանք է ներկայացրել  պատվի կազմակերպիչներին. «Երբ փոքր խումբը փորձում է իր տեսակետը պարտադրել ամբողջ բնակչությանը, դա, բնականաբար, բախում է առաջացնում»:

Հունիսի 14-ի հարձակումներից հետո, ԼԳԲՏ- ի ակտիվիստները և շատ ընդդիմադիր առաջնորդներ քննադատեցին կառավարությանը, որ չի կարողանում օգնել քաղաքացիներին կիրառելու ազատ արտահայտվելու իրենց իրավունքը: Այս ամսվա սկզբին էլ Ներքին գործերի նախարարությունը հայտարարել էր, որ չի կարող երաշխավորել պատվի մասնակիցների անվտանգությունը բացօթյա միջոցառման ժամանակ, փոխարենն առաջարկել էր փակ տարածքի այլընտրանքներ:

Հոդվածի բնօրինակն՝ այստեղ