ՀՀ-ն մտադիր է խթանել գործակցությունը Եթովպիայի հետ ՏՏ ոլորտում

Հոդվածի առանցքում

• Հայաստանի արտաքին քաղաքական կարևոր առաջնահերթություններից է աֆրիկյան մայրցամաքի երկրների, այդ թվում Եթովպիայի հետ հարաբերությունների ընդլայնումը: Այդ մասին Հայաստանի ԱԳ նախարար Զոհրաբ Մնացականյանը հայտարարել է ապրիլի 3-ին Ադիս-Աբեբայում Եթովպիայի նախագահ Սահլե-Վորկ Զևդեի հետ հանդիպմանը:

Ուշադրությանն արժանի

• Ռուս-ամերիկյան հարաբերությունները լարվել են, քանի որ Մոսկվան մեղադրում է Վաշինգտոնին իր քաղաքական դաշնակցի գողության մեջ
• Հայաստանը և Ղրղզստանը կենտրոնացած են սննդամթերքի անվտանգության վրա
• Blocktech-ը գործակցում է Հայաստանի Ֆրանսիական Համալսարանի հետ առաջին բլոքչեյն լաբորատորիան Երևանում հիմնելու համար

 

Հայաստանի արտաքին քաղաքական կարևոր առաջնահերթություններից է աֆրիկյան մայրցամաքի երկրների, այդ թվում Եթովպիայի հետ հարաբերությունների ընդլայնումը: Այդ մասին Հայաստանի ԱԳ նախարար Զոհրաբ Մնացականյանը հայտարարել է ապրիլի 3-ին Ադիս-Աբեբայում Եթովպիայի նախագահ Սահլե-Վորկ Զևդեի հետ հանդիպմանը:

Զրուցակիցները մտքեր են փոխանակել երկկողմ օրակարգի խորացման և հարստացման հեռանկարների շուրջ։ Որպես առաջնային ուղղություն երկուստեք նշվել է տեղեկատվական տեխնոլոգիաների, թվային օրակարգի շուրջ համագործակցության խթանմանն ուղղված ծրագրերի նախաձեռնումը, հայտնում է ԱԳՆ մամուլի ծառայությունը:

Հայաստանի արտգործնախարարն ընդգծել է, որ հայկական կողմը պատրաստակամ է գործնական քայլեր ձեռնարկել առկա ներուժի առավել արդյունավետ օգտագործման ուղղությամբ:

Պաշտոնյաներն առանձնահատուկ ընդգծել են Եթովպիայի թեև փոքրաթիվ, սակայն ակտիվ հայ համայնքի դերը երկրի հասարակական-քաղաքական կյանքում՝ որպես ամուր կամուրջ և կապող օղակ երկու երկրների միջև:

Հանդիպման ավարտին Հայաստանի արտաքին քաղաքական գերատեսչության ղեկավարը Եթովպիայի նախագահին ներկայացրեց Լեռնային Ղարաբաղի հակամարտության կարգավորման գործընթացի ընթացիկ զարգացումները: Նրանք երկուսն էլ համաձայնեցին, որ հակամարտության խաղաղ կարգավորումն այլընտրանք չունի:

Բարձրաստիճան հայ դիվանագետը կհանդիպի նաև պետական նախարար, արտաքին գործերի նախարար Մարկոս Թեքլ Ռիիի և այլ պաշտոնատար անձանց հետ, ինչպես նաև կհանդիպի Եթովպիայի հայ համայնքի ներկայացուցիչներին:

Մնացականյանը նաև հանդիպումներ կունենա Աֆրիկյան Միությունում և ՄԱԿ-ի Աֆրիկայի տնտեսական հանձնաժողովում:

Հոդվածի բնօրինակն՝ այստեղ