7 առողջարար մթերք, որոնք անառողջ էիք համարում

Հոդվածի առանցքում

• Կան մթերքներ, որոնք ժամանակին համարվում էին առողջությանը վնասակար: Հիմա մասնագետները պնդում են ճիշտ հակառակը:

Ուշադրությանն արժանի

• Թուրքիայի նախագահ. Obamacare-ը իմ գաղափարն էր
• Նոր հետազոտության համաձայն ֆեյսբուքը կապվում է ընկճախտի հետ. բայց մենք հիմա հասկանում ենք, թե ինչու
• Բացահայտում. Աշխարհի երկրների լավագույն և վատագույն սննդակարգը

Հիշո՞ւմ եք, ժամանակին ճարպեր քիչ պարունակող սննդակարգն էր մոդայիկ: Հիմա, հակառակը`  ճարպերը, կամ գոնե որոշ տեսակները, առողջարար դիետայի անբաժան մասն են:  Ահա 7 մթերք, որոնք ժամանակին խորհուրդ չէին տրվում, իսկ հիմա մասնագետները պնդում են, որ առանց այս մթերքների չեք կարող ապրել:

Ավոկադո. Ջրալի, սննդարար

Ճարպային ցածր պարունակությամբ սննդակարգի ժամանակաշրջանում  դիետոլոգներն ավոկադոյին թերահավատորեն էին վերաբերվում` դրանում ճարպի բարձր պարունակության պատճառով:  Իհարկե, ճարպը շատ է: Բայց ուսումնասիրությունները ցույց են տալիս, որ այդ ճարպը կարող է իրականում նվազեցնել ցածր խտության լիպոպրոտեինները, այսպես կոչված` վատ խոլեստերոլը:

Ավոկադոները հարուստ են վիտամիններով ու ածխաջրերով, այդ թվում ` պոտասիում, մագնեզիում, ֆոլաթթու: Ավոկադոյի մեջ նաև շատ վիտամին K, C, E, B-5 և B-6 կա:   Ավոկադոն ևս մեկ առավելություն ունի` երկար  ժամանակ հագեցած ես մնում:

 

Ձու. Պրոտեինի ավանդական աղբյուր

Ձվի օգտագործման չափաքանակի գերազանցումը երկար ժամանակ համարվել է սրտանոթային հիվանդությունների ու խոլեստերոլի չափազանց բարձր ցուցանիշի պատճառ:  Հիմա մասնագետները պնդում են, որ ձուն առողջարար հատկություններ ունի: Ամերիկյան Սրտաբանական  ասոցիացիան թույլատրում է շաբաթը 4 ձու օգտագործել: Եթե ցանկանում եք ձուն ներառել շաբաթվա սննդակարգի մեջ ու այն պարբերաբար օգտագործել, ապա մասնագետը խորհուրդ է տալիս մեկ ձվի դեղնուցին խառնել 4 ձվի սպիտակուց: Դեղնուցը պարունակում է մարդուն անհրաժեշտ բոլոր վիտամինները, ներառյալ ֆոլաթթոu, D և B-12 վիտամինները:

 

Կարտոֆիլ. Ուղեղի ու մկանների համար

Ճարպային ցածր պարունակությամբ սննդակարգի կողմնակիցները խորհուրդ էին տալիս սննդակարգից բացառել բանջարեղենի ու մրգի որոշ տեսակներ` դրանցում շաքարի ու օսլայի բարձր պարունակության պատճառով: Սակայն կարտոֆիլն այդ արգելքին արժանի չէ: Կարտոֆիլը բանանից երկու անգամ շատ ածխաջրեր է պարունակում: Այն նաև չի պարունակում ճարպ ու խոլեստերոլ: Կարող եք վայելել այն ոչ տապակած տարբերակով:

 

Սպիտակ բրինձ. Էներգիայի աղբյուր

Պրոտեինի, B-6 վիտամինի, ճարպի ցածր պարունակություն, այնպես որ կարող եք վայելել սպիտակ բրնձի նուրբ համը: Սպիտակ բրինձն ինչ-որ այլ մթերքով կամ դեղին բրնձով փոխարինելու կարիք չկա:

 

Ընկույզ. Լավ ճարպեր` փոքր քանակով

Ճարպի բարձր պարունակությամբ ընկույզի օգտագործումը հաճախ են քննադատում հատկապես ճարպի ցածր պարունակությամբ սննդակարգի կողմնակիցները: Բայց վերջին հետազոտությունները պարզել են, որ ընկույզն օգտակար է: Այն մեծ քանակությամբ սպիտակուց և բջջանյութ է պարունակում:

 

Popcorn. Ադի–բուդի

Պարզ և առողջ մթերք: Հարուստ է մանրաթելերով, պելիֆենոլով, հակաօքսիդանտներով, ուղեղի առողջ սնուցման լավ տարբերակ:

 

Սև շոկոլադ. Աղանդերի ճիշտ ընտրություն

Հակաօքսիդանտներով հարուստ սև շոկոլադը իսկական նվեր է ձեր սրտի համար, այն նաև կարող է բարելավել սրտի կոգնետիվ  աշխատանքը: Կարևոր է, որ սև շոկոլադն օգտագործեք փոքր չափաբաժնով, քանի որ այն բարձր կալորիականություն ունի:

Սննդի փորձագետները խորհուրդ են տալիս. օգտակար մթերքները սննդակարգում ներառելիս պահպանել դրանց օգտագործման ճիշտ չափաբաժինը, նույնիսկ առողջարար սննդի սխալ չափաբաժինը ձեր առողջությանը կարող է վնասել:

 

Հոդվածի բնօրինակն՝ այստեղ: