Քաղաքը գովերգում է հայկական մշակույթը Քուինսում

Հոդվածի առանցքում

• 210-րդ փողոցի ու Հորացի Հարդինգ մայրուղու անկյունը կոչվել է «Հայաստանյան ուղի»՝ ճանաչելու հայ համայնքի նշանակալի ներդրումները Բեյսայդին:

Ուշադրությանն արժանի

• Բաց նամակ ԱՄՆ նախագահ Բարաք Օբամային Հայոց Ցեղասպանության վերաբերյալ
• Լորդ Դարզի. Ես առաջին հայն եմ Մեծ Բրիտանիայի խորհրդարանում և սարսափած եմ, որ Բրիտանական կառավարությունը հրաժարվում է ճանաչել Հայոց ցեղասպանությունը
• Հիլարի Քլինթոն. Կցանկանայի նախագահ լինել

Անցած կիրակի, գեղեցիկ ու պարզ մի օր, ամերիկահայերը մեծ պատվի արժանացան, փողոցը կոչվեց իրենց նախնիների հայրենիքի անունով: 210-րդ փողոցի ու Հորացի Հարդինգ մայրուղու անկյունը կոչվեց «Հայաստանյան ուղի»՝ ճանաչելու հայ համայնքի նշանակալի ներդրումները Բեյսայդին:

Հայ առաքելական եկեղեցու արքեպիսկոպոս Խաժակ Բարսամյանը «օրհնյալ» է համարել այն  օրը, երբ հայերը ճանապարհորդեցին Միացյալ Նահանգներ և իրենց հնարավորություններն օգտագործեցին նոր հայրենիքում լավ քաղաքացի դառնալու համար: Բարսամյանը հայտարարեց, որ միշտ խրախուսում է երիտասարդ հայերին, հիշեցնելով, որ իրենք 100% հայ են և 100%՝ ամերիկացի:

«Դա կարող է տեղի ունենալ միայն ԱՄՆ–ում», – ասաց Բարսամյանը: «Սա ազատ երկիր է, որը բոլորին հնարավորություն է տալիս  պահպանել իրենց հավատքը, էթնիկական ծագումը, ինքնությունը, Ամերիկան քաջալերում է մարդկանց՝ իրենց համարելու այս մեծ երկրի մի մասնիկը»:

Խորհրդական Բարրի Գրոդենչիկը, որն օգնել է հայկական եկեղեցուն սուրբ տաճարի հարակից փողոցի անվանման հարցում, միջոցառման կազմակերպիչներից է: Մասնակցել են հարյուրավոր հավատացյալներ:

«Ես առաջին անգամ այս եկեղեցու մասին լսեցի, երբ ընդամենը մի թաղամաս հեռու գտնվող դպրոցում էի սովորում», – ասաց հանրապետական Գրեյս Մենգը: «Շատ ընկերներ ունեի, որոնք հաճախում էին այս եկեղեցին և սկսեցի ծանոթանալ այն հսկայական հարաբերությունների ու նվիրվածության մասին, որ եկեղեցին ցույց է տալիս իր շուրջ հավաքված համայնքին »:

Մենգը ողջունեց համայնքի հետ եկեղեցու ջերմ հարաբերությունները, հավելելով, որ ինքը Կոնգրեսի՝ Հայաստանի աջակցության խմբի հպարտ անդամ է:

Արարողությունը տեղի է ունեցել եկեղեցու  մուտքի մոտ, կառույց, որն իրեն նվիրել է ինչպես իր հավատացյալների կյանքին, այնպես էլ ներգրավվածությանը համայնքում: Եկեղեցում գործում է երեք դպրոց: Այն նաև ղեկավարում է Օվկիանիայի ամենամյա փողոցային փառատոնը, որին մասնակցում են մարդիկ հարևան թաղամասերից: Եկեղեցու հոգևոր հովիվ Աբրահամ Մալխասյանը նրանց շնորհակալություն է հայտնել միջոցառմանն ու եկեղեցուն աջակցելու համար:

«Սա հրաշալի համայնք է», – արարողությունից հետո ասաց Նյու Յորքի նահանգային ժողովի պատգամավոր Դեյվիդ Վեփրինը:

Վեփրինն ասաց նաև, որ եկեղեցին զբաղվում է միջդավանական աշխատանքով, հարաբերություններ է հաստատել հարևան մզկիթի հետ: Վեփրինի խոսքերով, Հայոց Ցեղասպանությունը պատճառ է դարձել, որ եկեղեցին ընդհանուր լեզու գտնի մյուս համայնքների հետ: Այն Հոլոքոստի իրազեկման գործով է զբաղվում Քուինսբորոու համայնքային քոլեջի Կուպֆերբերգ Հոլոքոստի կենտրոնի և Բելլերոզե հրեական կենտրոնի հետ:

Բելլերոզե հրեական կենտրոնի ռաբբի Մենաշե Բովիտը նշել է, որ աշխատանքը մասամբ առաջ է գնացել հայ համայնքի անդամների, այդ թվում՝ քահանա Մալխասյանի հետ իր հարաբերությունների շնորհիվ:

Համագումարի ղեկավար Էդ Բրաունշտեյնը ողջունել է հայ համայնքին Ամերիկայում իր մշակույթն ու ավանդույթները պահպանելու համար: Համագումարի անդամ Նիլի Ռոզիչն էլ  ասել է, որ եկեղեցու դպրոցը առաջին վայրն էր, որտեղ նա այցելել է որպես պետական պաշտոնյա:

 

Հոդվածի բնօրինակն՝ այստեղ: